ಭಾರಿ ಆಫರ್ ನೀಡಿದರು ಫೇಸ್ ಕ್ರೀಮ್ ಜಾಹೀರಾತಿಗೆ 'ನೋ' ಎಂದ ಸಾಯಿ ಪಲ್ಲವಿ

ತನ್ನ ಸೌಂದರ್ಯ ಸಾಬೂನು ಇದೇ ನೋಡಿ ಎನ್ನುವ, ಈ ಕ್ರೀಮ್ ಹಾಕಿದರೆ ಒಂದೇ ವಾರದಲ್ಲಿ 'ಗೌರವ ವರ್ಣ' ಪಡೆಯಬಹುದು ಎಂಬ ಜಾಹೀರಾತುಗಳನ್ನು ನೋಡಿಯೇ ಇರುತ್ತೀರ. ಇನ್ನು ಮುಖದ ಸೌಂದರ್ಯ ಹೆಚ್ಚಿಸುವ ಜಾಹೀರಾತುಗಳ ಬಗ್ಗೆ ಹೇಳುವುದೇ ಬೇಡ. ಇಂತಹ ಜಾಹೀರಾತಿಗೆ ನೋ ಎನ್ನುವ ಮೂಲಕ ಸೌತ್ ಸೆನ್ಸೇಷನ್ ಸಾಯಿ ಪಲ್ಲವಿ ಎಲ್ಲರ ಗಮನಸೆಳೆದಿದ್ದಾರೆ.

ಚಿತ್ರರಸಿಕರ ಮನಸ್ಸನ್ನು ತಮ್ಮ ನಟನೆ, ಮುಗ್ಧ ಚೆಲುವಿನ ಮೂಲಕ ಗೆದ್ದ ತಾರೆ ಸಾಯಿ ಪಲ್ಲವಿ. ಪಾತ್ರಗಳ ಆಯ್ಕೆಯಲ್ಲಿ ಅಳೆದೂ ತೂಗಿ ನಿರ್ಧಾರ ತೆಗೆದುಕೊಳ್ಳುತ್ತಿದ್ದಾರೆ ಸಾಯಿ. ತಾನು ಮಾಡುವ ಪಾತ್ರಗಳಲ್ಲಿ ಏನಾದರೂ ವಿಶೇಷತೆ ಇರಬೇಕು ಎನ್ನುವ ಸಾಯಿ ಪಲ್ಲವಿ, ಅಂತಹ ಪಾತ್ರಗಳನ್ನೇ ಆಯ್ಕೆ ಮಾಡಿಕೊಳ್ಳುತ್ತಿದ್ದಾರೆ. ಇತ್ತೀಚೆಗೆ ಅವರು ತೆಗೆದುಕೊಂಡ ಒಂದು ನಿರ್ಧಾರ ಎಲ್ಲರನ್ನೂ ಚಕಿತಗೊಳಿಸಿದೆ. [ಅಮಲಾ ಪೌಲ್ ಮಾಜಿ ಗಂಡನ ಜತೆಗೆ ಸಾಯಿ ಪಲ್ಲವಿ ಡೇಟಿಂಗ್?]

ತಮ್ಮ ಕಂಪೆನಿ ಉತ್ಪನ್ನಗಳಿಗೆ ಬ್ರಾಂಡ್ ಅಂಬಾಸಿಡರ್ ಆಗಬೇಕೆಂದು ಎರಡು ಕೋಟಿ ಡೀಲ್‌ನೊಂದಿಗೆ ಕಂಪೆನಿಯೊಂದು ಸಾಯಿ ಪಲ್ಲವಿಯನ್ನು ಸಂಪರ್ಕಿಸಿತಂತೆ. ತಮ್ಮ ಕಂಪೆನಿಯ ಫೇಸ್ ಕ್ರೀಮ್ ಜಾಹೀರಾತಿನಲ್ಲಿ ನಟಿಸಬೇಕು ಎಂದು ಕೇಳಿಕೊಂಡಿತ್ತು.

ಆದರೆ ತಾನು ಅಂತಹ ಜಾಹೀರಾತುಗಳಲ್ಲಿ ನಟಿಸಲ್ಲ ಎಂದು ಹೇಳಿ ಆಫರನ್ನು ತಿರಸ್ಕರಿಸಿದ್ದಾರೆ. ತಾನು ಸಿನಿಮಾಗಳಲ್ಲೇ ಮೇಕಪ್ ಹಾಕಿಕೊಳ್ಳಲ್ಲ, ಇನ್ನು ಜನರಿಗೆ ಫೇಸ್‌ ಕ್ರೀಮ್ ಬಳಸಿ ಎಂದು ಹೇಳಲು ಹೇಗೆ ಸಾಧ್ಯ ಎಂದಿದ್ದಾರೆ. ಹಾಗಾಗಿ ಎರಡು ಕೋಟಿ ಡೀಲರನ್ನು ತಿರಸ್ಕರಿಸಿದ್ದಾರೆ ಸಾಯಿ ಪಲ್ಲವಿ. ಈ ಮೂಲಕ ಇನ್ನೊಂದಿಷ್ಟು ಅಭಿಮಾನಿಗಳನ್ನು ಸಂಪಾದಿಸಿಕೊಂಡಿದ್ದಾರೆ.