ಈ ತಿಂಗಳಲ್ಲೇ ತೆರೆಯ ಮೇಲೆ ವಿಜೃಂಭಿಸಲಿರುವ ರೆಬೆಲ್‌ಸ್ಟಾರ್‌

ಪೋಸ್ಟರ್‌ಗಳು ಮತ್ತು ಟೀಸರ್‌ನಿಂಗಾಗಿ ಈಗಾಗಲೇ ನಿರೀಕ್ಷೆ ಮೂಡಿಸಿರುವ ಅಂಬಿ ನಿಂಗೆ ವಯಸ್ಸಾಯ್ತೋ ಸಿನಿಮಾ ಇದೇ ತಿಂಗಳ 28ಕ್ಕೆ ಬಿಡುಗಡೆಯಾಗುತ್ತದೆ.

ಗುರುದತ್‌ ಗಾಣಿಗ ನಿರ್ದೇಶನದ ಈ ಸಿನಿಮಾ ಅಪ್ಪ ಮಕ್ಕಳ ಸಂಬಂಧದ ಬಗ್ಗೆ ಹೇಳುತ್ತದೆ. ಇತ್ತೀಚೆಗೆ ಈ ಸಿನಿಮಾದ ಹೇ ಜಲೀಲ ಎಂಬ ಲಿರಿಕಲ್‌ ವಿಡಿಯೋ ಬಿಡುಗಡೆಯಾಗಿತ್ತು. ಈ ಹಾಡನ್ನು ಸಿನಿಮಾ ರ ಂಗದ ಎಲ್ಲರೂ ಮೆಚ್ಚಿಕೊಂಡಿದ್ದರು. ಅಲ್ಲದೆ ಅಂಬಿ ಅವರು ಬಹಳ ದಿನಗಳ ನಂತರ ಮುಖ್ಯ ಪಾತ್ರದಲ್ಲಿ ನಟಿಸಿರುವ ಕಾರಣ ಎಲ್ಲರಿಗೂ ಸಿನಿಮಾ ಮೇಲೆ ನಿರೀಕ್ಷೆ ಹೆಚ್ಚಾಗಿದೆ.

ಸುದೀಪ್‌ ಅವರ ಕಿಚ್ಚ ಕ್ರಿಯೇಶನ್ಸ್‌ ಬ್ಯಾನರ್‌ನಡಿ ಜಾಕ್‌ ಮಂಜು ಈ ಸಿನಿಮಾವನ್ನು ನಿರ್ಮಾಣ ಮಾಡಿದ್ದಾರೆ. ಅಲ್ಲದೆ ಸುದೀಪ್‌ ಯಂಗ್‌ ಅಂಬಿಯಾಗಿ ಈ ಚಿತ್ರದಲ್ಲಿ ನಟಿಸಿದ್ದಾರೆ. 'ನನ್ನಂತಹ ಚಿಕ್ಕ ಹುಡುಗನಿಗೆ ಸುದೀಪ್‌ ಮತ್ತು ಜಾಕ್‌ ಮಂಜು ಅವರು ನಿರ್ದೇಶನ ಮಾಡಲು ಅವಕಾಶ ನೀಡಿದ್ದು ನನ್ನ ಅದೃಷ್ಟವೇ ಸರಿ. ನಾನು ನನ್ನ ಶ್ರಮವನ್ನೆಲ್ಲ ಹಾಕಿ ಸಿನಿಮಾವನ್ನು ಮಾಡಿದ್ದೇನೆ. ಸುದೀಪ್‌, ಅಂಬರೀಷ್‌, ಶ್ರುತಿ ಹರಿಹರನ್‌, ಸುಹಾಸಿನಿಯವರಂತಹ ದೊಡ್ಡ ಸ್ಟಾರ್‌ಗಳನ್ನು ನನ್ನ ಚೊಚ್ಚಲ ನಿರ್ದೇಶನದಲ್ಲಿಯೇ ಡೈರೆಕ್ಟ್ ಮಾಡಿದ್ದು ನನ್ನ ಖುಷಿ ಮತ್ತು ಆತ್ಮವಿಶ್ವಾಸವನ್ನು ಹೆಚ್ಚಿಸಿದೆ. ಇದೇ 28ಕ್ಕೆ ಸಿನಿಮಾ ಬಿಡುಗಡೆ ಮಾಡಲು ತೀರ್ಮಾನಿಸಿದ್ದೇವೆ. ಜನ ಮೆಚ್ಚುವಂತಹ ಸಿನಿಮಾ ಮಾಡಿರುವ ಖುಷಿ ಇದೆ' ಎನ್ನುತ್ತಾರೆ ನಿರ್ದೇಶಕ ಗುರುದತ್‌ ಗಾಣಿಗ.