ಶ್ಯಾಡೋದಲ್ಲಿ ಆ್ಯಂಡಿ ಜರ್ನಲಿಸ್ಟ್‌

ಹಲವು ದಿನಗಳ ನಂತರ ಸ್ಯಾಂಡಲ್‌ವುಡ್‌ಗೆ ಐಂದ್ರಿತಾ ರೇ ಮತ್ತೆ ಕಮ್‌ ಬ್ಯಾಕ್‌ ಆಗಿದ್ದಾರೆ. ಹೊಂಬಣ್ಣ ಚಿತ್ರ ಖ್ಯಾತಿಯ ನಟ ಧನುಗೌಡ ಆ್ಯಕ್ಷನ್‌ ಕಟ್‌ ಹೇಳುತ್ತಿರುವ ಶ್ಯಾಡೋ ಸಿನಿಮಾದಲ್ಲಿ ಐಂದ್ರಿತಾ ರೇ ನಟಿಸುತ್ತಿದ್ದಾರೆ. ಅದೊಂದು ಜರ್ನಲಿಸ್ಟ್‌ ಪಾತ್ರ ಎನ್ನುವುದು ವಿಶೇಷ.

'ಈ ಸಿನಿಮಾದಲ್ಲಿ ನಾನು ಮಾಯಾ ಎಂಬ ತನಿಖಾ ಪತ್ರಕರ್ತೆಯ ಪಾತ್ರ ಮಾಡುತ್ತಿದ್ದೇನೆ. ಮರ್ಡರ್‌ ಮಿಸ್ಟರಿ ಕಥೆಯನ್ನು ಆಧರಿಸಿದ ಸಿನಿಮಾ ಇದಾಗಿದ್ದು, ತನಿಖಾ ಪತ್ರಿಕೋದ್ಯಮ ತಳಹದಿ ಮೇಲೆ ಸಿನಿಮಾ ನಿಂತಿದೆ. ನಿರ್ದೇಶಕರು ಚಿತ್ರದ ಕಥೆ ಹೇಳಿದಾಗ ನಾನೇ ಥ್ರಿಲ್‌ ಆದೆ. ಒಂದೇ ಬಾರಿಗೆ ಒಪ್ಪಿಕೊಂಡೆ. ಹೊಸ ತಂಡದೊಂದಿಗೆ ಕೆಲಸ ಮಾಡುವ ಉತ್ಸುಕತೆಯಲ್ಲಿದ್ದೇನೆ' ಎನ್ನುವುದು ಆ್ಯಂಡಿ ಮಾತು.

ಮೊದಲ ಬಾರಿಗೆ ಜರ್ನಲಿಸ್ಟ್‌ ಪಾತ್ರ ಮಾಡುತ್ತಿರುವುದರಿಂದ ಪಾತ್ರಕ್ಕಾಗಿ ಸಾಕಷ್ಟು ತಯಾರಿ ಮಾಡಿಕೊಳ್ಳುತ್ತಿದ್ದಾರೆ ಐಂದ್ರಿತಾ. ಜುಲೈ ಕೊನೆಯಲ್ಲಿ ಸಿನಿಮಾದ ಶೂಟಿಂಗ್‌ ನಡೆಯಲಿದೆ.