ಬಕಾಸುರ ಟೈಟಲ್‌ ಕೊಟ್ಟ ರವಿಚಂದ್ರನ್‌

*ಹರೀಶ್‌ ಬಸವರಾಜ್‌

ಇದೀಗ ಟೈಟಲ್‌ ಮತ್ತು ಟ್ರೇಲರ್‌ನಿಂದ ಗಮನಸೆಳೆಯುತ್ತಿರುವ ಬಕಾಸುರ ಚಿತ್ರಕ್ಕೆ ಬಕಾಸುರ ಎಂಬ ಟೈಟಲ್‌ ಸಜೆಸ್ಟ್‌ ಮಾಡಿದ್ದು ಕ್ರೇಜಿಸ್ಟಾರ್‌ ರವಿಚಂದ್ರನ್‌ ಎಂದು ನಿರ್ದೇಶಕ ನವನೀತ್‌ ತಿಳಿಸಿದ್ದಾರೆ.

ಕರ್ವ ಚಿತ್ರದ ನಂತರ ಅದೇ ತಂಡ, ರವಿಚಂದ್ರನ್‌ ಜತೆ ಕೆಲಸ ಮಾಡಬೇಕು ಎಂದು ಯೋಚಿಸಿ, ಅವರಿಗೆ ಎರಡು ಕಥೆಗಳನ್ನು ಹೇಳಲಾಗಿತ್ತು. ಆಗ ರವಿಚಂದ್ರನ್‌ ಅವರು ಈ ಕಥೆಯನ್ನು ಓಕೆ ಮಾಡಿ ಇದಕ್ಕೆ ಬಕಾಸುರ ಎಂದು ಟೈಟಲ್‌ ಇಡುವಂತೆ ಹೇಳಿದ್ದರು ನಿರ್ದೇಶಕರು ಹೇಳಿದ್ದಾರೆ.

'ಕರ್ವ ಚಿತ್ರದ ನಂತರ ನನಗೆ ಕರ್ವ-2 ಮಾಡುವಂತೆ ನನಗೆ ಅದೇ ನಿರ್ಮಾಪಕರು ಆಫರ್‌ ನೀಡಿದ್ದರು. ಆ ಸಮಯದಲ್ಲಿ ರವಿ ಅವರ ಜತೆ ಒಂದು ಪ್ರಾಜೆಕ್ಟ್ ಮಾಡಬೇಕು ಎಂದು ನಿರ್ಧರಿಸಿ ಕಥೆ ಹುಡುಕುತ್ತಿದ್ದಾಗ ಬಕಾಸುರ ಕಥೆಯನ್ನು ರಾಜಸಿಂಹ ಎಂಬುವವರು ಬರೆದಿದ್ದರು. ಈ ಕಥೆ ಲಾಯರ್‌ಗಳ ನಡುವೆಯೇ ನಡೆಯುತ್ತದೆ. ಬಹಳ ಎಂಟರ್‌ಟೇನಿಂಗ್‌ ಆಗಿ ಸ್ಕ್ರೀನ್‌ಪ್ಲೇ ಮಾಡಿಕೊಂಡು ಸಿನಿಮಾ ಮಾಡಿದ್ದೇವೆ ಎನ್ನುತ್ತಾರೆ ನವನೀತ್‌ ಅವರು. ಈ ಸಿನಿಮಾದಲ್ಲಿ ರವಿಚಂದ್ರನ್‌ ಮತ್ತು ರೋಹಿತ್‌ ಇಬ್ಬರೂ ನೆಗೆಟಿವ್‌ ಇಮೇಜ್‌ ಇರುವ ಪಾತ್ರಗಳಲ್ಲೇ ಕಾಣಿಸಿಕೊಂಡಿದ್ದಾರೆ. ಕಥೆಯಲ್ಲಿನ ಟ್ವಿಸ್ಟ್‌ ಬಹಳ ಮುಖ್ಯವಂತೆ. ನಾಯಕಿಯಾಗಿ ಕಾವ್ಯ ಗೌಡ, ಸಿತಾರಾ, ಸುಚೇಂದ್ರಪ್ರಸಾದ್‌ ಸೇರಿದಂತೆ ದೊಡ್ಡ ನಟರ ದಂಡೇ ಈ ಚಿತ್ರದಲ್ಲಿದೆ.