ಬೆಂಗಳೂರಿನಲ್ಲಿ ಚಿರಂಜೀವಿ ಮಗಳ ಮದುವೆ

ಬೆಂಗಳೂರು: ತೆಲುಗಿನ ಸೂಪರ್ ಸ್ಟಾರ್, ರಾಜಕಾರಣಿ ಚಿರಂಜೀವಿಯವರ ಚಿಕ್ಕ ಮಗಳು ಶ್ರೀಜಾ ವಿವಾಹ ನಿಶ್ಚಯವಾಗಿದ್ದು, ಈ ಸಮಾರಂಭವನ್ನು ರಾಜಸ್ಥಾನದಲ್ಲಿ ಮಾಡುವ ಬದಲು ಬೆಂಗಳೂರಿನಲ್ಲಿ ನೆರವೇರಿಸಲು ಕುಟುಂಬ ನಿರ್ಧರಿಸಿದೆ.

ಶ್ರಿಜಾ ಮದುವೆಯನ್ನು ಎಲ್ಲಿ ಮಾಡುವರೆಂಬ ಕುತೂಹಲ ಎಲ್ಲರಲ್ಲಿತ್ತು. ಈ ಮೊದಲು ಜೈಪುರ ಅಥವಾ ಉದಯಪುರನಲ್ಲಿ ನಡೆಯಲಿದೆ ಎಂದೂ ಸುದ್ದಿಯಾಗಿತ್ತು. ವಿವಾಹ ಮಾರ್ಚ್ 28ರಂದು ನಡೆಯಲಿದೆ.

ರಾಜಸ್ಥಾನದಲ್ಲಿ ತಾಪಮಾನ ವಿಪರೀತ ಏರಿದೆ. ಇದು ವಿವಾಹದ ಸ್ಥಳ ಬದಲಾವಣೆಗೆ ಮುಖ್ಯ ಕಾರಣ ಎನ್ನಲಾಗಿದೆ. ಚಿರಂಜೀವಿ ಮತ್ತು ಪುತ್ರ ರಾಮ್ ಚರಣ್ ಬೆಂಗಳೂರು ಸಮೀಪ ದೇವನಹಳ್ಳಿಯಲ್ಲಿರುವ ಫಾರ್ಮ್ ಹೌಸ್‌ನಲ್ಲಿ ಮದುವೆ ಸಮಾರಂಭ ನಡೆಸಲು ನಿರ್ಧರಿಸಿದ್ದಾರೆ. ಈ ಶುಭಕಾರ್ಯದಲ್ಲಿ ಎರಡೂ ಕುಟುಂಬಗಳ ಸದಸ್ಯರ ಜತೆ ಕೆಲ ಆಪ್ತರು ಮಾತ್ರ ಭಾಗಿಯಾಗಲಿದ್ದಾರೆ.