'ಸೈ ರಾ ನರಸಿಂಹ ರೆಡ್ಡಿ' ಚಿತ್ರಕ್ಕಾಗಿ ಅಪ್ಪ-ಮಗನ ಮಧ್ಯೆಯೇ ನಡೆದಿದೆಯಂತೆ ದುಡ್ಡಿನ ವ್ಯವಹಾರ!

'ಮೆಗಾ ಸ್ಟಾರ್' ಚಿರಂಜೀವಿ ನಟನೆಯ 'ಸೈ ರಾ ನರಸಿಂಹ ರೆಡ್ಡಿ' ಚಿತ್ರವು ಬಾಕ್ಸಾಫೀಸಿನಲ್ಲಿ ಭರ್ಜರಿ ಕಮಾಯಿ ಮಾಡುತ್ತಿದೆ. ಎರಡೇ ದಿನಕ್ಕೆ ನೂರು ಕೋಟಿ ಕ್ಲಬ್‌ ಸೇರಿಕೊಂಡಿದೆ ಈ ಸಿನಿಮಾ. ನರಸಿಂಹ ರೆಡ್ಡಿಯಲ್ಲಿ ಪಾತ್ರದಲ್ಲಿ ಚಿರಂಜೀವಿ ನಟಿಸಿದ್ದರೆ, ಅವರ ಪುತ್ರ, ನಟ ರಾಮ್‌ ಚರಣ್ ಈ ಚಿತ್ರವನ್ನು 250 ಕೋಟಿ ರೂ. ಬಜೆಟ್ನಲ್ಲಿ ನಿರ್ಮಾಣ ಮಾಡಿದ್ದಾರೆ. ಅಚ್ಚರಿ ಎಂದರೆ, ಈ ಚಿತ್ರದಲ್ಲಿ ನಟಿಸಿದ್ದಕ್ಕಾಗಿ ಅತಿ ಹೆಚ್ಚಿನ ಸಂಭಾವನೆನ್ನು ಚಿರುಗೆ ನೀಡಲಾಗಿದೆಯಂತೆ!
'ಸೈ ರಾ ನರಸಿಂಹ ರೆಡ್ಡಿ'ಯಲ್ಲಿ ಸುದೀಪ್‌ ಜತೆಗೆ ಮಿಂಚಿದ್ದಾರೆ ಇನ್ನೂ ಇಬ್ಬರು ಕನ್ನಡದ ಕಲಾವಿದರು!

ಇದೇನು ಪುತ್ರ ನಿರ್ಮಿಸಿದ ಚಿತ್ರದಲ್ಲೇ ಚಿರು ಸಂಭಾವನೆ ಪಡೆದರೇ? ಅಚ್ಚರಿ ಎನಿಸಿದರೂ ಇದು ಸತ್ಯ ಎಂಬ ಮಾತು ಟಾಲಿವುಡ್ ಅಂಗಳದಲ್ಲಿ ಕೇಳಿಬಂದಿದೆ. ಚಿತ್ರೀಕರಣ ಆರಂಭಕ್ಕೂ ಮುನ್ನ ಬಜೆಟ್ ಪ್ಲಾನ್ ಮಾಡಲಾಗುತ್ತದೆ. ಅದರಲ್ಲಿ ಯಾರು ಯಾರಿಗೆ ಎಷ್ಟೆಷ್ಟು ಸಂಭಾವನೆ? ಯಾವುದಕ್ಕೆ ಎಷ್ಟು ಖರ್ಚು ಮಾಡಬೇಕು ಎಂದೆಲ್ಲ ಮೊದಲೇ ಅಂಕಿಅಂಶ ಸಿದ್ಧಪಡಿಸಬೇಕಾಗುತ್ತದೆ. ಆಗ ಚಿರು ಪಾಲಿನ ಸಂಭಾವನೆಯನ್ನೂ ನಿಗದಿ ಮಾಡಲಾಗಿದೆಯಂತೆ!
ಕನ್ನಡ ಸಿನಿಮಾಗಳಿಗೆ ಭಾರೀ ಪೆಟ್ಟು ನೀಡಿದ ಸೈ ರಾ ನರಸಿಂಹ ರೆಡ್ಡಿ ಸಿನಿಮಾ!! ಯಾಕೆ?

ಚಿರುಗೆ ಸಿಕ್ಕಿದೆ ಅತೀ ಹೆಚ್ಚಿನ ಸಂಭಾವನೆ

'ಸೈ ರಾ..' ಚಿತ್ರವು ಬಹುತಾರಾಗಣದಿಂದ ಕೂಡಿದ್ದು, ಎಲ್ಲ ಕಲಾವಿದರಿಗಿಂತಲೂ ಚಿರುಗೆ ಹೆಚ್ಚಿನ ಹಣವನ್ನು ಬಜೆಟ್ನಲ್ಲಿ ಮೀಸಲು ಇಡಲಾಗಿತ್ತಂತೆ. ಅಂದಾಜು 40 ಕೋಟಿ ರೂ. ಹಣವನ್ನು ಚಿರುಗೆ ಸಂಭಾವನೆ ರೂಪದಲ್ಲಿ ನೀಡಲಾಗಿದೆ ಎಂಬ ಮಾತಿದೆ. ಈ ರೀತಿಯ ಚರ್ಚೆ ಕೇಳಿಬಂದಿದ್ದೇ ತಡ, 'ಇದೇನಪ್ಪಾ?! ಮಗ ನಿರ್ಮಿಸಿದ ಸಿನಿಮಾದಲ್ಲೂ ಚಿರುಗೆ ಸಂಭಾವನೆ ನೀಡಲಾಗಿದೆಯೇ' ಎಂದು ಅಭಿಮಾನಿಗಳು ಪ್ರಶ್ನೆ ಮಾಡುತ್ತಿದ್ದಾರೆ.
'ಸೈ ರಾ ನರಸಿಂಹ ರೆಡ್ಡಿ' ಚಿತ್ರದಲ್ಲಿ ಸುದೀಪ್ ಅಭಿನಯ ಕಂಡು ಪ್ರೇಕ್ಷಕರು ಶಾಕ್‌!

ಇನ್ನು, 'ಸೈ ರಾ..' ಚಿತ್ರವು ಆಂಧ್ರ ಪ್ರದೇಶ ಮತ್ತು ತೆಲಂಗಾಣದಲ್ಲಿ ಭರ್ಜರಿ ಪ್ರದರ್ಶನ ಮುಂದುವರಿಸಿದೆ. ಆದರೆ, ಹಿಂದಿ ವರ್ಷನ್ಗೆ ಅಂಥ ಹೇಳಿಕೊಳ್ಳುವಂತಹ ಪ್ರತಿಕ್ರಿಯೆ ಸಿಕ್ಕಿಲ್ಲ. ಮೊದಲ ದಿನ ಬರೀ 2.60 ಕೋಟಿ ರೂ. ಈ ಹಿಂದೆ ತೆರೆಕಂಡಿದ್ದ 'ಸಾಹೋ' ಚಿತ್ರವು ಮೊದಲ ದಿನ 24 ಕೋಟಿ ರೂ.ಗಳಿಗೂ ಅಧಿಕ ಗಳಿಸಿತ್ತು.