ಶರಣ್‌ ಜತೆ ನಟಿಸಲು ಮತ್ತೆ ಬಂದ ಅಸ್ಮಿತಾ

ಶರಣ್‌ ನಟನೆಯ ವಿಕ್ಟರಿ ಚಿತ್ರ ಹಿಟ್‌ ಆಗಿತ್ತು. ಈ ಚಿತ್ರದಲ್ಲಿ ನಾಯಕಿಯಾಗಿ ಅಸ್ಮಿತಾ ಸೂದ್‌ ನಟಿಸಿದ್ದರು. ಇದೀಗ ವಿಕ್ಟರಿಯ ಸೀಕ್ವೆಲ್‌ ತೆರೆಗೆ ಬರಲಿದ್ದು, ಅಸ್ಮಿತಾ ಮತ್ತೆ ಚಿತ್ರದ ಸೀಕ್ವೆಲ್‌ನಲ್ಲೂ ಅವರೇ ಕಾಣಿಸಿಕೊಂಡಿದ್ದಾರೆ. ಇದು ತಮಗೆ ತುಂಬಾ ಸಂತಸ ತಂದಿದೆ ಎಂದಿದ್ದಾರೆ ಅವರು.

ವಿಕ್ಟರಿ ಚಿತ್ರದ ಸೀಕ್ವೆಲ್‌ ತೆರೆಗೆ ಬರುತ್ತದೆ ಎಂಬ ನಿರೀಕ್ಷೆ ತಮಗೆ ಇರಲಿಲ್ಲ. ಇದು ಖುಷಿ ಕೊಟ್ಟಿದೆ ಎಂದಿದ್ದಾರೆ ಅವರು. ವಿಕ್ಟರಿ ನಂತರ ಅಸ್ಮಿತಾ ಶರಣ್‌ ನಟನೆಯ ಅಧ್ಯಕ್ಷ ಚಿತ್ರದಲ್ಲೂ ಕಾಣಿಸಿಕಂಡಿದ್ದರು. ಇದಾದ ನಾಲ್ಕು ವರ್ಷಗಳ ನಂತರ ಮತ್ತೆ ಅವರು ಸ್ಯಾಂಡಲ್‌ವುಡ್‌ಗೆ ಮರಳಿದ್ದಾರೆ. ಬಾಲಿವುಡ್‌ನಲ್ಲಿ ಬಿಝಿಯಾಗಿದ್ದರಿಂದ ಕನ್ನಡ ಸಿನಿಮಾಗಳಲ್ಲಿ ನಟಿಸುವುದು ಸಾಧ್ಯವಾಗಿರಲಿಲ್ಲ ಎಂದಿದ್ದಾರೆ ಅವರು. ವಿಕ್ಟರಿ 2 ಚಿತ್ರವನ್ನು ಹರಿ ಸಂತೋಷ್‌ ನಿರ್ದೇಶನ ಮಾಡುತ್ತಿದ್ದಾರೆ. ಈ ಚಿತ್ರದಲ್ಲಿ ಹಲವು ಟ್ವಿಟ್ಸ್‌ಗಳಿವೆ ಎಂದಿದ್ದಾರೆ ಅಸ್ಮಿತಾ.