ಕನ್ನಡದ ಕಿಚ್ಚು ಹಚ್ಚಿದ ರಿಷಬ್ ಶೆಟ್ಟಿ

ರಿಷಬ್‌ ಶೆಟ್ಟಿ ನಿರ್ದೇಶನದ ಬಹು ನಿರೀಕ್ಷಿತ ಚಿತ್ರ ಸರ್ಕಾರಿ.ಹಿ.ಪ್ರಾ.ಶಾಲೆ ಕಾಸರಗೋಡು ಚಿತ್ರದ ಟ್ರೇಲರ್‌ ಕನ್ನಡಿಗರ ಮನ ಗೆಲ್ಲುವಲ್ಲಿ ಯಶ್ವಸಿಯಾಗಿದೆ. ಕನ್ನಡ ಪರ ಕಾಳಜಿ, ಕನ್ನಡ ಹೋರಾಟ ಇವೆಲ್ಲವನ್ನೂ ರಿಷಬ್‌ ಶೆಟ್ಟಿ ಕಾಸರಗೋಡಿನ ಶೈಲಿಯ ಭಾಷೆಯಲ್ಲೆ ಕಟ್ಟಿಕೊಟ್ಟಿರುವ ರೀತಿ ಇದೆಯೆಲ್ಲಾ ಅದ್ಭುತವಾಗಿದೆ.

ಸದಾ ಕ್ರಿಯೇಟಿವ್‌ ಚಿಂತನೆಯೊಂದಿಗೆ ಪ್ರೇಕ್ಷಕರ ಮನ ಗೆಲ್ಲುವ ರಿಷಬ್‌ ಶೆಟ್ಟಿ ಈ ಚಿತ್ರದ ಮೂಲಕ ಕನ್ನಡದ ಕಿಚ್ಚು ಹಚ್ಚುವ ಪ್ರಯತ್ನ ಮಾಡಿದ್ದಾರೆ.

ರಿಷಬ್ ಶೆಟ್ಟಿಯ ಈ ಚಿತ್ರ ಬರೀ ಕಾಸರಗೋಡಿನ ಕನ್ನಡ ಶಾಲೆಗೆ ಮಾತ್ರ ಅನ್ವಯಿಸುವುದಿಲ್ಲ, ಕರ್ನಾಟಕದಲ್ಲಿರುವ ಬಹುತೇಕ ಕನ್ನಡ ಶಾಲೆಯ ಪರಿಸ್ಥಿತಿ ಇದೇ ರೀತಿ ಇದ್ದು, ಕನ್ನಡ ಉಳಿವಿಕೆಗೆ ಧ್ವನಿ ಎತ್ತಿರುವ ರಿಷಬ್‌ ಶೆಟ್ಟಿ ಪ್ರಯತ್ನ ಮೆಚ್ಚಲೇಬೇಕು.

ಈ ಚಿತ್ರ ಆಗಸ್ಟ್ 23ರಂದು ಬಿಡುಗಡೆಯಾಗಲಿದ್ದು, ಅನಂತ್‌ ನಾಗ್‌, ರಿಷಬ್ ಶೆಟ್ಟಿ, ವಾಸುಕಿ ವೈಭವ್‌ ಪ್ರಮುಖ ಪಾತ್ರದಲ್ಲಿ ಕಾಣಿಸಿದ್ದಾರೆ.