ಎರಡು ತಿಂಗಳು ಕಾಲ ಶೂಟಿಂಗ್‌ಗೆ ರವಿಚಂದ್ರನ್ ಬ್ರೇಕಪ್

ಎರಡು ತಿಂಗಳು ಕಾಲ ಶೂಟಿಂಗ್‌ಗೆ ಬ್ರೇಕ್‌ ಆಗಿ ಪುತ್ರಿ ಗೀತಾಂಜಲಿ ಅವರ ಮದುವೆ ಕಾರ‍್ಯದಲ್ಲಿ ಬಿಝಿ ಆಗಿದ್ದಾರೆ ಕ್ರೇಜಿಸ್ಟಾರ್‌ ರವಿಚಂದ್ರನ್‌. ಮೇ.29ರಂದು ಗೀತಾಂಜಲಿ ಅವರ ಮದುವೆ ಬೆಂಗಳೂರಿನ ಅರಮನೆ ಮೈದಾನದಲ್ಲಿ ನಡೆಯಲಿದ್ದು, ಈ ವಿವಾಹ ಮುಹೋತ್ಸವಕ್ಕೆ ದಕ್ಷಿಣ ಭಾರತದ ಬಹುತೇಕ ತಾರೆಯರು ಮತ್ತು ಬಾಲಿವುಡ್‌ನ ಕೆಲ ತಾರೆಯರು ಆಗಮಿಸುತ್ತಿದ್ದಾರೆ. ಸದ್ಯ ಕ್ರೇಜಿಸ್ಟಾರ್‌ ದಂಪತಿ ಸಿಲಿಬ್ರೆಟಿಗಳಿಗೆ ಮದುವೆ ಆಮಂತ್ರಣ ಹಂಚುವುದರಲ್ಲಿ ಬಿಝಿ ಆಗಿದ್ದಾರೆ.

ಶಿವರಾಜ್‌ಕುಮಾರ್‌, ದರ್ಶನ್‌, ಸುದೀಪ್‌, ಪುನೀತ್‌ ರಾಜ್‌ಕುಮಾರ್‌, ಜಗ್ಗೇಶ್‌, ಗಣೇಶ್‌, ಅಮೂಲ್ಯ ಸೇರಿದಂತೆ ಸ್ಯಾಂಡಲ್‌ವುಡ್‌ನ ಬಹುತೇಕ ಕಲಾವಿದರಿಗೆ ಮತ್ತು ತಂತ್ರಜ್ಞರಿಗೆ ರವಿಚಂದ್ರನ್‌ ಪುತ್ರಿಯ ಮದುವೆಗೆ ಆಹ್ವಾನ ನೀಡಿದ್ದಾರೆ.

ತಮ್ಮ ಮಗಳ ಮದುವೆಗಾಗಿಯೇ ವಿಶೇಷ ಕಾರ್ಯಕ್ರಮವನ್ನೂ ಆಯೋಜನೆ ಮಾಡಿದ್ದಾರಂತೆ ರವಿಚಂದ್ರನ್‌. ಕ್ರೇಜಿ ಲೋಕವನ್ನೇ ಅರಮನೆ ಮೈದಾನದಲ್ಲಿ ಸೃಷ್ಟಿಸುವ ಪ್ಲ್ಯಾನ್‌ ಸಿದ್ಧವಾಗಿದ್ದು, ಹಂಸಲೇಖ ಅಂದು ಸಂಗೀತ ರಸದೌತಣ ನೀಡಲಿದ್ದಾರೆ.