ನಟ ವಿಶಾಲ್ ಹೆಗ್ಗಣ ಇದ್ದಂತೆ: ನಿರ್ದೇಶಕ ಭಾರತಿರಾಜ

ಕಾಲಿವುಡ್‍ನ ಹಿರಿಯ ನಿರ್ದೇಶಕ ಭಾರತಿರಾಜ ಮತ್ತು ನಟ ವಿಶಾಲ್ ನಡುವೆ ತೀವ್ರ ವಾಕ್ಸಮರ ನಡೆದಿದ್ದು ತಮಿಳು ಚಿತ್ರೋದ್ಯಮದಲ್ಲಿ ವಿವಾದಕ್ಕೆ ಕಾರಣವಾಗಿದೆ. ನಿರ್ಮಾಪಕರ ಸಂಘದಲ್ಲಿ ಅಧ್ಯಕ್ಷನಾಗಿ ವಿಶಾಲ್‌ರಂತಹ ಹೆಗ್ಗಣ ನುಗ್ಗಿದೆ, ಅದನ್ನು ಒದ್ದು ಓಡಿಸಬೇಕು ಎಂದಿದ್ದಾರೆ ಭಾರತಿರಾಜ.

ಸಂಘದಲ್ಲಿ ಬೆಳೆದಿರುವ ಕಳೆಯನ್ನು ಕೀಳಬೇಕಾದ ಜವಾಬ್ದಾರಿ ನಮ್ಮೆಲ್ಲರ ಮೇಲಿದೆ. ನಿರ್ಮಾಪಕರ ಮಂಡಳಿಯಲ್ಲಿ ಸೇರಿಕೊಂಡಿರುವ ಕ್ರಿಮಿಗಳನ್ನು ತೊಲಗಿಸುವ ಜವಾಬ್ದಾರಿ ನಮ್ಮೆಲ್ಲರ ಮೇಲಿದೆ ಎಂದು ವಿಶಾಲ್ ಮೇಲೆ ಫೈರ್ ಆಗಿದ್ದಾರೆ.

ನಡಿಗರ್ ಸಂಘವನ್ನು ತಮಿಳೇತರು ಮುನ್ನಡೆಸುತ್ತಿರುವುದು ನೋವಿನ ಸಂಗತಿ. ನಡಿಗರ್ ಸಂಘಕ್ಕೆ ನಡೆಯಲಿರುವ ಚುನಾವಣೆಯಲ್ಲಿ ಭಾಗ್ಯರಾಜಾ ತಂಡವನ್ನು ಗೆಲ್ಲಿಸುವ ಮೂಲಕ ತಮಿಳು ನಟರ ಉಪಸ್ಥಿತಿಯನ್ನು ರಕ್ಷಿಸಿಕೊಳ್ಳುವ ಅವಕಾಶ ಇದೆ. ಭಾಗ್ಯರಾಜ್ ಗೆದ್ದ ಕೂಡಲೆ ದಕ್ಷಿಣದ ನಟಿನಟರ ಸಂಘವನ್ನು ತಮಿಳು ನಟರ ಸಂಘವಾಗಿ ಬದಲಾಯಿಸಬೇಕು ಎಂದಿದ್ದಾರೆ.

ನಡಿಗರ್ ಸಂಘವನ್ನು ತಮಿಳು ನಟರ ಸಂಘವಾಗಿ ಬದಲಾಯಿಸುವುದೇ ನನ್ನ ಧ್ಯೇಯ ಎಂದು ಭಾರತೀರಾಜ ಹೇಳಿರುವುದು ತಮಿಳು ಚಿತ್ರೋದ್ಯಮದಲ್ಲಿ ಕಲ್ಲೋಲ ಸೃಷ್ಟಿಸಿದೆ. ಶೀಘ್ರದಲ್ಲೇ ನಡಿಗರ್ ಸಂಘದ ಚುನಾವಣೆ ನಡೆಯಲಿದ್ದು ಈ ಹಿನ್ನೆಲೆಯಲ್ಲಿ ಭಾರತಿರಾಜ ಹೇಳಿಕೆ ತೀವ್ರ ಚರ್ಚೆಗೆ ಗ್ರಾಸವಾಗಿದೆ.