ಸಡಗರ ಸಂಭ್ರಮದ 'ಯುಗಾದಿ' ಆಚರಣೆಗೆ ನಿಮಗಾಗಿ ಸಿನಿಮಾ ಹಾಡುಗಳು

ಯುಗಾದಿ ಹಬ್ಬವೆಂದರೆ ಹೊಸ ವರ್ಷದ ಸಂಭ್ರಮ. ಪ್ರತಿ ವರ್ಷದಂತೆ ಈ ವರ್ಷವೂ ಯುಗಾದಿ ಹಬ್ಬ ಬಂದಿದೆ. ಎಲ್ಲರಿಗೂ ಹೊಸ ಹರುಷ, ಸಡಗರ ತಂದಿದೆ. ಪ್ರಕೃತಿಯಲ್ಲಿ ಹಳೆ ಬೇರು ಹೊಸ ಚಿಗುರು ಸೇರಿ ಮರ ಮೆರೆಯುವಂತೆ, ಬಾಳಿನಲ್ಲಿ ಕಹಿ ಮತ್ತು ಸಿಹಿ ಸೇರಿ ಜೀವನದ ಸೊಬಗು ಹೆಚ್ಚುತ್ತದೆ. ಯುಗಾದಿಯ ದಿನದಂದು ಹಿಂದುಗಳು ಹೊಸ ವರ್ಷದ ಈ ದಿನವನ್ನು ತಪ್ಪದೇ ಆಚರಿಸುತ್ತಾರೆ.

ಯುಗಾದಿ ದಿನದಂದು ಪ್ರತಿಯಬ್ಬ ಹಿಂದುಗಳ ಮನೆಯಲ್ಲಿ ಹಬ್ಬದೂಟ, ಸಡಗರ ಮನೆಮಾಡಿರುತ್ತದೆ. ಜೊತೆಗೆ, ಬಾಳಿನಲ್ಲಿ ಬರುವ ಸಿಹಿ-ಕಹಿಗೆ ಹೋಲಿಕೆಯೆಂಬಂತೆ, ಬೇವು-ಬೆಲ್ಲವನ್ನು ತಿಂದು ಬಾಳಿನಲ್ಲಿ ಬರಬಹುದಾದ ಸಿಹಿ-ಕಹಿ ಘಟನೆಗಳನ್ನು ಸಮಚಿತ್ತದಿಂದ ಸ್ವೀಕರಿಸಬೇಕು ಎಂಬ ಸಂದೇಶ ನೀಡುತ್ತದೆ ಯುಗಾದಿ.

ಸಿನಿಮಾದಲ್ಲೂ ಸಾಕಷ್ಟು ಯುಗಾದಿ ಹಾಡುಗಳು ಬಂದಿವೆ. ಕುಲವಧು ಚಿತ್ರಕ್ಕಾಗಿ ಖ್ಯಾತ ಗಾಯಕಿ ಎಸ್ ಜಾನಕಿ ಅವರು ಹಾಡಿರುವ 'ಯುಗಾದಿ ಯುಗಾದಿ ಕಳೆದರೂ ಯುಗಾದಿ ಮರಳಿ ಬರುತಿದೆ.." ಎಂಬ ಹಾಡನ್ನಂತೂ ಕೇಳದವರಲ್ಲ. ಪ್ರತಿ ವರ್ಷ ಬರುವ ಯುಗಾದಿ ದಿನವಂತೂ ಈ ಹಾಡನ್ನು ಒಂದಲ್ಲ ಒಂದು ಕಡೆ ಕೇಳುವುದು ಗ್ಯಾರಂಟಿ ಎಂಬಷ್ಟರ ಮಟ್ಟಿಗೆ ಈ ಹಾಡು ಚಿರಪರಿಚಿತ ಹಾಗೂ ಅಜರಾಮರ.

ಕುಲವಧು ಹಾಡಿನ ಜೊತೆಗೆ, ಯುಗಾದಿಗೆ ಸಂಬಂಧಪಟ್ಟು ಅಥವಾ ಸಿನಿಮಾದಲ್ಲಿ ಯುಗಾದಿಯ ಸನ್ನಿವೇಶಗಳಲ್ಲಿ ಬಂದು ಹಾಡುಗಳನ್ನು ನಿಮಗಾಗಿ ಇಲ್ಲಿ ವೀಡಿಯೋ ಲಿಂಕ್ ಜೊತೆ ನೀಡಲಾಗಿದೆ. ಕೇಳಿ ಆನಂದಿಸಿ...


1. ಯುಗ ಯುಗಾದಿ ಕಳೆದರೂ ಯುಗಾದಿ ಮರಳಿ ಬರುತಿದೆ.

ಚಿತ್ರ: ಕುಲವಧು ಗಾಯಕಿ: ಎಸ್ ಜಾನಕಿ

2. ಜೇನಿನ ಗೂಡು ನಾವೆಲ್ಲ.. ಬೇರೆಯಾದರೆ ಜೀನಿಲ್ಲ..

ಚಿತ್ರ: ಹಬ್ಬ ಗಾಯಕರು: ಎಸ್‌ಪಿ ಬಾಲಸುಬ್ರಮಣ್ಯಂ, ಚಿತ್ರಾ

3. ಎಲ್ಲೆಲ್ಲೂ ಹಬ್ಬ ಹಬ್ಬ ಬಂತು ಯುಗಾದಿ ಹಬ್ಬ

ಚಿತ್ರ: ರಿಷಿ ಗಾಯಕರು: ಸೋನು ನಿಗಮ್, ಚಿತ್ರಾ