ಬಂಪರ್‌ ಆಗಿ 10 ಕೆಜಿ ತೂಕ ಹೆಚ್ಚಿಸಿಕೊಂಡ ಧನ್ವೀರ್‌

ಸಿಂಪಲ್‌ ಸುನಿ ನಿರ್ದೇಶನದ 'ಬಜಾರ್‌' ಚಿತ್ರದ ಮೂಲಕ ಸ್ಯಾಂಡಲ್‌ವುಡ್‌ಗೆ ಎಂಟ್ರಿ ಕೊಟ್ಟ ನಟ ಧನ್ವೀರ್‌ ನಟನೆಯ ಎರಡನೇ ಚಿತ್ರದ ಟೈಟಲ್‌ ಫಿಕ್ಸ್‌ ಆಗಿದೆ. ಇದರಲ್ಲಿಲವ್‌ ಕಮ್‌ ಫ್ಯಾಮಿಲಿ ಎಂಟರ್‌ಟೇನ್‌ಮೆಂಟ್‌ ಕಥೆ ಇದ್ದು, ಅದಕ್ಕಾಗಿ ಅವರು 10 ಕೆ.ಜಿ ತೂಕ ಹೆಚ್ಚಿಸಿಕೊಂಡಿದ್ದಾರೆ.

ನಿರ್ದೇಶಕ ಚೇತನ್‌ ಕುಮಾರ್‌ ಅವರು ಧನ್‌ವೀರ್‌ಗಾಗಿಯೇ ಕಥೆ ಬರೆದಿದ್ದು, ಆ ಚಿತ್ರಕ್ಕೆ 'ಬಂಪರ್‌' ಎನ್ನುವ ಶೀರ್ಷಿಕೆಯನ್ನಿಟ್ಟಿದ್ದಾರೆ. ಈ ಚಿತ್ರಕ್ಕೆ ಸುಪ್ರೀತ್‌ ನಿರ್ಮಾಪಕರಾಗಿದ್ದು, ನಿರ್ದೇಶಕರ ಹೆಸರು ಇನ್ನೂ ರಿವೀಲ್‌ ಆಗಿಲ್ಲ. ಚೇತನ್‌ ಕಥೆಯಷ್ಟೇ ಬರೆದಿದ್ದಾರೆ.

'ಇಡೀ ಕುಟುಂಬಕ್ಕೆ ಇಷ್ಟವಾಗುವ ಕಥೆ ಇದೆ. ಜತೆಗೆ ಲವ್‌ಸ್ಟೋರಿ ಕೂಡ ಉಂಟು. ನನ್ನ ಮೊದಲ ಸಿನಿಮಾದಲ್ಲಿಮಾಸ್‌ ಆಗಿ ಅಭಿನಯಿಸಿದ್ದೆ. ಇದರಲ್ಲಿಆ್ಯಕ್ಷನ್‌, ಫೈಟ್‌, ಫ್ಯಾಮಿಲಿ ಡ್ರಾಮಾ ಇದೆ. ಚೇತನ್‌ ಕುಮಾರ್‌ ಮೊದಲು ಕಥೆಯನ್ನು ಹೇಳಿದಾಗ ಮನಸ್ಸಿಗೆ ತುಂಬಾ ಹಿಡಿಸಿತು ಹಾಗಾಗಿಯೇ ಒಪ್ಪಿಕೊಂಡೆ. ಪಾತ್ರದ ನಾಯಕನೂ ಭರ್ಜರಿ ಲುಕ್‌ನಲ್ಲಿಕಾಣಿಸಿಕೊಳ್ಳಬೇಕಿರುವುದರಿಂದ ಈಗಾಗಲೇ ವರ್ಕೌಟ್‌ ಆರಂಭಿಸಿದ್ದೇನೆ. ಅದಕ್ಕಾಗಿಯೇ 10 ಕೆ.ಜಿ ತೂಕವನ್ನು ಹೆಚ್ಚಿಸಿಕೊಂಡಿದ್ದೇನೆ. ವರ್ಕೌಟ್‌, ಫೈಟಿಂಗ್‌, ಸ್ಟಂಟ್ಸ್‌ ಎಲ್ಲವನ್ನೂ ಅಭ್ಯಾಸ ಮಾಡುತ್ತಿದ್ದೇನೆ' ಎಂದು ಧನ್ವೀರ್‌ ತಿಳಿಸಿದ್ದಾರೆ.

'ನನ್ನ ಮೊದಲ ಚಿತ್ರವೂ 'ಬ' ಎಂಬ ಅಕ್ಷರದಿಂದಲೇ ಆರಂಭವಾಗಿತ್ತು. ಹಾಗಾಗಿಯೇ ಚೇತನ್‌ ಅವರು ಎರಡನೇ ಚಿತ್ರಕ್ಕೆ 'ಬ' ಯಿಂದ ಶುರುವಾಗುವ 'ಬಂಪರ್‌' ಟೈಟಲ್‌ ಫೈನಲ್‌ ಮಾಡಿದ್ದಾರೆ' ಎಂದು ಅವರು ಹೇಳಿದ್ದಾರೆ.

ತೆಲುಗು ಹಾಗೂ ಕನ್ನಡದಲ್ಲಿದ್ವಿಭಾಷೆಯಲ್ಲಿಒಂದು ಚಿತ್ರದಲ್ಲಿಅಭಿನಯಿಸಬೇಕೆಂಬ ಪ್ಲಾನ್‌ ಕೂಡ ಇದೆ. ನನಗೆ ತಡವಾದರೂ ಪರವಾಗಿಲ್ಲಉತ್ತಮ ಪಾತ್ರ, ನಿರ್ದೇಶಕರು, ತಂಡದೊಂದಿಗೆ ಲೇಟಾದರೂ ಲೇಟೆಸ್ಟಾಗಿ ಎಂಟ್ರಿ ಕೊಡಬೇಕೆಂಬುದೇ ನನ್ನ ಆಸೆ. ಬಂದಂಥ ಎಲ್ಲಾಕಥೆಗಳನ್ನು ಒಪ್ಪಿಕೊಳ್ಳುವುದಿಲ. ಪಾತ್ರಗಳ ಆಯ್ಕೆಯಲ್ಲಿನಾನು ಚ್ಯೂಸಿಯಾಗಿದ್ದೇನೆ. ಉತ್ತಮ ನಟನಾಗಿ ಪ್ರೇಕ್ಷಕರ ಮನಸ್ಸಿನಲ್ಲಿಉಳಿಯಬೇಕೆಂಬುದೇ ನನ್ನ ಆಸೆ.

-ಧನ್ವೀರ್‌, ನಟ