ಗಾಂಧೀಜಿ ಹೆಸರು ಬಳಕೆಗೆ ಆಕ್ಷೇಪ

ಅಜಯ್‌ ರಾವ್‌ ನಟನೆಯ ತಾಯಿಗೆ ತಕ್ಕ ಮಗ ಚಿತ್ರದ ಟ್ರೇಲರ್‌ ಹಲವು ಕಾರಣಗಳಿಗೆ ಸುದ್ದಿಯಾಗಿದೆ. ರಾಷ್ಟ್ರ ಪಿತಾಮಹ ಮಹಾತ್ಮಾ ಗಾಂಧಿಯ ಮೂಲ ಹೆಸರು ಮೋಹನ ದಾಸ್‌ ಈ ಚಿತ್ರದ ನಾಯಕನ ಹೆಸರೂ ಆಗಿದೆ. ಆದರೆ, ಟ್ರೇಲರ್‌ನಲ್ಲಿ ನಾಯಕನ ಕ್ಯಾರೆಕ್ಟರ್‌ ಗಾಂಧಿ ಶಾಂತಿ ಮಂತ್ರಕ್ಕೆ ತದ್ವಿರುದ್ಧವಾಗಿದೆ. ಆ್ಯಂಗ್ರಿ ಯಂಗ್‌ ಮ್ಯಾನ್‌ ಅಗಿ ಅಜಯ್‌ ರಾವ್‌ ನಟಿಸಿದ್ದಾರೆ. ಭ್ರಷ್ಟ ರಾಜಕಾರಣಿಗಳನ್ನು ಸದೆಬಡಿಯುವ ದೃಶ್ಯ ಟ್ರೇಲರ್‌ನಲ್ಲಿದೆ. ಇದರ ಬಗ್ಗೆ ಹಲವರು ನಿರ್ದೇಶಕರ ಬಳಿ ಆಕ್ಷೇಪವನ್ನೆತ್ತಿದ್ದಾರೆ.

ಟ್ರೇಲರ್‌ನಲ್ಲಿ ಅಜಯ್‌ ರಾವ್‌ ಡೈಲಾಗ್‌ ಎಲ್ಲರ ಹುಬ್ಬೇರಿಸಿದೆ. 'ಆ ಮೋಹನ್‌ ದಾಸ್‌ ಕೋಪಕ್ಕೆ ಕಾರಣ ಬ್ರಿಟಿಷರು, ಈ ಮೋಹನ್‌ ದಾಸ್‌ ಕೋಪಕ್ಕೆ ಕಾರಣ ಖೇಣಿಯಂಥ ಕೆಟ್ಟವರು' ಎಂಬ ಡೈಲಾಗ್‌ನ ಟ್ರೇಲರ್‌ನಲ್ಲಿ ಅಜಯ್‌ ರಾವ್‌ ಖಡಕ್‌ ಆಗಿ ಹೇಳಿದ್ದಾರೆ. ಇದು ಯಾರತ್ತ ಬೊಟ್ಟು ಮಾಡುತ್ತಿದೆ ಎಂಬ ಪ್ರಶ್ನೆ ಎಲ್ಲರಲ್ಲಿದೆ. 'ಮೋಹನ ದಾಸ ಹೆಸರಿನ ಹೀರೊ ಗಾಂಧಿ ಸ್ವಭಾವಕ್ಕೆ ತದ್ವಿರುದ್ಧ ಗುಣದವನಾಗಿ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಟ್ರೇಲರ್‌ನಲ್ಲಿ ಇದನ್ನು ನೋಡಿ ಸಿನಿಪ್ರಿಯರು ಆಕ್ಷೇಪವನ್ನೂ ಎತ್ತಿದ್ದಾರೆ. ಆದರೆ, ಸಿನಿಮಾ ನೋಡಿದಾಗ ಇದು ಯಾಕೆ ಎನ್ನುವುದು ಅರಿವಾಗಲಿದೆ' ಎಂದಿದ್ದಾರೆ ನಿರ್ದೇಶಕರು.


ಚಿತ್ರದಲ್ಲಿ ಆಶಿಕಾ ರಂಗನಾಥ್‌ ಅಜಯ್‌ ರಾವ್‌ಗೆ ಜೋಡಿಯಾಗಿ ನಟಿಸಿದ್ದಾರೆ. ಚಿತ್ರದ ಹಾಡೊಂದರ ಲಿರಿಕಲ್‌ ವಿಡಿಯೋವನ್ನು ಗುರುವಾರ ರಿಲೀಸ್‌ ಮಾಡಲಾಗಿದೆ. ಈ ಹಾಡನ್ನು ರಾರ‍ಯಪರ್‌ ಚಂದನ್‌ ಶೆಟ್ಟಿ ಹಾಡಿದ್ದಾರೆ.