ಅಂಬಾರಿ, ಅದ್ಧೂರಿ ಸಿನಿಮಾಗಳ ಮೂಲಕ ಸ್ಟಾರ್‌ ನಿರ್ದೇಶಕರಾಗಿದ್ದ ಎ ಪಿ ಅರ್ಜುನ್‌, ಈ ಬಾರಿ ಹೊಸಬರೊಂದಿಗೆ ಕಿಸ್‌ ಕೊಡಲು ಬರುತ್ತಿದ್ದಾರೆ. ವ್ಯಾಲೆಂಟೇನ್ಸ್‌ ಡೇ ಪ್ರಯುಕ್ತ ಈ ಸಿನಿಮಾದ ಇಬ್ಬರು ನಟರನ್ನು ಅವರು ಮೋಷನ್‌ ಪೋಸ್ಟರ್‌ ಮೂಲಕ ಪರಿಚಯಿಸಲಿದ್ದಾರಂತೆ.
ಕಿಸ್‌ ಚಿತ್ರದಲ್ಲಿ ಶ್ರೀಲೀಲಾ ಮತ್ತು ವಿರಾಟ್ ಸ್ಯಾಂಡಲ್‌ವುಡ್‌ಗೆ ಒಳ್ಳೆ ನಾಯಕ ನಾಯಕಿಯರಾಗುತ್ತಾರೆ. ಶ್ರೀಲೀಲಾ ಹಾಗೂ ವಿರಾಟ್ ಪಾತ್ರ ಟೀಸರ್‌ ಸಹ ಅಂದೇ ಬಿಡುಗಡೆಯಾಗುತ್ತದೆ. ಕಿಸ್‌ ಚಿತ್ರದ ಹಾಡಿನ ಚಿತ್ರೀಕರಣವನ್ನು ಎ ಪಿ ಅರ್ಜುನ್‌ ಇನ್ನೂ ಬಾಕಿ ಉಳಿಸಿಕೊಂಡಿದ್ದಾರೆ. ಈ ಚಿತ್ರಕ್ಕೆ ವಿ ಹರಿಕೃಷ್ಣ ಸಂಗೀತ ನೀಡಿದ್ದಾರೆ.
ಈಗಾಗಲೇ ಬಿಡುಗಡೆಯಾಗಿರುವ ಚಿತ್ರದ ಫಸ್ಟ್‌ಲುಕ್‌ ಮತ್ತು ಫೋಟೋಗಳು ಫ್ರೆಶ್‌ ಫೀಲ್‌ ಕೊಡುತ್ತಿದೆ ಎಂಬ ಮಾತುಗಳು ಆನ್‌ಲೈನ್‌ನಲ್ಲಿ ವ್ಯಕ್ತವಾಗಿದೆ.