ಜ್ಞಾನೇಶ್‌ ಹಾಡಿದ ಬಲೂನ್‌ ಸಾಂಗ್‌

ರಿಶಬ್‌ ಶೆಟ್ಟಿ ನಿರ್ದೇಶನದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಚಿತ್ರದ ಎರಡು ಹಾಡುಗಳು ಈಗಾಗಲೇ ರಿಲೀಸ್‌ ಆಗಿದ್ದು, ಈಗ ಮೂರನೇ ಹಾಡು ಆನ್‌ಲೈನ್‌ನಲ್ಲಿ ಸದ್ದು ಮಾಡುತ್ತಿದೆ. ಈ ಬಲೂನ್‌ ಸಾಂಗ್‌ ಅನ್ನು ಬಾಲ ಕಲಾವಿದ ಜ್ಞಾನೇಶ್‌ ಹಾಡಿದ್ದಾರೆ. 'ಕ್ರಾಪು ಕೂದಲು.. ' ಎಂಬ ಹಾಡಿನ ಲಿರಿಕಲ್‌ ವಿಡಿಯೋ ಈಗ ರಿಲೀಸ್‌ ಆಗಿದೆ. ಹಾಗೇ ಮೇಕಿಂಗ್‌ ದೃಶ್ಯಗಳನ್ನೂ ಇದರಲ್ಲಿ ತೋರಿಸಲಾಗಿದೆ. ಜ್ಞಾನೇಶ್‌ ಕಂಠದಲ್ಲಿ ಈ ಹಾಡು ಎಲ್ಲರ ಗಮನ ಸೆಳೆಯುವಂತಿದೆ.

ಸರ್ಕಾರಿ ಶಾಲೆ ಮತ್ತು ಮಕ್ಕಳ ಲೈಫ್‌ ಸುತ್ತ ಹೆಣೆದ ಕತೆಯನ್ನು ಸಿನಿಮಾ ಮಾಡಿದ್ದಾರೆ ರಿಶಬ್‌ ಶೆಟ್ಟಿ. ದಡ್ಡ ಹಾಡಿನಲ್ಲಿ ಕೇಳಬಹುದಾದ ಹಳೆಯ ಸಿನಿಮಾ ಸಂಗೀತದ ಟ್ಯೂನ್‌ ಈ ಹಾಡಿನಲ್ಲೂ ಕಾಣಬಹುದಾಗಿದೆ. ಹಳೆಯ ಹಿಂದಿ ಸಿನಿಮಾಗಳಲ್ಲಿ ಕ್ಲಬ್‌ ಸಾಂಗ್‌ ಮಾದರಿಯಲ್ಲಿ ಈ ಹಾಡಿಗೆ ಸಂಗೀತ ಸಂಯೋಜನೆ ಮಾಡಿದ್ದಾರೆ ವಾಸುಕಿ ವೈಭವ್‌.

ಬಲೂನ್‌ ಮಾರುವ ಹುಡುಗನೊಬ್ಬ ತನ್ನ ತಂದೆ ಉರಿಬಿಸಿಲಿನಲ್ಲಿ ಬಲೂನ್‌ ಮಾಡಲು ಕರೆದುಕೊಂಡು ಹೋದಾಗ ಅವನಿಗೇನನ್ನಿಸುತ್ತೆ ಎನ್ನುವುದನ್ನು ಕಾಮಿಡಿಯಾಗಿ ಹೇಳಲಾಗಿದೆ. ಹಾಡಿನಲ್ಲಿ ಬಾಲ ಕಲಾವಿದ ಮಮ್ಮುಟ್ಟಿ ನಟಿಸಿದ್ದಾರೆ.