ಸಿಂಪಲ್‌ ಹುಡುಗಿಯಾದ ಭಾವನಾ

ಬಹುಭಾಷಾ ನಟಿ ಭಾವನಾ ಮೆನನ್‌ ಸದ್ಯ ಗಣೇಶ್‌ ನಟನೆಯ 99 ಸಿನಿಮಾದಲ್ಲಿ ನಾಯಕಿಯಾಗಿದ್ದು ಆ ಸಿನಿಮಾದಲ್ಲಿ ಅವರ ಲುಕ್‌ ಹೇಗಿರುತ್ತದೆ ಎಂದು ರಿವೀಲ್‌ ಆಗಿದೆ.

ಕಳೆದ ವರ್ಷ ವಿವಾಹವಾದ ಭಾವನಾ ತದನಂತರೂ ಸಿನಿಮಾಗಳಲ್ಲಿ ತೊಡಗಿಸಿಕೊಂಡಿದ್ದಾರೆ. 99ನಲ್ಲಿ ಭಾವನ ಸಿಂಪಲ್‌ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ.ಈ ಲುಕ್‌ಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ.

ತಮಿಳಿನ ಸೂಪರ್‌ ಹಿಟ್‌ ಮೂವಿ 96 ಚಿತ್ರದ ರಿಮೇಕ್‌ ಆಗಿರುವ 99 ನ್ನು ಪ್ರೀತಂ ಗುಬ್ಬಿ ಡೈರೆಕ್ಟ್ ಮಾಡುತ್ತಿದ್ದಾರೆ. ತಮಿಳಿನಲ್ಲಿ ತ್ರಿಷಾ ಕಾಣಿಸಿಕೊಂಡಿದ್ದ ಪಾತ್ರದಲ್ಲಿ ಭಾವನಾ ಕಾಣಿಸಿಕೊಳ್ಳುತ್ತಿದ್ದಾರೆ. ಕಪ್ಪುಬಣ್ಣದ ಕುರ್ತಾ ಹಾಗೂ ಅದಕ್ಕೆ ತಕ್ಕಂತಹ ನೀಲಿ ಬಣ್ಣದ ಸ್ಟೋಲ್‌ಧರಿಸಿ, ಫ್ರೀ ಹೇರ್‌ ಬಿಟ್ಟಿದ್ದಾರೆ. ಇಡೀ ಸಿನಿಮಾ ತುಂಬ ಇದೇ ರೀತಿಯ ಕಾಸ್ಟ್ಯೂಮ್‌ನಲ್ಲಿ ಅವರು ಕಾಣಿಸಿಕೊಳ್ಳಲಿದ್ದಾರಂತೆ. ಸಿನಿಮಾದ ಚಿತ್ರೀಕರಣವನ್ನು ಮಂಗಳೂರು, ಪುತ್ತೂರು ಸುತ್ತಮುತ್ತ ಮಾಡಲಾಗುತ್ತಿದೆ.