ಅಮ್ಮನಾಗಲಿರುವ ನಟಿ ಅನು ಪ್ರಭಾಕರ್‌

ಅನು ಪ್ರಭಾಕರ್‌ ರಘು ಮುಖರ್ಜಿ ಅವರನ್ನು 2016ರಲ್ಲಿ ಮದುವೆಯಾಗಿದ್ದರು. ಈಗ ಮನೆಯಲ್ಲಿ ಸಂತಸದ ಗಳಿಗೆಗಾಗಿ ಕಾಯುತ್ತಿದ್ದಾರೆ. ಹೊಸ ಅತಿಥಿಯನ್ನು ಸ್ವಾಗತಿಸಲು ಸಿದ್ಧರಾಗಿದ್ದಾರೆ. ಅನು ಪ್ರಭಾಕರ್‌ ಪ್ರೆಗ್ನೆಂಟ್‌ ಆಗಿರುವ ವಿಷಯವನ್ನು ಸಂತಸದಿಂದ ಹಂಚಿಕೊಂಡಿರುವ ರಘು ಮುಖರ್ಜಿ ತಾಯ್ತನದ ಬಗ್ಗೆ ಹೊಗಳಿದ್ದಾರೆ.

'ಜೀವನ ಪಯಣದಲ್ಲಿ ಮಹಿಳೆ ನಾನಾ ತರದ ಪಾತ್ರಗಳನ್ನು ನಿರ್ವಹಿಸುತ್ತಾಳೆ. ಅನು ಪ್ರಭಾಕರ್‌ ಕೂಡಾ ಯಶಸ್ವಿಯಾಗಿ ನಿಭಾಯಿಸಿದ್ದಾರೆ. ಈಗ ಅವರು ಸುಂದರ ತಾಯಿಯಾಗಲು ಸಿದ್ಧರಾಗಿದ್ದಾರೆ. ಖಂಡಿತ ನೀವು ಟೆರಿಫಿಕ್‌ ಅಮ್ಮ ಆಗಲಿದ್ದೀರಿ' ಎಂದು ಟ್ವೀಟ್‌ ಮಾಡಿದ್ದಾರೆ ರಘು ಮುಖರ್ಜಿ.

2016ರಲ್ಲಿ ಇವರು ಮದುವೆಯಾಗಿದ್ದರು. ಇವರಿಬ್ಬರಿಗೂ ಇದು ಎರಡನೇ ಮದುವೆಯಾಗಿತ್ತು. ಮದುವೆ ನಂತರವೂ ನಟನೆಯನ್ನು ಇಬ್ಬರೂ ಮುಂದುವರಿಸಿದ್ದಾರೆ.