ಬಾಯ್‌ಫ್ರೆಂಡ್‌ಗೆ ವಿಶ್ ಮಾಡಿ ಸುದ್ದಿಯಲ್ಲಿರುವ ಆಲಿಯಾ ಭಟ್!

ಪ್ರೀತಿ ಅನ್ನೋ ಸುಮಧುರವಾದ ಭಾಂಧವ್ಯಕ್ಕೆ ವಯಸ್ಸಿನ ಹಂಗಿಲ್ಲಾ ಅನ್ನೋದು ಆಗಾಗ ಸಾಬೀತಾಗುತ್ತಲೇ ಬಂದಿದೆ. ಅದ್ರಲ್ಲೂ ಸಿನಿಮಾ ಇಂಡಸ್ಟ್ರಿಯಲ್ಲಂತೂ ಯಾರು ಯಾರನ್ನ ಇಷ್ಟ ಪಡ್ತಾರೆ ಅನ್ನೋದನ್ನ ಹೇಳೋದಕ್ಕಾಗಲ್ಲಾ. ಈ ಮಾತಿಗೆ ಸಾಕ್ಷಿಯೆನ್ನುವಂತೆ ಬಾಲಿವುಡ್‌ ಬ್ಯೂಟಿ ಆಲಿಯಾ, ತನಗಿಂತ 11 ವರ್ಷಗಳು ದೊಡ್ಡವರಾದ ರಣಬೀರ್ ಕಪೂರ್ ಅವರನ್ನ ಪ್ರೀತಿಸುತ್ತಿರೋದು ನಿಮಗೆಲ್ಲಾ ಗೊತ್ತೇ ಇದೆ.
ಆಲಿಯಾ ಭಟ್ ಜತೆಗೆ 'ಆ' ಸೀನ್ ಒಲ್ಲೆ ಎಂದು ಸಿನಿಮಾದಿಂದ

ಹೌದು. ಆಲಿಯಾಗೆ 26 ವರ್ಷ ಹಾಗೂ ರಣಬೀರ್‌ಗೆ 37 ವರ್ಷ ವಯಸ್ಸು.‘ಬ್ರಹ್ಮಾಸ್ತ್ರ’ ಚಿತ್ರದಲ್ಲಿ ಜೊತೆಯಾಗಿ ನಟಿಸುವ ಮೂಲಕ ಹತ್ತಿರವಾದ ಈ ಜೋಡಿ, ಇದೀಗ ಎಲ್ಲಾ ಕಡೆ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿದೆ. ಆಲಿಯಾ ಭಟ್ ಅಂತೂ ಆಗಾಗ ಸೋಷಿಯಲ್ ಮೀಡಿಯಾದ ತಮ್ಮ ಖಾತೆಗಳಲ್ಲಿ ರಣಬೀರ್‌ ಫೋಟೋ ಹಾಕಿಕೊಳ್ಳೋದು ಸಾಮಾನ್ಯವಾಗ್ಬಿಟ್ಟಿದೆ. ಇಂದು ಕೂಡ ರಣಬೀರ್‌ ಹುಟ್ಟುಹಬ್ಬದ ಸಲುವಾಗಿ ಕೀನ್ಯಾ ಸಫಾರಿ ಫೋಟೋ ಶೇರ್ ಮಾಡಿ ಬಾಯ್‌ಫ್ರೆಂಡ್ ಬರ್ತ್‌ಡೇಯನ್ನು ಸ್ಪೆಷಲ್ ಆಗಿ ಆಚರಿಸಿದ್ದಾರೆ.



ಅಂದ್ಹಾಗೇ ‘ಬ್ರಹ್ಮಾಸ್ತ್ರ’ ಆರ್ಯನ್ ಮುಖರ್ಜಿ ನಿರ್ದೇಶನದ ಸಿನಿಮಾ. ಈ ಚಿತ್ರದಲ್ಲಿ ಅಮಿತಾಭ್ ಬಚ್ಚನ್, ರಣಬೀರ್ ಕಪೂರ್, ಆಲಿಯಾ ಭಟ್, ಮೌನಿ ರಾಯ್, ನಾಗಾರ್ಜುನ ಅಕ್ಕಿನೇನಿ ಸೇರಿದಂತೆ ಬಹುತಾರಾಗಣವಿದೆ. ಬರೋಬ್ಬರಿ 150 ಕೋಟಿ ರೂಪಾಯಿ ವೆಚ್ಚದಲ್ಲಿ ನಿರ್ಮಾಣವಾಗುತ್ತಿರುವ 'ಬ್ರಹ್ಮಾಸ್ತ್ರ'ವನ್ನು, 2020ರಲ್ಲಿ ಬಿಡುಗಡೆ ಮಾಡುವ ಯೋಚನೆಯಲ್ಲಿದೆ ಚಿತ್ರತಂಡ.
ಮುಂದಿನ ತಿಂಗಳು ಆಲಿಯಾ ಭಟ್, ರಣಬೀರ್ ಕಪೂರ್ ನಿಶ್ಚಿತಾರ್ಥ?

ಇನ್ನು 2012ರಲ್ಲಿ ‘ಸ್ಟೂಡೆಂಟ್ ಆಫ್ ದಿ ಇಯರ್’ ಚಿತ್ರದ ಮೂಲಕ ನಾಯಕಿಯಾಗಿ ಬಾಲಿವುಡ್‌ಗೆ ಎಂಟ್ರಿ ಕೊಟ್ಟ ಆಲಿಯಾ, ಇಲ್ಲಿಯವರೆಗೂ ಸಾಕಷ್ಟು ಬ್ಲಾಕ್‌ಬಸ್ಟರ್ ಹಿಟ್‌ಗಳನ್ನು ನೀಡಿದ್ದಾರೆ. ಅದ್ರಲ್ಲೂ ‘ಹೈವೇ’, ‘ಉಡ್ತಾ ಪಂಜಾಬ್’, ‘ರಾಝಿ’ ಚಿತ್ರಗಳ ಅಭಿನಯಕ್ಕೆ ಅಪಾರ ಜನಮನ್ನಣೆ ಗಳಿಸಿದ ಈ ಗುಳಿಕೆನ್ನೆ ಚೆಲುವೆ, ಇದೀಗ ‘ಬ್ರಹ್ಮಾಸ್ತ್ರ’, ‘ಸಡಕ್-2’ ಮತ್ತು ತೆಲುಗಿನ ‘ಆರ್‌ಆರ್‌ಆರ್’ ಚಿತ್ರಗಳಲ್ಲಿ ಸಿಕ್ಕಾಪಟ್ಟೆ ಬ್ಯುಸಿ.

ಅಂದ್ಹಾಗೇ ಆಲಿಯಾ ಮತ್ತು ರಣಬೀರ್, ಮುಂದಿನ ವರ್ಷ ಹಸೆಮಣೆ ಏರೋದಕ್ಕೆ ಸಜ್ಜಾಗಿದ್ದಾರೆ ಅನ್ನೋ ಮಾತು ಕೂಡ ಕೇಳಿ ಬರ್ತಿದೆ. ಈಗಾಗ್ಲೇ ಮದುವೆ ತಯಾರಿಯೂ ಭರದಿಂದ ಸಾಗುತ್ತಿದ್ದು, ಆಲಿಯಾ ಧರಿಸಲಿರುವ ಸ್ಪೆಷಲ್ ಲೆಹೆಂಗಾ ಕೂಡ ರೆಡಿಯಾಗ್ತಿದೆಯಂತೆ. ಹಾಗಾದ್ರೆ ಬಾಲಿವುಡ್‌ನ ಈ ಕ್ಯೂಟ್ ಕಪಲ್ ಮದುವೆ ಹೇಗಿರುತ್ತೆ? ಎಲ್ಲಿ ನಡೆಯುತ್ತೆ ಅನ್ನೋದನ್ನೆಲ್ಲಾ ನೋಡೋದಕ್ಕೆ 2020ರವರೆಗೆ ಕಾಯಲೇಬೇಕು.
ಬಯೋಪಿಕ್‌ಗೆ ಕಾತರಿಸುತ್ತಿರುವ ಆಲಿಯಾ ಭಟ್‌