ಅಯೋಗ್ಯನ ಅಕೌಂಟಿಗೆ 5 ಕೋಟಿಗೂ ಹೆಚ್ಚು ಕಲೆಕ್ಷನ್‌

ನೀನಾಸಂ ಸತೀಶ್‌ ನಟನೆಯ ಅಯೋಗ್ಯ ಬಿಡುಗಡೆಯಾಗಿ ಭರ್ಜರಿ ಕಲೆಕ್ಷನ್‌ ಮಾಡುತ್ತಿದ್ದು, ನಾಲ್ಕೇ ದಿನಕ್ಕೆ ಐದು ಕೊಟಿಗೂ ಹೆಚ್ಚಿನ ಹಣ ಗಳಿಸಿದೆ.

ಮಹೇಶ್‌ಕುಮಾರ್‌ ಆ್ಯಕ್ಷನ್‌ ಕಟ್‌ ಹೇಳಿರುವ ಈ ಚಿತ್ರ ಪಕ್ಕಾ ಮಂಡ್ಯ ಭಾಷೆಯಲ್ಲಿದ್ದರೂ, ಉತ್ತರಕರ್ನಾಟಕದ ಸಾಕಷ್ಟು ಕೇಂದ್ರಗಳಲ್ಲಿ ಹೌಸ್‌ಫುಲ್‌ ಕಲೆಕ್ಷನ್‌ ಮಾಡಿದೆ. ಸಿನಿಮಾದ ಹಾಡುಗಳು ಮತ್ತು ಮೇಕಿಂಗ್‌ ವಿಚಾರದಲ್ಲಿ ಸದ್ದು ಮಾಡುತ್ತಿದ್ದು, ಮಂಡ್ಯ ಮೈಸೂರು ಭಾಗದ ಎಲ್ಲ ಚಿತ್ರಮಂದಿರಗಳಲ್ಲಿ ನಾಲ್ಕು ಪ್ರದರ್ಶನಗಳು ತುಂಬಿದೆ.

ಸೋಮವಾರ ಚಿತ್ರತಂಡ ಚಿತ್ರಮಂದಿರ ವೀಕ್ಷಣೆಗೆ ಹೋದಾಗ ನೀನಾಸಂ ಸತೀಶ್‌ ಸೇರಿದಂತೆ ಚಿತ್ರತಂಡವನ್ನು ನೋಡಲು ಜನ ಮುಗಿಬಿದ್ದು, ಲಾಠಿಚಾರ್ಜ್‌ ಸಹ ಮಾಡಲಾಗಿದೆ. ಚಿತ್ರಕ್ಕೆ ಇಂತಹ ಅದ್ಭುತ ಓಪನಿಂಗ್‌ ಸಿಕ್ಕಿರುವುದಕ್ಕೆ ನಿರ್ಮಾಪಕ ಚಂದ್ರಶೇಖರ್‌ ಸಹ ಖುಷಿಯಾಗಿದ್ದಾರೆ.