ಮುದ್ದು ಮಗಳು ಚೆರ್ರಿ ಜತೆ ಅಜಯ್‌

ಈ ವರ್ಷ ಸ್ಯಾಂಡಲ್‌ವುಡ್‌ ನಟರಾದ ಯಶ್‌ ಮತ್ತು ಅಜಯ್‌ ರಾವ್‌ ಅವರಿಗೆ ಫಾದರ್ಸ್‌ ಡೇ ಬಹಳ ಸ್ಪೆಷಲ್‌ ಅಗಿತ್ತು. ಈ ವರ್ಷ ಅವರ ಜತೆ ಮಗಳಿದ್ದಳು. ಅಜಯ್‌ ರಾವ್‌ ತಮ್ಮ ಮುದ್ದಾದ ಮಗಳು ಚೆರಿಷ್ಮಾ ಜತೆ ಇರುವ ಕ್ಯೂಟ್‌ ಫೋಟೋಗಳನ್ನು ಅಪ್ಪಂದಿರ ದಿನಕ್ಕೆ ವಿಶೇಷವಾಗಿ ಶೇರ್‌ ಮಾಡಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಈ ಫೋಟೋಗೆ ಎಲ್ಲರೂ ಫಿದಾ ಆಗಿದ್ದಾರೆ.

ಅಜಯ್‌ ರಾವ್‌ಗೆ ಮಗಳನ್ನು ಚೆರ್ರಿ ಎಂದು ಕರೆಯುತ್ತಾರೆ. ಹೆಣ್ಣು ಮಗುವಿನ ಅಪ್ಪ ಆಗಿದ್ದು ನನ್ನ ಅದೃಷ್ಟ ಎನ್ನುತ್ತಾರೆ ಅವರು. ಶೂಟಿಂಗ್‌ನಿಂದ ಬಿಡುವು ಸಿಕ್ಕಾಗಲೆಲ್ಲಾ ಮಗಳ ಜತೆ ಕಾಲ ಕಳೆಯುವ ಅವರು, ಆಗಾಗ್ಗೆ ಮಗಳ ಜತೆಗಿನ ಫೋಟೋ ಅನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್‌ ಮಾಡುತ್ತಾ ಇರುತ್ತಾರೆ. ಸಂಜೆ ಮಗಳನ್ನು ಎತ್ತಿಕೊಂಡು ವಾಕ್‌ ಮಾಡೋದು, ಎದೆಯ ಮೇಲೆ ಮಲಗಿಸಿಕೊಳ್ಳೋದು, ಹೀಗೆ ಮಗಳ ಜತೆ ಪ್ರತಿಯೊಂದು ಕ್ಷಣವನ್ನೂ ಅವರು ಎಂಜಾಯ್‌ ಮಾಡುತ್ತಿದ್ದಾರೆ.

ಅಜಯ್‌ ಈಗ ಹೊಸ ಚಿತ್ರದಲ್ಲಿ ನಟಿಸಲಿದ್ದು, ಈ ಚಿತ್ರವನ್ನು ರಾಜವರ್ಧನ್‌ ಶಂಕರ್‌ ನಿರ್ದೇಶನ ಮಾಡುತ್ತಿದ್ದಾರೆ. ತಮ್ಮ ಚಿತ್ರಗಳಿಗೆ ಕೃಷ್ಣನ ಹೆಸರನ್ನೇ ಇಡುತ್ತಾ ಬಂದಿರುವ ಅಜಯ್‌, ಈ ಬಾರಿ ಹೊಸ ಚಿತ್ರದಲ್ಲಿ ಕೃಷ್ಣನ ಅವತಾರವನ್ನೇ ಎತ್ತಲಿದ್ದಾರೆ. ಚಿತ್ರದ ಫಸ್ಟ್‌ ಪೋಸ್ಟರ್‌ ರಿಲೀಸ್‌ ಆಗಿದ್ದು, ಕೃಷ್ಣನ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ.