ವೈಯಕ್ತಿಕ ಸಂಗತಿ ಬಾಯ್ಬಿಟ್ಟು ಹಲವರ ಕೆಂಗಣ್ಣಿಗೆ ಗುರಿಯಾದ ಶ್ರುತಿ ಹಾಸನ್!

ತಮಿಳು ಸೂಪರ್ ಸ್ಟಾರ್ ಕಮಲ್ ಹಾಸನ್ ಅವರ ಪುತ್ರಿ ಶ್ರುತಿ ಹಾಸನ್ ಸಿನಿಮಾ ವಿಚಾರಕ್ಕಿಂತ ಹೆಚ್ಚು ವೈಯಕ್ತಿಕ ವಿಷಯಕ್ಕೆ ಸುದ್ದಿಯಾಗುತ್ತಿದ್ದಾರೆ. 33 ವರ್ಷದ ನಟಿ ಶ್ರುತಿ ಹಾಸನ್‌ ಅವರು ವಿದೇಶಿ ಹುಡುಗನ ಜೊತೆ ಸುತ್ತಾಡುತ್ತಿದ್ದಾರೆ ಎನ್ನುವ ಸುದ್ದಿ ಬಹಳ ವರ್ಷಗಳಿಂದ ಹರಿದಾಡುತ್ತಿದೆ. ಆದರೆ, ನಟಿ ಶ್ರುತಿ ಹಾಸನ್ ಮಾತ್ರ ಈ ಸುದ್ದಿ ಬಗ್ಗೆ ಅಷ್ಟೊಂದು ತಲೆ ಕೆಡಿಸಿಕೊಂಡಿರಲಿಲ್ಲ. ಆದರೆ, ಇತ್ತೀಚೆಗೆ ನಟಿ ಶ್ರುತಿಗೆ ಕೇಳಲಾಗಿದ್ದ ಈ ಪ್ರಶ್ನೆಗೆ ಅವರು ತಮ್ಮದೇ ಆದ ಶೈಲಿಯಲ್ಲಿ ಉತ್ತರ ಕೊಟ್ಟಿದ್ದಾರೆ.

''ಮದುವೆ ವಿಷ್ಯದಲ್ಲಿ ನನಗೂ ಮತ್ತು ಇತರೆ ಮಹಿಳೆಯರಿಗೆ ಬಹಳ ವ್ಯತ್ಯಾಸವಿದೆ. ನಾನು ಮದುವೆ ಆಗಲ್ಲ ಮತ್ತು ನನಗೆ ಮದುವೆ ಆಗಬೇಕು ಎಂಬ ಆತುರವೂ ಇಲ್ಲ. ನನಗೆ ಯಾವಾಗ ಮದುವೆ ಆಗಬೇಕು ಅನಿಸುತ್ತೋ ಆಗ ಆಗ್ತೀನಿ. ಆದರೆ ಈಗ ಈ ಬಗ್ಗೆ ಯಾವುದೇ ಕಲ್ಪನೆ ಕೂಡ ಇಲ್ಲ. ನಿರ್ದಿಷ್ಟ ಸಮಯದಲ್ಲಿ ಮದುವೆಯಾಗಬೇಕೆಂದು ಯಾವುದೇ ಸಂಬಂಧವು ನಿರ್ಧರಿಸಲ್ಲ'' ಎಂದು ಶ್ರುತಿ ಹಾಸನ್ ಮದುವೆ ಕಡ್ಡಿ ಮುರಿದಂತೆ ಹೇಳಿದ್ದಾರೆ. ಬಗ್ಗೆ ಖಡಕ್ ಆಗಿ ನಿರ್ಧಾರ ತಿಳಿಸಿದ್ದಾರೆ.

''ಇಬ್ಬರು ವ್ಯಕ್ತಿಗಳ ಮಧ್ಯೆ ರಿಲೆಷನ್‌ಶಿಪ್ ಇದ್ರೆ ಅದು ಮದುವೆಗೆ ದಾರಿಯಾಗುತ್ತಾ? ಆ ಸಂಬಂಧ ತಪ್ಪು ಎಂದೆನಿಸಿದರೆ ತಕ್ಷಣ ಮದುವೆ ಆಗಬೇಕಾ? ಒಬ್ಬ ವ್ಯಕ್ತಿಯ ಜೊತೆಗಿನ ಬಂಧ ಮದುವೆಗೆ ದಾರಿಯಾಗಬಾರದು. ರಿಲೆಷನ್‌ಶಿಪ್‌ನಲ್ಲಿ ನನಗೆ ಅಂತ ಒಂದು ಅಭಿಪ್ರಾಯ ಇರುತ್ತೆ. ರಿಲೆಷನ್ ಅನ್ನೋದು ಸ್ವಚ್ಛ ಮನಸ್ಸಿನಿಂದ ಇರಬೇಕು. ನನಗೆ ಇಷ್ಟವಾದ ವ್ಯಕ್ತಿಯನ್ನ ನಾನು ಸೇರಿಕೊಳ್ಳುತ್ತೇನೆ" ಎಂದು ಶ್ರುತಿ ಹಾಸನ್ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಸದ್ಯಕ್ಕೆ ಲಂಡನ್ ಮೂಲದ ರಾಕ್ ಸ್ಟಾರ್ ಮೈಕಲ್ ಕೋರ್ಸಲ್ ಅವರ ಜೊತೆ ಕಳೆದ ಕೆಲವು ವರ್ಷಗಳಿಂದ ಶ್ರುತಿ ಹಾಸನ್ ಡೇಟಿಂಗ್ ನಲ್ಲಿದ್ದಾರೆ ಎನ್ನಲಾಗಿದೆ. ಇತ್ತೀಚಿಗಷ್ಟೆ ಮೈಕಲ್ ಹುಟ್ಟುಹಬ್ಬವನ್ನ ಆಚರಣೆ ಮಾಡಿರುವ ಶ್ರುತಿ ಹಾಸನ್ ತಮ್ಮ 'ಇನ್‌ಸ್ಟಾಗ್ರಾಂ'ನಲ್ಲಿ ಆಸಕ್ತಿದಾಯಕ ಪೋಸ್ಟ್ ಹಾಕಿದ್ದಾರೆ.

"ನಿನ್ನಲ್ಲಿ ಸುಮುದ್ರದಂತೆ ಪರಿಪೂರ್ಣತೆ ಇದೆ. ಅದಕ್ಕೆ ಪರಿಪೂರ್ಣವಾದ ಸಾಯಂಕಾಲ ಒಂದು ಫೋಟೋ ಹಂಚಿಕೊಳ್ಳುತ್ತಿದ್ದೇನೆ. ಈ ಫೋಟೋ ನಿನಗೆ ಖುಷಿ ನೀಡುತ್ತೆ ಎಂದು ಭಾವಿಸಿದ್ದೇನೆ. ಮತ್ತೊಮ್ಮೆ ನಿನಗೆ ಹುಟ್ಟುಹಬ್ಬದ ಶುಭಾಶಯಗಳು" ಎಂದು ಸ್ಟೇಟಸ್ ಹಾಕಿದ್ದಾರೆ. ಒಟ್ಟಿನಲ್ಲಿ, ನಟಿ ಶ್ರುತಿ ಹಾಸನ್ ಒಂದು ಸಂಬಂಧದಲ್ಲಿ ಇದ್ದಾರೆ.