ಲವ್‌ ಫೇಲ್ಯೂರ್‌ ಆಗಿದ್ದಕ್ಕೆ ಖುಷಿ

ಧನ್‌ವೀರ್‌ ಮತ್ತು ಅದಿತಿ ಪ್ರಭುದೇವ್‌ ನಟನೆಯ ಬಜಾರ್‌ ಚಿತ್ರ ಫೆ.1 ರಂದು ರಿಲೀಸ್‌ ಆಗಲಿದೆ. ಅದಕ್ಕೂ ಮೊದಲು ಮುಂದಿನ ವಾರ ಹೊಸ ಟ್ರೇಲರ್‌ ರಿಲೀಸ್‌ ಮಾಡಲು ನಿರ್ದೇಶಕ ಸಿಂಪಲ್‌ ಸುನಿ ನಿರ್ಧರಿಸಿದ್ದಾರೆ.

ಸಿಂಪಲ್‌ ಸುನಿ ಮೊದಲ ಬಾರಿಗೆ ಆ್ಯಕ್ಷನ್‌ ಓರಿಯೆಂಟೆಂಡ್‌ ಸಿನಿಮಾ ನಿರ್ದೇಶನ ಮಾಡಿದ್ದಾರೆ. ಹೊಸ ನಟ ಧನ್‌ವೀರ್‌ ಕೂಡಾ ಮೊದಲ ಚಿತ್ರದಲ್ಲೇ ಪವರ್‌ಫುಲ್‌ ಆ್ಯಕ್ಷನ್‌ ದೃಶ್ಯಗಳಲ್ಲಿ ನಟಿಸಿದ್ದಾರೆ. ನಟಿ ಅದಿತಿ ಪ್ರಭುದೇವ ಟೈಲರ್‌ ಹುಡುಗಿಯಾಗಿ ಕಾಣಿಸಿಕೊಂಡಿದ್ದಾರೆ. ಚಿತ್ರದ ರಿಲೀಸ್‌ ಮುಂದಕ್ಕೆ ಹಾಕಿದ್ದ ಸುನಿ ಈಗ ಫೆ.1 ರಂದು ರಾಜ್ಯಾದ್ಯಂತ ರಿಲೀಸ್‌ ಮಾಡಲು ನಿರ್ಧರಿಸಿದ್ದಾರೆ.

ಚಿತ್ರ ರಿಲೀಸ್‌ ಮಾಡುವ ಮೊದಲು ಇನ್ನೊಂದು ಹೊಸ ಟ್ರೇಲರ್‌ ರಿಲೀಸ್‌ ಮಾಡಲಿದ್ದಾರೆ ಸುನಿ. ಚಿತ್ರದಲ್ಲಿ ವಿಭಿನ್ನವಾದ ಭೂಗತ ಲೋಕದ ಕತೆ ಇದೆ ಎನ್ನುತ್ತಾರೆ ಅವರು. ಕೆಜಿಎಫ್‌ ಖ್ಯಾತಿಯ ರವಿ ಬಸ್ರೂರ್‌ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಚಿತ್ರದ ಹಾಡುಗಳು ಈಗಾಗಲೇ ಎಲ್ಲರ ಗಮನ ಸೆಳೆದಿದೆ. ಸಂತೋಷ್‌ ರೈ ಪಾತಾಜೆ ಛಾಯಾಗ್ರಹಣ ಮಾಡಿದ್ದಾರೆ. ಚಿತ್ರದಲ್ಲಿ ಪಾರಿವಾಳಗಳ ಪಾತ್ರ ಮಹತ್ವದ್ದಾಗಿದೆ. ಇದಕ್ಕಾಗಿ ನೂರಾರು ಪಾರಿವಾಳಗಳನ್ನು ಬಳಸಲಾಗಿದೆ.

ತನ್ನ ಲವ್‌ ಫೇಲ್ಯೂರ್‌ ಆಗಲಿ ಎಂದು ಬಯಸುವ ನಾಯಕನ ಪಾತ್ರ ನಟ ಧನ್‌ವೀರ್‌ ಅವರದು. "ಲವ್‌ ಫೇಲ್ಯೂರ್‌ ಆಗೋಯ್ತು ನನಗೆ.. ಫೀಲ್‌ ಅಂತೂ ಸೂಪರು ಕಣ್ಣೀರ ಜತೆಗೆ.. ಅನ್ನೋ ಹಾಡು ಆನ್‌ಲೈನ್‌ನಲ್ಲಿ ಹೆಚ್ಚು ಹಿಟ್‌ ಗಳಿಸಿದೆ.