ಕಿರುತೆರೆಯಲ್ಲಿ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಯಜಮಾನ

ಸ್ಯಾಂಡಲ್‌ವುಡ್‌ ಹಿಟ್ ಸಿನಿಮಾ 'ಯಜಮಾನ' ಆಗಸ್ಟ್ 11ರಂದು ಕಿರುತೆರೆಯಲ್ಲಿ ಮೊಟ್ಟ ಮೊದಲ ಸಲ ಮೂಡಿಬರುತ್ತಿದೆ. ಚಾಲೆಂಜಿಂಗ್ ಸ್ಟಾರ್ ದರ್ಶನ್, ರಶ್ಮಿಕಾ ಮಂದಣ್ಣ ಹಾಗೂ ತಾನ್ಯಾ ಹೋಪ್ ಮುಖ್ಯಭೂಮಿಕೆಯಲ್ಲಿರುವ ಈ ಚಿತ್ರಕ್ಕೆ ಸಂಗೀತ ನಿರ್ದೇಶಕ ವಿ ಹರಿಕೃಷ್ಣ ಆ್ಯಕ್ಷನ್ ಕಟ್ ಹೇಳಿದ್ದಾರೆ.

ದರ್ಶನ್‌ ಕರಿಯರ್‌ನಲ್ಲಿ ಯಜಮಾನ ಸಿನಿಮಾದ ಕಥೆ ವಿಶೇಷವಾಗಿ ಕಾಣುತ್ತದೆ. ಅಡುಗೆ ಎಣ್ಣೆ ಮನುಷ್ಯನ ಜೀವನಕ್ಕೆ ಬಹಳ ಮುಖ್ಯ. ಈ ಎಣ್ಣೆಯನ್ನು ತೆಗೆಯುವರ ಕಷ್ಟ ಮತ್ತು ಹಳ್ಳಿಗಳಲ್ಲಿದ್ದ ಎಣ್ಣೆಗಾಣಗಳನ್ನು ದೊಡ್ಡ ದೊಡ್ಡ ರಿಫೈನರಿ ಆಯಿಲ್‌ ಮಾಫಿಯಾ ಹೇಗೆ ಮುಚ್ಚಿ ಹಾಕುತ್ತದೆ ಎಂಬುದುನ್ನು ಈ ಸಿನಿಮಾದಲ್ಲಿ ಹೇಳಲಾಗಿದೆ. [ಯಜಮಾನ ಚಿತ್ರವಿಮರ್ಶೆ]

ಚಿತ್ರದ ಪಾತ್ರವರ್ಗದಲ್ಲಿ ಧನಂಜಯ, ಪ್ರಜ್ವಲ್ ದೇವರಾಜ್, ಸಾಧು ಕೋಕಿಲ, ದತ್ತಣ್ಣ, ಮಂಡ್ಯ ರಮೇಶ್ ಮತ್ತು ರವಿಶಂಕರ್ ಪ್ರಮುಖ ಪಾತ್ರಗಳನ್ನು ಪೋಷಿಸಿದ್ದಾರೆ. ನಿರ್ದೇಶನದ ಜತೆಗೆ ಸಂಗೀತ ನಿರ್ದೇಶವನ್ನೂ ಮಾಡಿದ್ದಾರೆ.

ಈ ಚಿತ್ರದಲ್ಲಿ ರಶ್ಮಿಕಾ ಮಂದಣ್ಣ ಸಲ್ವಾರ್‌, ಲಂಗಾದಾವಣಿಯಂತಹ ಕಾಸ್ಟ್ಯೂಮ್‌ನಲ್ಲಿಯೇ ಎಷ್ಟು ಮುದ್ದಾಗಿ ಕಾಣುತ್ತಾರೋ, ಅಷ್ಟೇ ಮುದ್ದು ಮುದ್ದಾಗಿ ನಟಿಸಿದ್ದಾರೆ. ದರ್ಶನ್‌ ಮತ್ತು ರಶ್ಮಿಕಾ ಸ್ಯಾಂಡಲ್‌ವುಡ್‌ನ ಹಿಟ್‌ ಜೋಡಿಗಳ ಸಾಲಿಗೆ ಸೇರುವುದರಲ್ಲಿ ಯಾವುದೇ ಅನುಮಾನವಿಲ್ಲ ಎಂಬುದನ್ನು ತೋರಿಸಿದೆ.