ನಾನು ಮದುವೆಗೆ ರೆಡಿ, ವರ ಮಹಾಶಯ ಇದ್ದರೆ ತಿಳಿಸಿ ಎಂದ ತಮನ್ನಾ

'ಕೆಜಿಎಫ್: ಚಾಪ್ಟರ್ 1' ಚಿತ್ರದಲ್ಲಿ ಜೋಕೆ ನಾನು ಬಳ್ಳಿಯ ಮಿಂಚು ಎಂದು ಸೊಂಟ ಬಳುಕಿಸಿದ್ದ ಮಿಲ್ಕಿ ಬ್ಯೂಟಿ ತಮನ್ನಾ ಭಾಟಿಯಾ ಈಗ ತೆಲುಗು, ತಮಿಳಿನಲ್ಲಿ ಬಿಝಿ ತಾರೆ. ಹಿಂದಿಯಲ್ಲಿ ಪ್ರಭುದೇವ ಜತೆಗೆ ಅಭಿನಯಿಸಿರುವ 'ಕಾಮೋಷಿ' ಸಿನಿಮಾ ಬಿಡುಗಡೆಗೆ ಸಿದ್ಧವಾಗಿದೆ.

ಇತ್ತೀಚೆಗೆ 'ಅಭಿನೇತ್ರಿ 2' (ತಮಿಳಿನಲ್ಲಿ 'ದೇವಿ 2') ಸಿನಿಮಾದ ಪ್ರಚಾರ ಕಾರ್ಯಕ್ರಮದಲ್ಲಿ ಮದುವೆ ಬಗ್ಗೆ ಪತ್ರಕರ್ತರು ಕೇಳಿದ ಪ್ರಶ್ನೆಗೆ ಪ್ರತಿಕ್ರಿಯಿಸಿದ್ದಾರೆ. "ನಾನು ಮದುವೆಗೆ ಸಿದ್ಧವಾಗಿಯೇ ಇದ್ದೇನೆ. ಸೂಕ್ತ ವರ ಸಿಕ್ಕಿದ ಕೂಡಲೆ ಮದುವೆ. ಒಳ್ಳೆಯ ವರ ಸಿಕ್ಕಿದರೆ ಹೇಳಿ ಎಂದು ನಿರ್ದೇಶಕ ವಿಜಯ್ ಅವರಿಗೂ ಹೇಳಿದ್ದೇನೆ. ನಿಮ್ಮಲ್ಲೂ ಯಾರಾದರೂ ಒಳ್ಳೆಯ ವ್ಯಕ್ತಿಯನ್ನು ತೋರಿಸಿದರೆ ಅವರನ್ನು ಮದುವೆಯಾಗಲು ರೆಡಿ" ಎಂದು ಹೇಳುವ ಮೂಲಕ ಪತ್ರಕರ್ತರೂ ಶಾಕ್ ಆಗುವಂತೆ ಮಾಡಿದ್ದಾರೆ.

ಮೆಗಾ ಸ್ಟಾರ್ ಚಿರಂಜೀವಿ ಜತೆಗಿನ 'ಸೈರಾ ನರಸಿಂಹ ರೆಡ್ಡಿ' ಸಿನಿಮಾದಲ್ಲೂ ವಿಶೇಷ ಗೀತೆಗೆ ಸೊಂಟ ಬಳುಕಿಸಿದ್ದಾರೆ. ಈಗ ಪ್ರಭುದೇವ ನಟನೆಯ ತೆಲುಗಿನ 'ಅಭಿನೇತ್ರಿ 2' ಚಿತ್ರದಲ್ಲೂ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಈ ಗೀತೆಯಲ್ಲಿ ಅವರು ಸಖತ್‌ ಬೋಲ್ಡ್‌ ಆಗಿ ಕಾಣಿಸಿಕೊಂಡಿದ್ದಾರೆ. ಈ ಹಾಡಿಗೂ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ.

ವಿಶೇಷ ಕಾಸ್ಟ್ಯೂಮ್‌, ಫುಲ್‌ ಜೋಶ್‌ನಲ್ಲಿ ಹಾಟ್‌ ಹಾಟ್‌ ಆಗಿಯೇ ಕಾಣಿಸಿಕೊಂಡಿರುವ ತಮನ್ನಾ ಸ್ಟೆಪ್‌ಗೆ ಅಭಿಮಾನಿಗಳು ಫಿದಾ ಆಗಿದ್ದು, ಈ ಸಾಂಗ್‌ ರಿಲೀಸ್‌ ಆದ ಕೆಲವೇ ಗಂಟೆಗಳಲ್ಲೇ ಲಕ್ಷಾಂತರ ಜನರು ವೀಕ್ಷಿಸಿದ್ದಾರೆ. ರೆಡಿ ರೆಡಿ ಸಾಹಿತ್ಯದಿಂದ ಶುರುವಾಗುವ ಈ ಗೀತೆ ಸೋಶಿಯಲ್‌ ಮೀಡಿಯಾದಲ್ಲಿ ಟ್ರೆಂಡ್‌ ಕೂಡ ಕ್ರಿಯೇಟ್‌ ಮಾಡಿದೆ. ಸ್ವತಃ ತಮನ್ನಾ ಕೂಡ ಈ ಹಾಡಿನ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಸಖತ್‌ ಸ್ಟೆಪ್‌ ಹಾಕಲು ಕೊರಿಯೋಗ್ರಾಫರ್‌ ಕಾರಣ ಎಂದು ಹೊಗಳಿದ್ದಾರೆ.