ಬ್ಯಾಡ್ ಬಾಯ್ ಆಗಿ ರ‍್ಯಾಪ್ ಪ್ರಿಯರ ಮುಂದೆ ಬಂದ ಚಂದನ್ ಶೆಟ್ಟಿ

ಕನ್ನಡ ರ‍್ಯಾಪರ್ ಚಂದನ್‌ ಶೆಟ್ಟಿ ಈಗ ಬ್ಯಾಡ್‌ಬಾಯ್‌ ಆಗಿದ್ದೇನೆಂದು ಸ್ವತಃ ಅವರೇ ಹೇಳಿಕೊಂಡಿದ್ದಾರೆ. ಹೌದು, 'ನಾನೇ ಬ್ಯಾಡ್‌ ಬಾಯ್‌' ಎನ್ನುವ ರ‍್ಯಾಪ್‌ ಹಾಡಿನ ಟೀಸರ್‌ ಸೋಷಿಯಲ್‌ ಮೀಡಿಯಾದಲ್ಲಿ ಭಾರೀ ಸದ್ದು ಮಾಡುತ್ತಿದೆ. ಅದನ್ನು ಯುವಜನತೆ ಅಷ್ಟೇ ಖುಷಿಯಿಂದ ನೋಡಿದ್ದಾರೆ.

ಕನ್ನಡದಲ್ಲಿ ರ‍್ಯಾಪ್ ಸಾಂಗಿನ ಮೂಲಕ ಹವಾ ಎಬ್ಬಿಸಿದ ಚಂದನ್‌ ಶೆಟ್ಟಿ, ಈ ಹಾಡನ್ನು ತಾವೇ ರಚಿಸಿ, ಹಾಡಿ, ನಟಿಸಿ, ನಿರ್ದೇಶಿಸಿದ್ದಾರೆ. ಈ ಹಾಡು ಇಂದಿನ ಯುವಜನತೆಗೆ ಅನೇಕ ಸಂದೇಶಗಳನ್ನು ಅವರೇ ಆದ ಫಂಕಿ ಶೈಲಿಯಲ್ಲಿ ಹೇಳಲು ಹೊರಟಿದ್ದಾರೆ ರ‍್ಯಾಪರ್ ಚಂದನ್‌ಶೆಟ್ಟಿ. ಚಂದನ್‌ ಶೆಟ್ಟಿ ಮೆಲುಕು ಹಾಕಿದ 5 ಸ್ವಾರಸ್ಯಕರ ಘಟನೆಗಳು


ಟೀಸರ್‌ ತುಣುಕೊಂಡು ಈಗ ಬಿಡುಗಡೆ ಮಾಡಿದ್ದು, ಪೂರ್ತಿ ಹಾಡನ್ನು ನೋಡಲು ಅಭಿಮಾನಿಗಳು ಕೆಲವು ದಿನ ಕಾಯಬೇಕೆಂದು ಹೇಳಿಕೊಂಡಿದ್ದಾರೆ ಚಂದನ್‌. ವಿಶೇಷ ಎಂದರೆ ಚಂದನ್ ಶೆಟ್ಟಿ ಹುಟ್ಟುಹಬ್ಬದ ದಿನ ಸೆಪ್ಟೆಂಬರ್ 17ರಂದು ಟೀಸರ್ ಬಿಡುಗಡೆಯಾಗಿದೆ. ಈ ಮೂಲಕ ಅಭಿಮಾನಿಗಳಿಗೆ ಟ್ರೀಟ್ ನೀಡಿದ್ದಾರೆ.

ಟೀಸರ್ ನೋಡಿದ ಸಿನಿಮಾ ಆಸಕ್ತರು ಹಲವಾರು ಕಾಮೆಂಟ್‌ಗಳನ್ನು ಹಾಕಿದ್ದಾರೆ. "ನೀವು ಬ್ಯಾಡ್ ಬಾಯ್ ಅಲ್ಲ ಬರ್ತ್ ಡೇ ಬಾಯ್, ಉಪ್ಪಿಗಿಂತ ರುಚಿ ಬೇರೆ ಇಲ್ಲ, ಚಂದನ್ ಶೆಟ್ಟಿಗಿಂತ ಕಿಕ್ ರ‍್ಯಾಪ್ ಬೇರೆ ಇಲ್ಲ, ಬೆಂಕಿ" ಎಂದಿದ್ದಾರೆ.

ಟೀಸರ್ ಬಿಡುಗಡೆಯಾದ ಒಂದೇ ದಿನದಲ್ಲಿ 1.40 ಲಕ್ಷಕ್ಕೂ ಅಧಿಕ ವೀಕ್ಷಣೆ ಪಡೆದಿದೆ. ಕಾಮೆಂಟ್‌ಗಳು 270ಕ್ಕೂ ಹೆಚ್ಚು ಹರಿದುಬಂದಿವೆ. ಲೈಕ್ಸ್ ಒಂಬತ್ತು ಸಾವಿರ ಮೀರಿದೆ. ಒಟ್ಟಾರೆ ರ‍್ಯಾಪ್ ಪ್ರೇಮಿಗಳ ಅಭಿರುಚಿಗೆ ತಕ್ಕಂತೆ ಹಾಡು ಇರಲಿದೆ ಎಂಬ ಸೂಚನೆಯನ್ನು ಈ ಟೀಸರ್ ಮೂಲಕ ಚಂದನ್ ಶೆಟ್ಟಿ ರವಾನಿಸಿದ್ದಾರೆ.