ಇದು ನನ್ನ ಜೀವನದ ಅತ್ಯುತ್ತಮ ಕಿಸ್: ಸಂಯುಕ್ತಾ ಹೆಗ್ಡೆ

ನಟಿ ಸಂಯುಕ್ತಾ ಹೆಗ್ಡೆ ಕ್ರಿಸ್ ಜೊತೆ ಡೇಟಿಂಗ್ ನಡೆಸುತ್ತಿದ್ದಾರೆ ಎನ್ನುವ ಮಾತು ಚಾಲ್ತಿಯಲ್ಲಿತ್ತು. ಇದಕ್ಕೆ ಸಾಕ್ಷಿ ಎಂಬಂತೆ ವಿದೇಶಿ ಹುಡುಗನೊಂದಿಗಿರುವ ಫೋಟೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿತ್ತು. ಇದೀಗ, ಅವರ ಹೊಸ ಫೋಟೋ ಸಹ ಭಾರೀ ವೈರಲ್ ಆಗಿದೆ.

ನಟಿ ಸಂಯುಕ್ತಾ ಹೆಗ್ಡೆ ಸದ್ಯಕ್ಕೆ ಸಿನಿಮಾಗಳಿಂದ ಸ್ವಲ್ಪ ದೂರವಿದ್ದು, ವಿದೇಶಗಳ ಸುತ್ತಾಟದಲ್ಲಿ ತೊಡಗಿಕೊಂಡಿದ್ದಾರೆ. ಅಲ್ಲಿ ವಿದೇಶಿ ಹುಡುಗನ ಜೊತೆ ಸ್ಯಾಂಡಲ್‌ವುಡ್‌ನ ಈ ನಟಿ ಸುತ್ತಾಟ ನಡೆಸುತ್ತಿದ್ದಾರೆ. ಸಂಯುಕ್ತಾ ಸಿನಿಮಾ ಮೂಲಕ ಸುದ್ದಿ ಮಾಡಿದ್ದಕ್ಕಿಂತ, ಬೋಲ್ಡ್ ನಡೆ ಹಾಗೂ ವಿವಾದಗಳಿಂದಲೇ ಹೆಚ್ಚು ಗಮನ ಸೆಳೆದಿದ್ದಾರೆ. ಇದೂಗ ಅವರು ಕಿಸ್ ಮಾಡುತ್ತಿರುವ ಫೋಟೋ ಒಂದನ್ನು ಹಂಚಿಕೊಂಡಿದ್ದು, 'ಇದು ನನ್ನ ಜೀವನದ ಅತ್ಯುತ್ತಮ ಚುಂಬನ' ಎಂದು ಬರೆದುಕೊಂಡಿದ್ದಾರೆ! ಈ ಫೋಟೋವೀಗ ಸಖತ್ ಸದ್ದು ಮಾಡುತ್ತಿದೆ.

ಹೌದು, ನಟಿ ಸಂಯುಕ್ತಾ ಹೆಗ್ಡೆ ಯಾರ ಜೊತೆ ಕಿಸ್ ಮಾಡಿದ್ದಾರೆ ಎಂದು ಕೇಳಿದರೆ ಅದಕ್ಕೂ ಉತ್ತರವಿದೆ. ಸಂಯುಕ್ತಾ ಚುಂಬಿಸಿದ್ದು ಟೆಡ್ಡಿ ಬೇರ್ನೊಂದಿಗೆ! ಹೌದು, ಸಂಯುಕ್ತಾ ಜೆಕ್ ಭಾಗದಲ್ಲಿ ಸುತ್ತಾಟ ನಡೆಸುತ್ತಿದ್ದಾರೆ. ಅವರ ಬಾಯ್ಫ್ರೆಂಡ್ ಎಂದು ಹೇಳಲಾದ ಕ್ರಿಸ್ ಸಾವರ್ ಕೂಡ ಸಂಯುಕ್ತಾಗೆ ಸಾಥ್ ನೀಡಿದ್ದಾರೆ. ಈ ವೇಳೆ ಟೆಡ್ಡಿ ಬೇರ್ಗೆ ಸಂಯುಕ್ತಾ ಚುಂಬಿಸಿದ್ದಾರೆ. ಅಷ್ಟೇ ಅಲ್ಲ, 'ಇದು ತಮ್ಮ ಜೀವನದ ಅತ್ಯುತ್ತಮ ಕಿಸ್' ಎಂದು ಹೇಳಿಕೊಂಡಿದ್ದಾರೆ. ಸಂಯುಕ್ತಾ ಈ ಮೊದಲು ಕೂಡ ಸಾಕಷ್ಟು ಫೋಟೋಗಳನ್ನು ಹಂಚಿಕೊಂಡು ಸುದ್ದಿಯಾಗಿದ್ದರು. ಇದೀಗ ಈ ಮೂಲಕ ಸುದ್ದಿಗೆ ಬಿದ್ದಿದ್ದಾರೆ.