ಆರ್‌ಜೆ ರೋಹಿತ್‌ ನಾಯಕರಾಗಿ ನಟಿಸಿರುವ ಬಕಾಸುರ ಚಿತ್ರ ತೆಲುಗಿಗೆ ರಿಮೇಕ್‌ ಆಗುತ್ತದಂತೆ. ಈ ಚಿತ್ರವನ್ನು ನೋಡಿರುವ ತೆಲುಗಿನ ನಿರ್ಮಾಪಕರೊಬ್ಬರು ಈ ಚಿತ್ರವನ್ನು ತೆಲುಗಿಗೆ ರಿಮೇಕ್‌ ರೈಟ್ಸ್‌ ಕೇಳುತ್ತಿದ್ದಾರಂತೆ.
ಒಂದು ಟೀಸರ್‌ ಬಿಡುಗಡೆ ಮಾಡಿರುವ ಚಿತ್ರತಂಡ, ಬರೀ ಮೆಕಿಂಗ್‌ ಸ್ಟಿಲ್ಸ್‌ಗಳಿಂದ ಗಮನ ಸೆಳೆಯುತ್ತಿದೆ. ತೆಲುಗಿನ ಬರಹಗಾರರ ಮೂಲಕ ಈ ಚಿತ್ರ ನೋಡಿದ ಆ ನಿರ್ಮಾಪಕರು, ರೈಟ್ಸ್‌ ಬಗ್ಗೆ ಮಾತುಕತೆ ನಡೆಸುತ್ತಿದ್ದಾರಂತೆ. ಒಂದು ವಾರದಲ್ಲಿ ಎಲ್ಲವೂ ಫೈನಲ್‌ ಆಗಲಿದ್ದು ಸದ್ಯದಲ್ಲಿ ಮಾಹಿತಿ ನೀಡುತ್ತೇನ ಎನ್ನುತ್ತಾರೆ ನಿರ್ದೇಶಕ ನವನೀತ್‌.
ಈ ಚಿತ್ರವನ್ನು ತೆಲುಗಿನಲ್ಲಿ ನಾಗಾರ್ಜು ಫ್ಯಾಮಿಲಿಗೆ ಮಾಡುವ ಆಲೋಚನೆ ಇಟ್ಟುಕೊಂಡಿದ್ದಾರಂತೆ ನಿರ್ಮಾಪಕರು. ರವಿಚಂದ್ರನ್‌ ಮಾಡಿದ ಪಾತ್ರವನ್ನು ನಾಗಾರ್ಜುನ, ರೋಹಿತ್‌ ಮಾಡಿದ ಪಾತ್ರವನ್ನು ಅಖಿಲ್‌ ಅಥವಾ ನಾಗಚೈತನ್ಯ ನಿರ್ವಹಿಸುತ್ತಾರೆ ಎನ್ನುವ ಮಾತುಗಳು ಓಡಾಡುತ್ತಿವೆ. ಮೊದಲೆಲ್ಲಾ ಪರಭಾಷೆಯ ಸಿನಿಮಾಗಳನ್ನು ಕನ್ನಡಕ್ಕೆ ರಿಮೇಕ್‌ ಮಾಡಲಾಗುತ್ತಿತ್ತು. ಈಗ ಕನ್ನಡದ ಸಿನಿಮಾಗಳನ್ನು ಬಿಡುಗಡೆಗೂ ಮುನ್ನವೇ ರಿಮೇಕ್‌ ರೈಟ್ಸ್‌ ಕೇಳುತ್ತಿರುವುದು ಉತ್ತಮ ಬೆಳವಣಿಗೆಯಾಗಿ ಕಾಣುತ್ತಿದೆ.