ಡಿಸೆಂಬರ್ 11, 12ರಂದು ಬೆಂಗಳೂರಿನಲ್ಲಿ ದಿಗಂತ್‌ - ಐಂದ್ರಿತಾ ರೇ ಮದುವೆ

ಬೆಂಗಳೂರು: ದಿ ಮೋಸ್ಟ್‌ ಎಲಿಜಿಬಲ್‌ ಬ್ಯಾಚುಲರ್‌ ದೂದ್‌ಪೇಡಾ ದಿಗಂತ್‌ ಮತ್ತು ಬೆಂಗಾಲಿ ಬೆಡಗಿ ಐಂದ್ರಿತಾ ರೇ ಸದ್ಯದಲ್ಲಿಯೇ ಗೃಹಸ್ಥಾಶ್ರಮಕ್ಕೆ ಕಾಲಿಡಲಿದ್ದಾರೆ. ಡಿಸೆಂಬರ್ 11, 12ರಂದು ಬೆಂಗಳೂರಿನಲ್ಲಿ ಐಂದ್ರಿತಾ ರೇ, ದಿಗಂತ್ ಮದುವೆಯಾಗಲಿದ್ದಾರೆ. ಈ ವೇಳೆ, ಸ್ಯಾಂಡಲ್‌ವುಡ್‌ ನಟ ನಟಿಯರು ಸಾಕ್ಷಿಯಾಗಲಿದ್ದು, ಕನ್ನಡ ಮತ್ತು ಬಂಗಾಳಿ ಶೈಲಿಯಲ್ಲಿ ಮದುವೆ ಕಾರ್ಯಕ್ರಮ ನಡೆಯಲಿದೆ.

ಮದುವೆ ವಿಚಾರದಲ್ಲಿ ಪ್ರತಿ ಬಾರಿಯೂ ಈ ಸುದ್ದಿ ಗಾಸಿಪ್‌ ಕಾಲಂನಲ್ಲಿ ಕಾಣಿಸಿಕೊಳ್ಳುತ್ತಿತ್ತು. ಆದರೆ, ಮಾರ್ಚ್‌ ತಿಂಗಳಲ್ಲೇ ಸ್ವತ: ದಿಗಂತ್‌ ತಮ್ಮ ಮದುವೆಯ ಬಗ್ಗೆ ಬಾಯ್ಬಿಟ್ಟಿದ್ದು, ಈ ವರ್ಷದ ಅಂತ್ಯಕ್ಕೆ ಅಂದರೆ ಡಿಸೆಂಬರ್‌ನಲ್ಲಿ ವಾಲಗ ಊದಿಸುವುದಾಗಿ ಅವರು ಖಚಿತ ಪಡಿಸಿದ್ದರು.

ದಿ ಮೋಸ್ಟ್‌ ಎಲಿಜಿಬಲ್‌ ಬ್ಯಾಚುಲರ್‌ ದೂದ್‌ಪೇಡಾ ದಿಗಂತ್‌ ಮತ್ತು ಬೆಂಗಾಲಿ ಬೆಡಗಿ ಐಂದ್ರಿತಾ ರೇ ಸದ್ಯದಲ್ಲಿಯೇ ಗೃಹಸ್ಥಾಶ್ರಮಕ್ಕೆ ಕಾಲಿಡಲಿದ್ದಾರೆ. ತಮ್ಮ ಡ್ರೀಮ್‌ ಗರ್ಲ್‌ ಐಂದ್ರಿತಾ ಕನಸನ್ನು ಆದಷ್ಟು ಬೇಗ ನನಸು ಮಾಡುವುದಾಗಿ ಅವರು ಹೇಳಿಕೊಂಡಿದ್ದಾರೆ. ಮದುವೆ ವಿಚಾರದಲ್ಲಿ ಪ್ರತಿ ಬಾರಿಯೂ ಈ ಸುದ್ದಿ ಗಾಸಿಪ್‌ ಕಾಲಂನಲ್ಲಿ ಕಾಣಿಸಿಕೊಳ್ಳುತ್ತಿತ್ತು. ಈ ಸಲ ಅದು ನಿಜವಾಗಿದೆ. ಸ್ವತಃ ದಿಗಂತ್‌ ತಮ್ಮ ಮದುವೆಯ ಬಗ್ಗೆ ಬಾಯ್ಬಿಟ್ಟಿದ್ದಾರೆ. ಈ ವರ್ಷದ ಅಂತ್ಯಕ್ಕೆ ಅಂದರೆ ಡಿಸೆಂಬರ್‌ನಲ್ಲಿ ವಾಲಗ ಊದಿಸುವುದಾಗಿ ಅವರು ಖಚಿತಪಡಿಸಿದ್ದರು.


ಇನ್ನು, ತಮ್ಮ ಮದುವೆ ಬಗ್ಗೆ ಮಾಧ್ಯಮಗಳೊಂದಿಗೆ ಹೆಚ್ಚು ಮಾತನಾಡದ ಬಂಗಾಳಿ ಬೆಡಗಿ ಐಂದ್ರಿತಾ ರೇ ಸಹ ದಿಗಂತ್‌ರೊಂದಿಗೆ ಮದುವೆಯಾಗುತ್ತಿರುವುದಾಗಿ ಇನ್ಸ್‌ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ. ಡಿಂಪಲ್ ಹುಡುಗ ಹಾಗೂ ವಜ್ರ ಎರಡನ್ನೂ ತನ್ನದಾಗಿಸಿಕೊಂಡಿದ್ದೇನೆ ಎಂದು ದಿಗಂತ್ ಜತೆಗಿರುವ ಫೋಟೋಗಳನ್ನು ಐಂದ್ರಿತಾ ತಮ್ಮ ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ. ದಿಗಂತ್ ಜತೆಗೆ ಈಗಾಗಲೇ ನಿಶ್ಚಿತಾರ್ಥ ಮಾಡಿಕೊಂಡಿರುವ ಐಂದ್ರಿತಾ ಉಂಗುರ ಬದಲಾಯಿಸಿಕೊಂಡಿದ್ದು, ಈ ಫೋಟೋಗಳನ್ನು ಇಂದು ಹಂಚಿಕೊಂಡಿದ್ದು, ಮದುವೆಯಾಗುತ್ತಿರುವುದಾಗಿಯೂ ಬರೆದುಕೊಂಡಿದ್ದಾರೆ.


ಈ ಹಿಂದೆ ಶಿವರಾಜ್‌ ಕುಮಾರ್‌ ಮುಂದೆಯೇ ದಿಗಂತ್‌ ತಮ್ಮ ಮದುವೆ ವಿಚಾರ ಪ್ರಸ್ತಾಪ ಮಾಡಿದ್ದರು. ಆ ವೇಳೆ, ದಿಗಂತ್‌ ಮತ್ತು ಐಂದ್ರಿತಾ ಮದುವೆಯಲ್ಲಿ ತಮ್ಮ ಹಾಜರಾತಿ ಕಡ್ಡಾಯವಾಗಿ ಇರಲಿದೆ ಎಂದು ಸ್ವತಃ ಶಿವರಾಜ್‌ಕುಮಾರ್‌ ಕೂಡ ಹೇಳಿದ್ದರು. ಬಳಿಕ, ''ಡಿಸೆಂಬರ್‌ನಲ್ಲಿ ಮದುವೆ ಆಗಲು ನಿರ್ಧಾರ ಮಾಡಿದ್ದೇನೆ. ಎರಡು ಕುಟುಂಬಗಳು ಕೂತು ಮಾತಾಡಿಕೊಂಡು ನಂತರ ಹೆಚ್ಚಿನ ಮಾಹಿತಿಯನ್ನು ನೀಡುತ್ತೇನೆ.'' ಎಂದು ದಿಗಂತ್ ಮಾಧ್ಯಮಗಳಿಗೆ ಮಾಹಿತಿ ನೀಡಿದ್ದರು.