ಮಗಳಿಗೆ ಕನ್ನಡ ಕಲಿಸಿ, ಕೊಂಕಣಿ ಅಲ್ಲ ಎಂದು ರಾಧಿಕಾಗೆ ಪಾಠ ಮಾಡಿದ ಅಭಿಮಾನಿಗಳು

ಕೆಲವು ತಿಂಗಳುಗಳ ಕಾಲ ಮಗಳು ಆಯ್ರಾ ಮುಖವನ್ನು ಹೊರಜಗತ್ತಿಗೆ ಯಶ್, ರಾಧಿಕಾ ಪಂಡಿತ್ ದಂಪತಿ ತೋರಿಸಿರಲಿಲ್ಲ. ಕಳೆದ ಅಕ್ಷಯ ತೃತೀಯದಂದು ಆಯ್ರಾಳ ಮೊದಲ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದರು. ಆಮೇಲೆ ಮಗಳ ನಾಮಕರಣ, ಕಿವಿ ಚುಚ್ಚಿಸುವ ಶಾಸ್ತ್ರದ ಬಗ್ಗೆಯೂ ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡಿದ್ದರು. ಆಯ್ರಾ ಕ್ಯಾಮರಾ ನೋಡಿ ಬಾಯ್ ಬಾಯ್ ಮಾಡುವ ವಿಡಿಯೋವೊಂದನ್ನು ಕೆಲ ದಿನಗಳ ಹಿಂದೆ ರಾಕಿಂಗ್ ಸ್ಟಾರ್ ಹಂಚಿಕೊಂಡಿದ್ದರು. ಈ ಸ್ಟಾರ್ ಕಿಡ್‌ಗೆ ಈಗ ಹತ್ತು ತಿಂಗಳು.

ರಾಧಿಕಾ ಪಂಡಿತ್ ಈಗ ಹಂಚಿಕೊಂಡಿರುವ ವಿಡಿಯೋದಲ್ಲಿ ಆಯ್ರಾ ಫೋಟೋದಲ್ಲಿರುವ ತನ್ನ ತಂದೆ, ತಾಯಿಯನ್ನು ಗುರುತಿಸುತ್ತಿದ್ದಾಳೆ. ಅಪ್ಪ, ಅಮ್ಮ ಎಲ್ಲಿದ್ದಾರೆ ಅಂತ ರಾಧಿಕಾ ಕೇಳಿದರೆ ಅದಕ್ಕೆ ಆಯ್ರಾ ಫೋಟೋ ತೋರಿಸಿ ಇದು ಅಪ್ಪ, ಇದು ಅಮ್ಮ ಎಂದು ಕೈ ತೋರಿಸುತ್ತಿದ್ದಾಳೆ. ಈ ವಿಡಿಯೋವನ್ನು ಹಲವರು ಮೆಚ್ಚಿಕೊಂಡಿದ್ದಾರೆ. ಆದರೆ ರಾದಿಕಾ ಕೊಂಕಣಿಯಲ್ಲಿ ಅಮ್ಮ ಎಲ್ಲಿದ್ದಾಳೆ? ಅಪ್ಪ ಎಲ್ಲಿದ್ದಾಳೆ? ಎಂದು ಕೇಳಿದ್ದರು. ಈ ಮಾತಿಗೆ ಅಭಿಮಾನಿಗಳು ಮಗಳಿಗೆ ಕನ್ನಡ ಕಲಿಸಿ ಎಂದಿದ್ದಾರೆ.
ಸ್ಟಾರ್ಸ್‌ಗಳಿಗಿಂತ ಹೆಚ್ಚು ಸದ್ದು ಮಾಡುತ್ತಿರುವ ಸ್ಯಾಂಡಲ್‌ವುಡ್‌ ಕಿಡ್ಸ್ ಇವರೇನೇ! ಯಾರಿವರು?

ರಾಧಿಕಾ 2ನೇ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಅಕ್ಟೋಬರ್ ತಿಂಗಳಲ್ಲಿ ಅವರ ಮನೆಗೆ ತುಂಟ ಕೃಷ್ಣನೋ ಅಥವಾ ಮಹಾಲಕ್ಷ್ಮೀಯೋ ಬರುತ್ತಾರೆ ಎನ್ನಲಾಗಿದೆ. ಇತ್ತೀಚೆಗಷ್ಟೇ ಯಶ್ ಮಗಳ ಜೊತೆಗಿನ ವಿಡಿಯೋ ಶೇರ್ ಮಾಡಿದ್ದರು. ಆ ವಿಡಿಯೋದಲ್ಲಿ ಆಯ್ರಾ ಕ್ಯಾಮೆರಾ ನೋಡಿ, ಯಶ್ ಹೇಳಿಕೊಟ್ಟಂತೆ ಬಾಯ್ ಬಾಯ್ ಮಾಡುತ್ತಿದ್ದಳು. ಇವಳ ಚೂಟಿತನ ಕಂಡು ಎಲ್ಲರೂ ಆಶ್ಚರ್ಯಚಕಿತರಾಗಿದ್ದರು.

ತುಂಬ ಚೂಟಿಯಾಗಿ ಮಾತನಾಡ್ತಾಳೆ ಯಶ್ ಮಗಳು ಆಯ್ರಾ; ವಿಡಿಯೋ ನೋಡಿ

ಕೆಲ ದಿನಗಳ ಹಿಂದೆ ಮಗಳಿಗಾಗಿ ಯಶ್ ಮತ್ತು ರಾಧಿಕಾ ಮಾಲ್‌ಗೆ ತೆರಳಿ ಭರ್ಜರಿ ಶಾಪಿಂಗ್ ಮಾಡುತ್ತಿದ್ದರು. ಆಯ್ರಾಳಿಗೆ ಆಟಿಕೆ ಖರೀದಿ ಮಾಡಿದ್ದರು ಇವರು. ಇದಕ್ಕೆ ಸಂಬಂಧಪಟ್ಟ ಫೋಟೋಗಳನ್ನು ರಾಧಿಕಾ ತಮ್ಮ ಸಾಮಾಜಿಕ ಜಾಲತಾಣ ಖಾತೆಯಲ್ಲಿ ಹಂಚಿಕೊಂಡು, "ನಮಗಾಗಿ ಶಾಪಿಂಗ್‌ಗೆ ತೆರಳಿ ಒಂದು ವರ್ಷವಾಯಿತು. ಈಗ ಮಗಳಿಗೆ ಆಟಿಕೆ ಕೊಳ್ಳಲು ಮಾಲ್‌ಗೆ ಬಂದಿದ್ದೇವೆ. ಹೇಗೆ ಜೀವನ ಬದಲಾಗುತ್ತದೆ ಅಲ್ವಾ! ಆಟಿಕೆ ಮಳಿಗೆಯಲ್ಲಿದ್ದದ್ದು ಖುಷಿ ನೀಡಿತು" ಅಂತಪೋಸ್ಟ್ ಮಾಡಿದ್ದರು.

ಭರ್ಜರಿ ಶಾಪಿಂಗ್ ಶುರು ಮಾಡಿದ ಯಶ್ ಮತ್ತು ರಾಧಿಕಾ; ಕಾರಣ ?