ನಟ ದರ್ಶನ್ ಪತ್ನಿಗೆ 'My Wife' ಎಂದ ಕಿಡಿಗೇಡಿ ವಿರುದ್ಧ ದೂರು

ಬೆಂಗಳೂರು: ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಪತ್ನಿ ವಿಜಯಲಕ್ಷ್ಮೀ ಅವರಿಗೆ ಕಿಡಿಗೇಡಿಗಳು ಫೇಸ್‌ಬುಕ್‌ನಲ್ಲಿ ಕಿರುಕುಳ ನೀಡಿರುವ ಘಟನೆ ನಡೆದಿದೆ.

ವಿಜಯಲಕ್ಷ್ಮೀ ಅವರ ಚಿತ್ರ ಹಾಗೂ ಅವರ ಕುಟುಂಬದ ಚಿತ್ರಗಳನ್ನು ಬಳಸಿಕೊಂಡಿರುವ ದುರುಳರು, ಕೀಳು ಮಟ್ಟದ ಅಶ್ಲೀಲ ಪದ ಬಳಕೆ ಮಾಡಿ ಹೀಯಾಳಿಸಿದ್ದಾರೆ.

ದರ್ಶನ್ ಜತೆಯಿರುವ ವಿಜಯಲಕ್ಷ್ಮೀ ಅವರ ಚಿತ್ರವನ್ನು ಬಳಸಿಕೊಂಡು ದರ್ಶನ್ ಜಾಗದಲ್ಲಿ ತನ್ನ ಚಿತ್ರವನ್ನು ಸೇರಿಸಿರುವ ಆರೋಪಿ, 'ಆಕೆ ನನ್ನ ಪತ್ನಿ' ಎಂದು ಬರೆದುಕೊಂಡಿದ್ದಾನೆ.


ಘಟನೆ ಸಂಬಂಧ ವಿಜಯಲಕ್ಷ್ಮೀ ಅವರು ಸೈಬರ್ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. ಐಪಿಸಿ ಸೆಕ್ಷನ್ 354(D),354A(1)(iv),(505)(507)(420)ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ.