ಟೋಪಿ ಇಲ್ಲದಂತೆ ಪತ್ನಿ ಜತೆಗೆ ಸ್ಟೆಪ್ ಹಾಕಿದ ರವಿಚಂದ್ರನ್!

ಕ್ರೇಜಿಸ್ಟಾರ್ ರವಿಚಂದ್ರನ್ ಅವರನ್ನು ಟೋಪಿ ಇಲ್ಲದಂತೆ ರೀಲ್‌ನಲ್ಲಷ್ಟೇ ನೋಡಬಹುದು. ಆದರೆ ರಿಯಲ್ ಲೈಫ್‌ನಲ್ಲಿ ಟೋಪಿ ಅವರ ಪಾಲಿಗೆ ಟ್ರೇಡ್‌ಮಾರ್ಕ್ ನಂತಿರುತ್ತದೆ. ಆ ಟೋಪಿ ಅವರಿಗೆ ಭೂಷಣಪ್ರಾಯ. ಇದೀಗ ರವಿಚಂದ್ರನ್ ಮನೆಯಲ್ಲಿ ಮಗಳ ಮದುವೆ ಸಂಭ್ರಮ ಆರಂಭವಾಗಿದೆ.

ಬೆಂಗಳೂರು ಅರಮನೆ ಆವರಣದಲ್ಲಿ ಬುಧವಾರ ಆರತಕ್ಷತೆ ಕಾರ್ಯಕ್ರಮ ನಡೆಯಲಿದ್ದು ಮೇ.29ರಂದು ಗಟ್ಟಿಮೇಳ. ಮದುವೆಯ ಅರಿಸಿನ ಶಾಸ್ತ್ರ ನೆರವೇರಿತು. ರೇಶ್ಮೆ ಬಟ್ಟೆಗಳಲ್ಲಿ ರವಿಚಂದ್ರನ್ ಕಾಣಿಸಿಕೊಂಡಿದ್ದಾರೆ. ಇದರ ಜತೆಗೆ ಪತ್ನಿ ಸುಮತಿ ಜತೆಗೆ ಸ್ಟೆಪ್ ಹಾಕಿರುವ ವೀಡಿಯೋ ಒಂದು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದೆ.

ಈ ವೀಡಿಯೋದಲ್ಲಿ ಪತ್ನಿ ಜತೆಗೆ ಸ್ಟೆಪ್ ಹಾಕಿರುವ ರವಿಚಂದ್ರನ್ ಟೋಪಿ ಇಲ್ಲದಂತೆ ಕಾಣಿಸಿಕೊಂಡಿದ್ದಾರೆ. ಈ ವೀಡಿಯೋದಲ್ಲಿ ರವಿಚಂದ್ರನ್ ಪುತ್ರರು, ಬಂಧು ಬಳಗ ಸಹ ಸಂಭ್ರಮದಿಂದ ಕುಣಿದಿದ್ದಾರೆ.

ಗೀತಾಂಜಲಿ ಮದುವೆಗೆ ಗಾಜಿನ ವಿನ್ಯಾಸದಲ್ಲಿ ಮದುವೆ ಮಂಟಪವನ್ನು ರೆಡಿ ಮಾಡಲಾಗುತ್ತಿದೆ. ರವಿಚಂದ್ರನ್ ಅವರಿಗೆ ಹೂವುಗಳೆಂದರೆ ಭಾರೀ ಇಷ್ಟ. ಆದರೆ, ಹೂವಿನ ಬದಲು ಗಾಜಿನ ವಿನ್ಯಾಸದಲ್ಲಿ ಮದುವೆ ಮಂಟಪ ಸಿದ್ಧಗೊಳಿಸಲಾಗುತ್ತಿದೆ. ಇದೂ ಸಹ ರವಿಚಂದ್ರನ್ ಮಾಡಿರುವ ಬದಲಾವಣೆಯೇ! ಏಕೆಂದರೆ ಅವರ ಹೆಸರೇ ಕನಸುಗಾರ ಎಂದಿರುವುದರಿಂದ ಅವರು ಹೊಸ ಹೊಸ ಕಲ್ಪನೆ ಮೂಲಕ ಕನಸು ಕಾಣುವುದು ಸಹಜ ತಾನೇ?