ರಾಮಾ ರಾಮಾ ರೇ ಖ್ಯಾತಿಯ ಧರ್ಮಣ್ಣ ಕಡೂರು ಸ್ಯಾಂಡಲ್‌ವುಡ್‌ನ ಬಹುಬೇಡಿಕೆಯ ನಟರಾಗುತ್ತಿದ್ದಾರೆ.
ಸಧ್ಯ ಬಿಡುಗಡೆಗಿ ಸಿದ್ಧವಾಗಿರುವ ಮುಗುಳುನಗೆ ಸಿನಿಮಾದಲ್ಲಿ ಮುಖ್ಯಪಾತ್ರದಲ್ಲಿ ನಟಿಸಿದ್ದಾರೆ. ಪ್ರವೀಣ್‌ ಅವರ ಜತೆ ಸ್ಟ್ರೈಕರ್‌, ಪುನೀತ್‌ರಾಜ್‌ಕುಮಾರ್‌ ಜತೆ ಅಂಜನಿಪುತ್ರ, ಪ್ರದೇಶ ಸಮಾಚಾರ ಜತೆಗೆ ಸತ್ಯಪ್ರಕಾಶ್‌ ಅವರ ಹೊಸ ಸಿನಿಮಾ ಹೀಗೆ ಸಾಕಷ್ಟು ಸಿನಿಮಾಗಳ ಜತೆಗೆ ರಕ್ಷಿತ್‌ಶೆಟ್ಟಿ, ಪುಷ್ಕರ್‌ ಮಲ್ಲಿಕಾರ್ಜುನ್‌ ನಿರ್ಮಾಣದಲ್ಲಿ ಮೂಡಿ ಬರುತ್ತಿರುವ ಭೀಮಸೇನ ನಳಮಹಾರಾಜ ಸಿನಿಮಾದಲ್ಲಿಯೂ ಮುಖ್ಯ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.
ರಾಮಾ ರಾಮಾ ರೇ ಸಿನಿಮಾದಲ್ಲಿ ತಮ್ಮ ಟೈಮಿಂಗ್‌ನಿಂದ ಗಮನ ಸೆಳೆದಿದ್ದ ಧರ್ಮಣ್ಣ, ತಮ್ಮ ಪ್ರತಿಭೆಯಿಂದಲೆ ಸ್ಯಾಂಡಲ್‌ವುಡ್‌ನ ಗಮನ ಸೆಳೆದಿದ್ದರು.
ಸಾಕಷ್ಟು ಮಂದಿ ನಿರ್ದೇಶಕರು ನಿರ್ಮಾಪಕರು ಅವರ ಅಭಿನಯವನ್ನು ಮೆಚ್ಚಿಕೊಂಡು ಅವರಿಗೆ ಅವಕಾಶಗಳನ್ನು ಕೊಟ್ಟಿದ್ದರು, ಈಗ ಲೂಸ್‌ ಮಾದ ಯೋಗಿಯವರ ಹೆಸರಿಡದ ಸಿನಿಮಾವನ್ನು ಒಪ್ಪಿಕೊಂಡಿದ್ದು, ಸಧ್ಯ ಧರ್ಮಣ್ಣ ಸ್ಯಾಂಡಲ್‌ವುಡ್‌ನ ಬಿಝಿ ನಟರಾಗಿದ್ದಾರೆ. ಮೂಲತಃ ರಂಗಭೂಮಿ ಕಲಾವಿದರಾಗಿರುವ ಅವರು, ಸಾಕಷ್ಟು ಸ್ಯಾಂಡಲ್‌ವುಡ್‌ನಲ್ಲಿ ಪಾತ್ರಕ್ಕಾಗಿ ಸಾಷಕ್ಟು ಸೈಕಲ್‌ ಹೊಡೆದಿದ್ದಾರೆ. ಈಗ ಒಂದರ ಹಿಂದೆ ಒಂದರಂತೆ ಸಿನಿಮಾಗಳ ಅವಕಾಶ ದೊರೆಯುತ್ತಿರುವುದರಿಂದ ಬಹಳಷ್ಟು ಸಂತೋಷವಾಗಿರುವ ಅವರು, ಉತ್ತಮ ಪಾತ್ರಗಳು ಯಾವುದೇ ಸಿಕ್ಕರೂ ಮರು ಮಾತಿಲ್ಲದೇ ಒಪ್ಪಿಕೊಳ್ಳುತ್ತೇನೆ ಎನ್ನುತ್ತಾರೆ.