ಐದು ಸಿನಿಮಾಗಳಲ್ಲಿ ಬಿಝಿಯಾದ ಅನಿತಾ ಭಟ್

ಯೋಗ ಕೇಂದ್ರ ಆರಂಭಿಸಿ, ಯೋಗ ಕಲಿಸುವ ಕೆಲಸದಲ್ಲಿ ಬಿಝಿಯಾಗಿರುವ ನಟಿ ಅನಿತಾ ಭಟ್‌ ಈಗ ಐದು ಸಿನಿಮಾದಲ್ಲಿ ನಟಿಸುತ್ತಿದ್ದು, ಅದರಲ್ಲಿ ಎರಡು ನೆಗೆಟಿವ್‌ ಶೇಡ್‌ ಇರುವ ಸಿನಿಮಾಗಳಾಗಿದೆ.

'ಐದು ಚಿತ್ರಗಳಲ್ಲಿ ವಿಭಿನ್ನ ಶೇಡ್‌ ಇರುವ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದೇನೆ. ರವಿಶಂಕರ್‌ ನಾಯಕರಾಗಿ ನಟಿಸುತ್ತಿರುವ ಸದ್ಗುಣ ಸಂಪನ್ನ ಸಿನಿಮಾದಲ್ಲಿ ಕಾಟನ್‌ ಸ್ಮಿತಾ ಎಂಬ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಇದು ರವಿಶಂಕರ್‌ ಅವರ ಲವರ್‌ ಪಾತ್ರವಾಗಿದೆ. ನನ್ನ ಪಾತ್ರ ಫ್ಯ್ಲಾಶ್‌ಬ್ಯಾಕ್‌ನಲ್ಲಿ ಬರುತ್ತದೆ. ಅಲ್ಲಿ ನಾನು ಕಾಲೇಜು ದಿನಗಳಲ್ಲಿ ಅವರನ್ನು ಇಷ್ಟಪಡುತ್ತಿರುತ್ತೇನೆ" ಎಂದಿದ್ದಾರೆ.

"ರವಿಶಂಕರ್‌ ಅವರಂತಹ ವರ್ಸೈಟಲ್‌ ನಟರ ಜತೆ ಸ್ಕ್ರೀನ್‌ ಶೇರ್‌ ಮಾಡಿಕೊಳ್ಳುವುದು ಖುಷಿಯ ಸಂಗತಿ. ಈ ಸಿನಿಮಾದಲ್ಲಿ ಬಹುಭಾಷಾ ನಟ ಸುಮನ್‌ ಸಹ ನಟಿಸುತ್ತಿದ್ದಾರೆ. ಇದರ ಜತೆಗೆ ಕನ್ನಡ ದೇಶದೋಳ್‌ ಚಿತ್ರವನ್ನು ನಿರ್ದೇಶನ ಮಾಡಿದ್ದ ಅವಿರಾಮ್‌ ಆ್ಯಕ್ಷನ್‌ ಕಟ್‌ ಹೇಳುತ್ತಿರುವ ಕಲಿವೀರ ಸಿನಿಮಾದಲ್ಲಿ ನಗೆಟಿವ್‌ ರೋಲ್‌ನಲ್ಲಿ ಕಾಣಿಸಿಕೊಳ್ಳುತ್ತಿದ್ದೇನೆ. ಕಲಿವೀರದಲ್ಲಿ ನಾನು ದೊಡ್ಡ ಡಾನ್‌ ಆಗಿರುತ್ತೇನೆ" ಎನ್ನುತ್ತಾರೆ ಅನಿತಾ ಭಟ್‌.

ಬಹುಭಾಷಾ ನಟ ಶಫಿ ಜತೆ ಬೆಂಗಳೂರು 69, ಪ್ರಭುತ್ವ ಹೀಗೆ ಐದು ಸಿನಿಮಾದಲ್ಲಿ ಐದು ಥರಹದ ರೋಲ್‌ನಲ್ಲಿ ನಟಿಸುತ್ತಿರುವುದು ನನಗೆ ಬಹಳ ಖುಷಿಯ ವಿಚಾರ. ಎಲ್ಲ ಸಿನಿಮಾಗಳು ಪ್ರೇಕ್ಷಕರಿಗೆ ಇಷ್ಟವಾಗುತ್ತವೆ, ನನ್ನ ಪಾತ್ರವನ್ನು ಪ್ರತಿಯೊಬ್ಬರು ಮೆಚ್ಚಿಕೊಳ್ಳುತ್ತಾರೆ'ಎನ್ನುವು ಅನಿತಾ ಭಟ್‌ ಅವರ ಮಾತಾಗಿದೆ.

ಪ್ರತಿ ಸಿನಿಮಾದಲ್ಲಿಯೂ ನಿರ್ದೇಶಕರು ನನ್ನ ಪಾತ್ರವನ್ನು ಬಹಳ ಪ್ರಾಮುಖ್ಯತೆಯಿಂದ ಬರೆದಿದ್ದಾರೆ. ಇದಕ್ಕಿಂತ ಒಬ್ಬ ಕಲಾವಿದೆಗೆ ಇನ್ನೇನು ಬೇಕಿದೆ.

-ಅನಿತಾ ಭಟ್‌, ನಟಿ