ಕೆಲ ದಿನಗಳವರೆಗೂ ಪ್ರತಿಯೊಂದಕ್ಕೂ ಕ್ಯಾತೆ ತೆಗೆಯುತ್ತಿದ್ದ ಕೇಂದ್ರ ಸೆನ್ಸಾರ್‌ ಮಂಡಳಿ, ಜೂಲಿ -2 ಚಿತ್ರದ ವಿಷಯದಲ್ಲೇ ಮಾತ್ರ ಜಾಣ ಕುರುಡುತನ ತೋರಿಸಿದೆ ಎಂಬ ಆರೋಪ ಕೇಳಿ ಬಂದಿದೆ.
ಈಗಾಗಲೇ ಟ್ರೇಲರ್‌ ಮತು ಟೀಸರ್‌ಗಳಿಂದಲೇ ಪಡ್ಡೆಗಳ ನಿದ್ದೆ ಕೆಡಿಸಿದ್ದ ಈ ಚಿತ್ರದಲ್ಲಿ ನಟಿ ರಾಯ್‌ ಲಕ್ಷ್ಮೇ ಲೀಡ್‌ ರೋಲ್‌ನಲ್ಲಿ ನಟಿಸಿದ್ದಾರೆ. ಕೆಲವು ದಿನಗಳವರೆಗೂ ಸೆನ್ಸಾರ್‌ ಮಂಗಳಿ ಅಧ್ಯಕ್ಷರಾಗಿದ್ದ ಪಹ್ಲೇಜ್‌ ನಿಹ್ಲಾನಿ ಈ ಚಿತ್ರದ ವಿತರಣೆ ಹಕ್ಕು ಖರೀದಿಸಿದ್ದಾರೆ.
ಜೂಲಿ-2 ಚಿತ್ರದ ಮೇಲೆ ಸೆನ್ಸಾರ್‌ ತೋರಿಸಿರುವ ಔದಾರ್ಯಕ್ಕೂ ನಿಹ್ಲಾನಿಗೂ ಸಂಬಂಧವಿದೆಯಾ ಎಂಬ ಅನುಮಾನವೂ ಬಾಲಿವುಡ್‌ನಲ್ಲಿ ದಟ್ಟವಾಗಿದೆ. ಉಡ್ತಾ ಪಂಜಾಬ್‌ ಸೇರಿದಂತೆ ಅನೇಕ ಚಿತ್ರಗಳಿಗೆ ಪ್ರತಿ ಸಣ್ಣ ವಿಷಯಕ್ಕೂ ಕಟ್‌ಗಳನ್ನು ಹೇಳಿ ಚಿತ್ರಹಿಂಸೆ ನೀಡಿದ್ದ ಸೆನ್ಸಾರ್‌ ಮಂಡಳಿ, ಬಹುತೇಕ ಆಕ್ಷೇಪಾರ್ಹ ದೃಶ್ಯಗಳೇ ತುಂಬಿಹೋಗಿರುವ ಜೂಲಿ-2 ವಿಷಯದಲ್ಲಿ ಜಾಣಮೌನ ತಾಳಿದೆ ಎಂದು ಗೊತ್ತಾಗಿದೆ.
ಸೆನ್ಸಾರ್‌ ಮಂಡಳಿಯ ಹೊಸ ಅಧ್ಯಕ್ಷ ಪ್ರಸೂನ್‌ ಜೋಶಿ ಕೂಡ ನಿಹ್ಲಾನಿಯಂತೆ ಆರಂಭದಲ್ಲಿ ಹೇಳಿಕೆಗಳನ್ನು ನೀಡಿದ್ದರು. ಹೀಗಾಗಿ ಅಡಲ್ಟ್‌ ಚಿತ್ರಗಳಿಗೆ ಮುಂದೆ ಕಷ್ಟ ಎಂಬ ಭಾವನೆ ಮೂಡಿತ್ತು. ಆದರೆ ಟೂ ಫೀಸ್‌, ಮದ್ಯ ಹಾಗೂ ಸಿಗರೇಟ್‌ ಸೇವನೆಯಂಥ ದೃಶ್ಯಗಳಿರುವ ಈ ಚಿತ್ರಕ್ಕೆ ಸಿಂಗಲ್‌ ಕಟ್‌ ಕೂಡಾ ಹೇಳದೆ ಎ ಸರ್ಟಿಫಿಕೆಟ್‌ ನೀಡಿರುವುದು ಅನೇಕರಿಗೆ ಶಾಕ್‌ ಉಂಟು ಮಾಡಿದೆ.