ಟಾಲಿವುಡ್‌ ಲೇಡಿ ಸೂಪರ್‌ಸ್ಟಾರ್‌ ಎಂದೇ ಖ್ಯಾತರಾಗಿರುವ ನಟಿ ಅನುಷ್ಕಾ ಶೆಟ್ಟಿ ಕ್ರಿಕೆಟ್‌ ಆಟಗಾರರೊಬ್ಬರ ಜೊತೆಗೆ ಶೀಘ್ರದಲ್ಲಿಯೇ ಮದುವೆಯಾಗಲಿದ್ದಾರೆ ಎಂಬ ವದಂತಿ ಹರಡಿದೆ. ಉತ್ತರ ಭಾರತದ ಈ ಕ್ರಿಕೆಟರ್‌ ಈಗ ದಕ್ಷಿಣ ರಣಜಿ ತಂಡದ ಪರವಾಗಿ ಆಡುತ್ತಿದ್ದಾರೆ. ಅವರೊಂದಿಗೆ ಡೇಟಿಂಗ್‌ನಲ್ಲಿರುವ ಅನುಷ್ಕಾ ಅವರನ್ನು ವರಿಸುವ ನಿರ್ಧಾರವನ್ನೂ ಮಾಡಿದ್ದಾರೆ ಎಂದು ಹೇಳಲಾಗುತ್ತಿದೆ. ಈ ಬಗ್ಗೆ ನಟಿಯು ಈವರೆಗೆ ಯಾವುದೇ ಅಧಿಕೃತ ಹೇಳಿಕೆ ನೀಡಿಲ್ಲ.

ತೀರಾ ಇತ್ತೀಚಿನವರೆಗೆ ಬಾಹುಬಲಿ ಖ್ಯಾತಿಯ ಪ್ರಭಾಸ್‌ ಜೊತೆ ಮದುವೆಯಾಗಲಿದ್ದಾರೆ ಮತ್ತು ಅವರಿಬ್ಬರ ನಡುವೆ ಪ್ರೇಮ ಸಂಬಂಧವಿದೆ ಎಂಬ ಬಗ್ಗೆ ಗಾಸಿಪ್‌ಗಳು ಹರಿದಾಡುತ್ತಿದ್ದವು. ಆದರೆ ಅವರಿಬ್ಬರು ಕೂಡ ಈ ಸುದ್ದಿಯನ್ನು ಅನೇಕ ಸಲ ನಿರಾಕರಿಸುತ್ತಲೇ ಬಂದಿದ್ದಾರೆ. ಈಗ ಅನುಷ್ಕಾ ಶೆಟ್ಟಿ ಹೆಸರು ಕ್ರಿಕೆಟ್‌ ಆಟಗಾರರೊಬ್ಬರೊಂದಿಗೆ ತಳುಕು ಹಾಕಿಕೊಂಡಿದೆ.

'ಬಿಗ್ ಬಾಸ್' ಹೊಸ ಸೀಸನ್ ನಿರೂಪಕಿಯಾಗಿ ಅನುಷ್ಕಾ ಶೆಟ್ಟಿ?

ಸದ್ಯಕ್ಕೆ ಅನುಷ್ಕಾ ಅಭಿನಯದ ನಿಶ್ಯಬ್ಧಂ ಸಿನಿಮಾ ಬಿಡುಗಡೆಗೆ ರೆಡಿಯಾಗಿದೆ. ಇದೇ ಏಪ್ರಿಲ್‌ನಲ್ಲಿ ಸಿನಿಮಾ ತೆರೆಕಾಣುತ್ತಿದೆ. ಹೇಮಂತ್ ಮಧುರ್‌ಕರ್ ನಿರ್ದೇಶನದ ಈ ಸಿನಿಮಾದಲ್ಲಿ ಮಾಧವನ್, ಮೈಕೇಲ್ ಮ್ಯಾಡ್‌ಸೆನ್, ಅಂಜಲಿ, ಶಾಲಿನಿ ಪಾಂಡೆ, ಸುಬ್ಬರಾಜು ಸೇರಿದಂತೆ ಹಲವಾರು ಮಂದಿ ಅಭಿನಯಿಸಿದ್ದಾರೆ. ಸಸ್ಪೆನ್ಸ್ ಥ್ರಿಲ್ಲರ್ ಆಗಿರುವ ಈ ಸಿನಿಮಾದ ಬಹುತೇಕ ಚಿತ್ರೀಕರಣ ಸಿಯಾಟಲ್‌ನಲ್ಲಿ ಮಾಡಿರುವುದು ವಿಶೇಷ.
ಗಾಳಿಸುದ್ದಿಯನ್ನು ಗಾಳಿಗೆ ತೂರಿದ ನಟಿ ಅನುಷ್ಕಾ ಶೆಟ್ಟಿ