ಒಳ್ಳೆಯ ನಟಿಯಾಗಿ ಗುರುತಿಸಿಕೊಳ್ಳುವಾಸೆ ಎಂದ ಅದಿತಿ

ಟಿವಿಯಿಂದ ಸಿನಿಮಾ ರಂಗಕ್ಕೆ ಕಾಲಿಟ್ಟಾಗ ಒಳ್ಳೆಯ ನಟಿ ಎನ್ನಿಸಿಕೊಳ್ಳಬೇಕು ಎನ್ನುವುದೇ ನನ್ನ ಗುರಿಯಾಗಿತ್ತು. ಹಾಗಾಗಿ ಅಂಥದ್ದೇ ಪಾತ್ರಗಳನ್ನು ಆಯ್ಕೆ ಮಾಡಿಕೊಳ್ಳುತ್ತಾ ಬಂದಿದ್ದೇನೆ. ನನ್ನ ಅದೃಷ್ಟದಿಂದಾಗಿ ಒಳ್ಳೆಯ ಪಾತ್ರಗಳೂ ಸಿಕ್ಕಿವೆ ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ ನಟಿ ಅದಿತಿ ಪ್ರಭುದೇವ.

ಇಂಡಸ್ಟ್ರಿಗೆ ಬಂದ ಪ್ರಾರಂಭದಲ್ಲಿ ನನಗೆ ಕೆಲವರು ಮಿಸ್‌ ಗೈಡ್‌ ಮಾಡಿದ್ದರು ಎಂದಿದ್ದಾರೆ ನಟಿ ಅದಿತಿ ಪ್ರಭುದೇವ. ಸಿಂಗ ಚಿತ್ರದಲ್ಲಿ ಚಿರಂಜೀವಿ ಸರ್ಜಾ ಜತೆ ನಾಯಕಿಯಾಗಿ ನಟಿಸಿರುವ ಅವರು ಟಿವಿ ಧಾರಾವಾಹಿಯಲ್ಲಿ ನಟಿಸುವಾಗ ಬಹಳ ಕಲಿತೆ ಎಂದಿದ್ದಾರೆ.

ಚಿತ್ರರಂಗದಲ್ಲಿ ನಟರ ಪ್ರತಿಭೆಯೇ ಮುಖ್ಯವಾಗುತ್ತೆ ಎನ್ನುವುದು ಅವರ ಅಭಿಪ್ರಾಯ. 'ಯಾರೂ ಕಿಂಗ್‌ ಮೇಕರ್‌ ಅಥವಾ ಕ್ವೀನ್‌ ಮೇಕರ್‌ ಆಗೋಕೆ ಸಾಧ್ಯವಿಲ್ಲ. ಏನನ್ನಾದರೂ ಸಾಧಿಸೋಕೆ ಪ್ರತಿಭೆ, ಶ್ರಮ, ಡೆಡಿಕೇಷನ್‌ ಮುಖ್ಯ. ಇಲ್ಲಿ ಅದೃಷ್ಟವೂ ಇರಬೇಕಾಗುತ್ತೆ' ಎನ್ನುತ್ತಾರೆ ಅವರು. ಈಗ ಅವರು ಕನ್ನಡ ಚಿತ್ರರಂಗದಲ್ಲಿ ಬಿಝಿ ನಟಿ ಎನ್ನಿಸಿಕೊಂಡಿದ್ದಾರೆ.