ನಟಿ ಭಾವನಾ ಮದುವೆಗೆ ತ್ರಿಶೂರ್ ಮಂಟಪ ಬುಕ್‌

ನಟಿ ಭಾವನಾ ಹಾಗೂ ಕನ್ನಡ ಚಿತ್ರ ನಿರ್ಮಾಪಕ ನವೀನ್‌ ಅವರ ಮದುವೆ ಮುಹೂರ್ತ ಫಿಕ್ಸ್‌ ಆಗಿದೆ. ಇದೇ ವರ್ಷ ಅಕ್ಟೋಬರ್‌ 27ಕ್ಕೆ ಈ ಜೋಡಿ ವೈವಾಹಿಕ ಜೀವನಕ್ಕೆ ಕಾಲಿಡುತ್ತಿದ್ದಾರೆ.

ಮಾರ್ಚ್‌ 9 ರಂದು ಈ ಜೋಡಿಯ ನಿಶ್ಚಿತಾರ್ಥ ನಡೆದಿತ್ತು. ಭಾವನಾ, ನವೀನ್ ಅವರನ್ನು 5 ವರ್ಷಗಳ ಹಿಂದೆ ಸಿನಿಮಾ ಸೆಟ್‌ ಒಂದರಲ್ಲಿ ಭೇಟಿಯಾಗಿದ್ದರು. ಇವರಿಬ್ಬರ ಪರಿಚಯ ಸ್ನೇಹಕ್ಕೆ ತಿರುಗಿ , ನಂತರ ಪ್ರೇಮಿಗಳಾದರು.

ಕನ್ನಡ ಹಾಗೂ ಮಲಯಾಳಂ ಚಿತ್ರ ಶೂಟಿಂಗ್‌ನಲ್ಲಿ ಬಿಝಿಯಾಗಿರುವ ಭಾವನ ಮದುವೆಯ ನಂತರವೂ ಅಭಿನಯಿಸುವುದಾಗಿ ಹೇಳಿದ್ದಾರೆ.

ಮದುವೆಗೆ ಕೇರಳದ ತ್ರಿಶೂರಿನಲ್ಲಿ ಮಂಟಪ ಬುಕ್ ಆಗಿದೆ. ಕನ್ನಡದಲ್ಲಿ ಭಾವನ ಅಭಿನಯಿಸಿರುವ ರೋಮಿಯೋ, ಜಾಕಿ, ವಿಷ್ಣುವರ್ಧನ ಚಿತ್ರಗಳು ಹಿಟ್ ಲಿಸ್ಟ್‌ಗೆ ಸೇರಿದ್ದು, ಇದೀಗ ಟಗರು ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಲಿದ್ದಾರೆ.