ಮಕ್ಕಳ ಮನಸ್ಸನ್ನು ಹೇಳುವ ಮನ್‌ತ್ರಿ

ಮಕ್ಕಳು ಹಾದಿ ತಪ್ಪಲು ಯಾರು ಕಾರಣ ಎಂಬ ಪ್ರಶ್ನೆ ಸದಾ ಎಲ್ಲರನ್ನು ಕಾಡುತ್ತಿರುತ್ತದೆ. ಇಂಥದ್ದೊಂದು ಪ್ರಶ್ನೆಯನ್ನು ಇಟ್ಟುಕೊಂಡು ಕತೆ ಬರೆದ ಅಶೋಕ್‌ ಮನ್‌ತ್ರಿಯಲ್ಲಿ ಉತ್ತರ ಹುಡುಕುವ ಪ್ರಯತ್ನಕ್ಕೆ ಕೈ ಹಾಕಿದ್ದಾರೆ.

ಮೂವರು ಮಕ್ಕಳ ಬದುಕಿನ ಕತೆ ಹೇಳುವ ಚಿತ್ರ ಮನ್‌ತ್ರಿ ಸೆಟ್ಟೇರಿದೆ. ಹಲವು ವರ್ಷಗಳಿಂದ ಕನ್ನಡ ಚಿತ್ರರಂಗದಲ್ಲಿ ಸಹ ನಿರ್ದೇಶಕರಾಗಿ ಜನಪ್ರಿಯ ನಿರ್ದೇಶಕರ ಜತೆ ಕೆಲಸ ಮಾಡಿರುವ ಅನುಭವ ಇರುವ ಅಶೋಕ್‌ ಸಾಮ್ರಾಟ್‌ ಮಕ್ಕಳ ಸಿನಿಮಾ ಮೂಲಕ ಸ್ವತಂತ್ರ ನಿರ್ದೇಶಕರಾಗಲು ಮುಂದಾಗಿದ್ದಾರೆ.

ಮಕ್ಕಳ ಪಾತ್ರಕ್ಕೆ ಸಹಜತೆ ಬರಲಿ ಎಂಬ ಕಾರಣಕ್ಕೆ ನಿರ್ದೇಶಕರು ಅನಾಥಾಲಯದ ಮಕ್ಕಳನ್ನೇ ಪಾತ್ರಗಳಿಗೆ ಆಯ್ಕೆ ಮಾಡಿಕೊಂಡಿರುವುದು ವಿಶೇಷ. ಶಿವಮೊಗ್ಗದ ಮಕ್ಕಳ ಅನಾಥಾಶ್ರಮ 'ತಾಯಿಮನೆ'ಯಿಂದ ಆಕಾಶ್‌ ಎಂಬ ಬಾಲಕ ಪ್ರಮುಖ ಪಾತ್ರದಲ್ಲಿ ನಟಿಸಲಿದ್ದಾರೆ. ಕತೆ, ಚಿತ್ರಕತೆ ಬರೆದಿದ್ದಾರೆ ಅಶೋಕ್‌.