ವೀಕೆಂಡ್ಗಾಗಿ ಕೊಳಲು ನುಡಿಸುವ ಅನಂತ್ ನಾಗ್
'ವೀಕೆಂಡ್' ಚಿತ್ರದಲ್ಲಿ ಅನಂತನಾಗ್ ಟೆಕ್ಕಿಗಳ ತಾತನಾಗಿ ನಟಿಸಿದ್ದಾರೆ. ಹಲವು ವರ್ಷಗಳ ಹಿಂದೆ ಕೊಳಲು ನುಡಿಸುವುದನ್ನು ಕಲಿತಿರುವ ಅವರಿಗಾಗಿ ಈ ಚಿತ್ರದಲ್ಲಿ ಕೊಳಲಿನ ಥೀಮ್ ಸಾಂಗ್ ಅಳವಡಿಸಿದ್ದಾರೆ.
Vijaya Karnataka 23 May 2019, 5:00 am
ಪದ್ಮಾ ಶಿವಮೊಗ್ಗ
ಹಲವು ವರ್ಷಗಳ ಹಿಂದೆ ಹಿರಿಯ ನಟ ಅನಂತ್ನಾಗ್ ಕೊಳಲು ನುಡಿಸುವುದನ್ನು ಕಲಿತಿದ್ದಾರೆ. ಈಗ ಆ ಕಲೆಯನ್ನು 'ವೀಕೆಂಡ್' ಚಿತ್ರದಲ್ಲಿ ಬಳಸಿಕೊಂಡಿದ್ದಾರೆ ನಿರ್ದೇಶಕ ಸುರೇಶ್. ಟೆಕ್ಕಿಗಳ ವೀಕೆಂಡ್ ಮೋಜು ಮಸ್ತಿ, ಜೀವನದ ಸುತ್ತ ಹೆಣೆದ ಕತೆ ಇರುವ ಚಿತ್ರ ಇದಾಗಿದ್ದು, ಟೆಕ್ಕಿಗಳ ಪ್ರೀತಿಯ ತಾತ ಆಗಿ ಅನಂತನಾಗ್ ನಟಿಸಿದ್ದಾರೆ. ಯಂಗ್ ಅಂಡ್ ಎನರ್ಜೆಟಿಕ್ ತಾತನ ಪಾತ್ರ ಇದಾಗಿದೆಯಂತೆ.
'ಅವರಿಗೆ ಕೊಳಲು ನುಡಿಸಲು ಬರುತ್ತದೆ ಎನ್ನುವುದು ನನಗೆ ಚೆನ್ನಾಗಿ ಗೊತ್ತು. ಹಾಗಾಗಿ ಅದನ್ನು ಚಿತ್ರದಲ್ಲಿ ಬಳಸಿಕೊಳ್ಳಲು ನಿರ್ಧಾರ ಮಾಡಿದೆವು. ಆಗಾಗ್ಗೆ ಅವರು ಕೊಳಲು ನುಡಿಸುತ್ತಾರೆ. ಶೂಟಿಂಗ್ ಸೆಟ್ನಲ್ಲಿ ಕೈಯಲ್ಲಿ ಕೊಳಲು ಬಂದಾಗ ಅದರ ಮೇಲೆ ಬೆರಳಾಡಿಸಿಯೇ ಶೂಟ್ಗೆ ಸಿದ್ಧರಾಗುತ್ತಿದ್ದರು. ವಿಶೇಷವಾಗಿ ಅವರಿಗಾಗಿ ಒಂದು ಥೀಮ್ ಸಾಂಗ್ ಅನ್ನು ಕೊಳಲಿನಲ್ಲಿ ಕಂಪೋಸ್ ಮಾಡಲಾಗಿದೆ. ಅದು ಬಹಳ ಚೆನ್ನಾಗಿದೆ' ಎನ್ನುತ್ತಾರೆ ನಟ ಮಿಲಿಂದ್.
ಚಿತ್ರದ ಕತೆ ಮತ್ತು ಪಾತ್ರ ಇವತ್ತಿನ ಲೈಫ್ ಸ್ಟೈಲ್ಗೆ ತಕ್ಕಂತೆ ಇರುವುದೇ ಅವರು ಚಿತ್ರ ಒಪ್ಪಿಕೊಳ್ಳಲು ಕಾರಣವಂತೆ. 'ಅನಂತನಾಗ್ ಅವರು ಒಪ್ಪದಿದ್ದರೆ ಈ ಸಿನಿಮಾ ಮಾಡುತ್ತಲೇ ಇರಲಿಲ್ಲ. ಯಾಕೆಂದರೆ, ಯುವ ಟೆಕ್ಕಿಗಳಿಗೆ ಜೀವನದ ಬಗ್ಗೆ ಪಾಠ ಮಾಡುವ ಹಿರಿಯ ವ್ಯಕ್ತಿಯ ಪಾತ್ರ ಅದಾಗಿದೆ. ಯಾವ ರೀತಿಯಲ್ಲಿ ಮಕ್ಕಳನ್ನು ಬೆಳೆಸಬೇಕು ಎನ್ನುವುದನ್ನು ಆ ಪಾತ್ರದ ಮೂಲಕ ಹೇಳಬೇಕಿತ್ತು. ಜನರಿಗೆ ಕನ್ವಿನ್ಸ್ ಮಾಡಬೇಕಿತ್ತು. ಅವರ ಡೇಟ್ಗಾಗಿ ಚಿತ್ರೀಕರಣವನ್ನು ನಾಲ್ಕು ತಿಂಗಳು ಮುಂದಕ್ಕೆ ಹಾಕಿದೆ' ಎಂದಿದ್ದಾರೆ ನಿರ್ದೇಶಕ ಸುರೇಶ್.
ಚಿತ್ರದಲ್ಲಿ ಅನಂತ್ ರಾಮ್ ಹೆಸರಿನ ಪಾತ್ರದಲ್ಲಿ ನಟಿಸಿರುವ ಅವರು, ಅಪ್ಪ ಅಮ್ಮ ಇಲ್ಲದ ಮೊಮ್ಮಗ ಮಿಲಿಂದ್ನನ್ನು ಬೆಳೆಸುತ್ತಾರೆ. ಜೀವನದಲ್ಲಿ ಸೋಲುವ ಹುಡುಗರನ್ನು ಮೋಟಿವೇಟ್ ಮಾಡುವ ತಾತನ ಪಾತ್ರವದು. 'ಅನಂತನಾಗ್ ಸದಾ ತಮ್ಮ ಕೈಯಲ್ಲಿ ಒಂದು ಪುಸ್ತಕ ಹಿಡ್ಕೊಂಡಿರುತ್ತಾರೆ. ಕೂಲಿಂಗ್ ಗ್ಲಾಸ್, ಪುಸ್ತಕ ಇಲ್ಲದೆ ಅವರು ಹೊರಗೆ ಬರುವುದೇ ಇಲ್ಲ. ಸೆಟ್ನಲ್ಲೂ ಬಿಡುವಿದ್ದಾಗ ಓದುತ್ತಿರುತ್ತಾರೆ. ಚಿತ್ರದಲ್ಲಿ ಒಳ್ಳೆಯ ಮೆಸೇಜ್ ಇದೆ ಎಂದು ಹೇಳುತ್ತಿದ್ದರು' ಎನ್ನುವುದು ಮಿಲಿಂದ್ ಮಾತು.
ಈ ಚಿತ್ರದಲ್ಲಿ ಮೂರು ಹಾಡುಗಳಿದ್ದು ಸಂಜಿತ್ ಹೆಗ್ಡೆ, ರಾಜೇಶ್ ಕೃಷ್ಣನ್, ಅನನ್ಯ ಭಗತ್, ಅಭಿನಂದನ್ ಹಾಡಿದ್ದಾರೆ. ಚಿತ್ರ ಮೇ. 24ರಂದು ರಾಜ್ಯಾದ್ಯಂತ ರಿಲೀಸ್ ಆಗಲಿದೆ. ಗೋಪಿನಾಥ್, ನಾಗಭೂಷಣ್, ನೀನಾಸಂ ರಘು ಮತ್ತಿತರರು ನಟಿಸಿದ್ದಾರೆ.
----------------
ಕೋಟ್
ಅನಂತನಾಗ್ ಅವರಿಗೆ ಕತೆ ಬಹಳ ಇಷ್ಟವಾಯ್ತು. ಇವತ್ತಿನ ಕಾಲಕ್ಕೆ ಚೆನ್ನಾಗಿ ಅಪ್ಡೇಟ್ ಆಗಿ ಸ್ಟೋರಿ ಮಾಡಿದ್ದೀರಾ ಎಂದರು. ಚಿತ್ರ ಹೊಸ ರೀತಿಯಲ್ಲಿದೆ ಎನ್ನುವುದು ಅವರ ಅಭಿಪ್ರಾಯವಾಗಿತ್ತು.
-ಸುರೇಶ್ ರಾಜ್, ನಿರ್ದೇಶಕ
ಹಲವು ವರ್ಷಗಳ ಹಿಂದೆ ಹಿರಿಯ ನಟ ಅನಂತ್ನಾಗ್ ಕೊಳಲು ನುಡಿಸುವುದನ್ನು ಕಲಿತಿದ್ದಾರೆ. ಈಗ ಆ ಕಲೆಯನ್ನು 'ವೀಕೆಂಡ್' ಚಿತ್ರದಲ್ಲಿ ಬಳಸಿಕೊಂಡಿದ್ದಾರೆ ನಿರ್ದೇಶಕ ಸುರೇಶ್. ಟೆಕ್ಕಿಗಳ ವೀಕೆಂಡ್ ಮೋಜು ಮಸ್ತಿ, ಜೀವನದ ಸುತ್ತ ಹೆಣೆದ ಕತೆ ಇರುವ ಚಿತ್ರ ಇದಾಗಿದ್ದು, ಟೆಕ್ಕಿಗಳ ಪ್ರೀತಿಯ ತಾತ ಆಗಿ ಅನಂತನಾಗ್ ನಟಿಸಿದ್ದಾರೆ. ಯಂಗ್ ಅಂಡ್ ಎನರ್ಜೆಟಿಕ್ ತಾತನ ಪಾತ್ರ ಇದಾಗಿದೆಯಂತೆ.
'ಅವರಿಗೆ ಕೊಳಲು ನುಡಿಸಲು ಬರುತ್ತದೆ ಎನ್ನುವುದು ನನಗೆ ಚೆನ್ನಾಗಿ ಗೊತ್ತು. ಹಾಗಾಗಿ ಅದನ್ನು ಚಿತ್ರದಲ್ಲಿ ಬಳಸಿಕೊಳ್ಳಲು ನಿರ್ಧಾರ ಮಾಡಿದೆವು. ಆಗಾಗ್ಗೆ ಅವರು ಕೊಳಲು ನುಡಿಸುತ್ತಾರೆ. ಶೂಟಿಂಗ್ ಸೆಟ್ನಲ್ಲಿ ಕೈಯಲ್ಲಿ ಕೊಳಲು ಬಂದಾಗ ಅದರ ಮೇಲೆ ಬೆರಳಾಡಿಸಿಯೇ ಶೂಟ್ಗೆ ಸಿದ್ಧರಾಗುತ್ತಿದ್ದರು. ವಿಶೇಷವಾಗಿ ಅವರಿಗಾಗಿ ಒಂದು ಥೀಮ್ ಸಾಂಗ್ ಅನ್ನು ಕೊಳಲಿನಲ್ಲಿ ಕಂಪೋಸ್ ಮಾಡಲಾಗಿದೆ. ಅದು ಬಹಳ ಚೆನ್ನಾಗಿದೆ' ಎನ್ನುತ್ತಾರೆ ನಟ ಮಿಲಿಂದ್.
ಚಿತ್ರದ ಕತೆ ಮತ್ತು ಪಾತ್ರ ಇವತ್ತಿನ ಲೈಫ್ ಸ್ಟೈಲ್ಗೆ ತಕ್ಕಂತೆ ಇರುವುದೇ ಅವರು ಚಿತ್ರ ಒಪ್ಪಿಕೊಳ್ಳಲು ಕಾರಣವಂತೆ. 'ಅನಂತನಾಗ್ ಅವರು ಒಪ್ಪದಿದ್ದರೆ ಈ ಸಿನಿಮಾ ಮಾಡುತ್ತಲೇ ಇರಲಿಲ್ಲ. ಯಾಕೆಂದರೆ, ಯುವ ಟೆಕ್ಕಿಗಳಿಗೆ ಜೀವನದ ಬಗ್ಗೆ ಪಾಠ ಮಾಡುವ ಹಿರಿಯ ವ್ಯಕ್ತಿಯ ಪಾತ್ರ ಅದಾಗಿದೆ. ಯಾವ ರೀತಿಯಲ್ಲಿ ಮಕ್ಕಳನ್ನು ಬೆಳೆಸಬೇಕು ಎನ್ನುವುದನ್ನು ಆ ಪಾತ್ರದ ಮೂಲಕ ಹೇಳಬೇಕಿತ್ತು. ಜನರಿಗೆ ಕನ್ವಿನ್ಸ್ ಮಾಡಬೇಕಿತ್ತು. ಅವರ ಡೇಟ್ಗಾಗಿ ಚಿತ್ರೀಕರಣವನ್ನು ನಾಲ್ಕು ತಿಂಗಳು ಮುಂದಕ್ಕೆ ಹಾಕಿದೆ' ಎಂದಿದ್ದಾರೆ ನಿರ್ದೇಶಕ ಸುರೇಶ್.
ಚಿತ್ರದಲ್ಲಿ ಅನಂತ್ ರಾಮ್ ಹೆಸರಿನ ಪಾತ್ರದಲ್ಲಿ ನಟಿಸಿರುವ ಅವರು, ಅಪ್ಪ ಅಮ್ಮ ಇಲ್ಲದ ಮೊಮ್ಮಗ ಮಿಲಿಂದ್ನನ್ನು ಬೆಳೆಸುತ್ತಾರೆ. ಜೀವನದಲ್ಲಿ ಸೋಲುವ ಹುಡುಗರನ್ನು ಮೋಟಿವೇಟ್ ಮಾಡುವ ತಾತನ ಪಾತ್ರವದು. 'ಅನಂತನಾಗ್ ಸದಾ ತಮ್ಮ ಕೈಯಲ್ಲಿ ಒಂದು ಪುಸ್ತಕ ಹಿಡ್ಕೊಂಡಿರುತ್ತಾರೆ. ಕೂಲಿಂಗ್ ಗ್ಲಾಸ್, ಪುಸ್ತಕ ಇಲ್ಲದೆ ಅವರು ಹೊರಗೆ ಬರುವುದೇ ಇಲ್ಲ. ಸೆಟ್ನಲ್ಲೂ ಬಿಡುವಿದ್ದಾಗ ಓದುತ್ತಿರುತ್ತಾರೆ. ಚಿತ್ರದಲ್ಲಿ ಒಳ್ಳೆಯ ಮೆಸೇಜ್ ಇದೆ ಎಂದು ಹೇಳುತ್ತಿದ್ದರು' ಎನ್ನುವುದು ಮಿಲಿಂದ್ ಮಾತು.
ಈ ಚಿತ್ರದಲ್ಲಿ ಮೂರು ಹಾಡುಗಳಿದ್ದು ಸಂಜಿತ್ ಹೆಗ್ಡೆ, ರಾಜೇಶ್ ಕೃಷ್ಣನ್, ಅನನ್ಯ ಭಗತ್, ಅಭಿನಂದನ್ ಹಾಡಿದ್ದಾರೆ. ಚಿತ್ರ ಮೇ. 24ರಂದು ರಾಜ್ಯಾದ್ಯಂತ ರಿಲೀಸ್ ಆಗಲಿದೆ. ಗೋಪಿನಾಥ್, ನಾಗಭೂಷಣ್, ನೀನಾಸಂ ರಘು ಮತ್ತಿತರರು ನಟಿಸಿದ್ದಾರೆ.
----------------
ಕೋಟ್
ಅನಂತನಾಗ್ ಅವರಿಗೆ ಕತೆ ಬಹಳ ಇಷ್ಟವಾಯ್ತು. ಇವತ್ತಿನ ಕಾಲಕ್ಕೆ ಚೆನ್ನಾಗಿ ಅಪ್ಡೇಟ್ ಆಗಿ ಸ್ಟೋರಿ ಮಾಡಿದ್ದೀರಾ ಎಂದರು. ಚಿತ್ರ ಹೊಸ ರೀತಿಯಲ್ಲಿದೆ ಎನ್ನುವುದು ಅವರ ಅಭಿಪ್ರಾಯವಾಗಿತ್ತು.
-ಸುರೇಶ್ ರಾಜ್, ನಿರ್ದೇಶಕ