ದಾನೀಶ್‌ ಜತೆ ಪುನೀತ್‌ ಗೆಸ್ಟ್‌ ರೋಲ್‌

ನಟ ಪುನೀತ್‌ ರಾಜ್‌ಕುಮಾರ್‌ ತಮ್ಮ ಸ್ವಂತ ಬ್ಯಾನರ್‌ ಅಡಿಯಲ್ಲಿ ನಿರ್ಮಿಸುತ್ತಿರುವ ಹೊಸ ಸಿನಿಮಾದಲ್ಲಿ ನಟ ದಾನೀಶ್‌ ಸೇಠ್‌ ಜತೆ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ವಿಷಯವನ್ನು ಸ್ವತಃ ದಾನೀಶ್‌ ತಿಳಿಸಿದ್ದಾರೆ.

ಪನ್ನಗ ಭರಣ ನಿರ್ದೇಶನ ಮಾಡುತ್ತಿರುವ ಈ ಸಿನಿಮಾದ ಚಿತ್ರೀಕರಣ ಈಗಾಗಲೇ ಆರಂಭವಾಗಿದ್ದು, ಚಿತ್ರದಲ್ಲಿ ಹಾಸ್ಯದ ಜತೆಗೆ ವಿಡಂಭನಾತ್ಮಕ ಕಥಾ ಹಂದರ ಹೊಂದಿದೆ. ಸದ್ಯಕ್ಕೆ ಪುನೀತ್‌ ಪಾತ್ರ ಹೇಗಿರುತ್ತದೆ ಎಂಬ ಬಗ್ಗೆ ಚಿತ್ರತಂಡ ರಹಸ್ಯವನ್ನು ಕಾಯ್ದುಕೊಂಡಿದೆ.

ನನ್ನ ಹೊಸ ವರ್ಷದ ಹೊಸ ಸಿನಿಮಾ ಜರ್ನಿ ಆರಂಭವಾಗಿದೆ. ನನ್ನ ಅಣ್ಣ ಪುನೀತ್‌ ಹಾಗೂ ಭರವಸೆ ನಿರ್ದೇಶಕ ಪನ್ನಗ ಭರಣ ಸೇರಿದಂತೆ ಹಲವರ ಜತೆ ಕೆಲಸ ಮಾಡುತ್ತಿದ್ದೇನೆ. ಇದೊಂದು ವಿಶೇಷವಾದ ಸಿನಿಮಾ ಎಂದು ಬರೆದುಕೊಂಡಿರುವುದರ ಜತೆಗೆ ಎಲ್ಲರೂ ಜತೆಯಲ್ಲಿರುವ ಫೋಟೋವನ್ನು ಶೇರ್‌ ಮಾಡಿಕೊಂಡಿದ್ದಾರೆ ದಾನೀಶ್‌.