ರೋಹಿತ್‌ ಶರ್ಮಾಗೆ ಮನಸೋತ ನಟಿ ಕಾಜಲ್ ಅಗರ್‌ವಾಲ್ ಹೇಳಿದ್ದೇನು ಗೊತ್ತೇ?

ಬಾಲಿವುಡ್ ಮೂಲದ ಸೌತ್ ಇಂಡಿಯನ್ ಸ್ಟಾರ್ ನಟಿ ಕಾಜಲ್ ಅಗರ್‌ವಾಲ್ ಅವರು ತುಂಬಾ ಅಭಿಮಾನಿಗಳ ಹಾಟ್ ಫೇವರೆಟ್ ನಟಿ. ಅಂಥ ನಟಿ ಸ್ಟಾರ್ ಕ್ರಿಕೆಟಿಗ ರೋಹಿತ್ ಶರ್ಮಾ ಅವರಿಗೆ ಮನಸೋತಿದ್ದಾರೆ. ಅಂದರೆ, ನಟಿ ಕಾಜಲ್ ಅಗರ್‌ವಾಲ್ ಅವರು ಕ್ರಿಕೆಟಿಗ ರೋಹಿತ್ ಶರ್ಮಾ ಅವರ ಭಾರಿ ಅಭಿಮಾನಿಯಂತೆ. ಹಾಗಂತ ಸ್ವತಃ ನಟಿ ಕಾಜಲ್ ಅಗರ್‌ವಾಲ್ ಹೇಳಿಕೊಂಡಿದ್ದಾರೆ.

ತೆಲುಗಿನ 'ಮಗಧೀರ' ಚಿತ್ರದ ಮೂಲಕ ಸೌತ್ ಇಂಡಿಯಾ ಸ್ಟಾರ್ ನಟಿಯಾಗಿ ಬೆಳೆದ ಸುಂದರಿ ಕಾಜಲ್ ಅಗರವಾಲ್, ಈಗಲೂ ಬಹುಬೇಡಿಕೆಯ ನಟಿ. ಪಡ್ಡೆ ಹುಡುಗರ ಹಾಟ್ ಫೇವರೆಟ್ ನಟಿ ಎನ್ನಬಹುದಾದ ಕಾಜಲ್, ಟೀಂ ಇಂಡಿಯಾದ ಸ್ಟಾರ್ ಆಟಗಾರನಿಗೆ ಮನಸೋತಿದ್ದಾರೆ. ರೋಹಿತ್ ಶರ್ಮಾ ಅವರ ಸ್ಫೋಟಕ ಬ್ಯಾಟಿಂಗ್‌ಗೆ ಫಿದಾ ಆಗಿರುವ ನಟಿ ಕಾಜಲ್ ಅಗರ್‌ವಾಲ್ "ನಾನು ರೋಹಿತ್ ಶರ್ಮಾ ಅವರಿಗೆ ನಿಜವಾಗಿಯೂ ಮನಸೋತಿದ್ದೇನೆ. ನಾನು ಅವರ ಬಹುದೊಡ್ಡ ಅಭಿಮಾನಿ" ಎಂದಿದ್ದಾರೆ.

ನಟಿ ಕಾಜಲ್ ಅಗರ್‌ವಾಲ್ ಅವರು 2004ರಲ್ಲಿ ಐಶ್ವರ್ಯ ರೈ ಮತ್ತು ವಿವೇಕ್ ಓಬೇಯಾರ್ ನಟನೆಯ 'ಕ್ಯೂಂ ಹೋ ಗಯಾ ನಾ' ಚಿತ್ರದ ಮೂಲಕ ಬಾಲಿವುಡ್ ಅಂಗಳಕ್ಕೆ ಎಂಟ್ರಿ ನೀಡಿದ್ದರು. ಬಳಿಕ, ಬಾಲಿವುಡ್‌ನಲ್ಲಿ ಸಾಕಷ್ಟು ಚಿತ್ರಗಳಲ್ಲಿ ನಟಿಸುವ ಜೊತೆಗೆ, ಸೌತ್ ಇಂಡಿಯಾದ ತಮಿಳು ಹಾಗು ತೆಲುಗು ಚಿತ್ರಗಳಲ್ಲಿಯೂ ನಟಿಸಿ 'ಇಂಡಿಯನ್ ಫೇಮ್ ನಟಿ' ಎಂಬ ಕೀರ್ತಿಗೆ ಪಾತ್ರರಾಗಿದ್ದಾರೆ.