ಬಾಕ್ಸ್ ಆಫೀಸ್‌ನಲ್ಲಿ ಮುಗ್ಗರಿಸಿತಾ 'ಡಿಯರ್ ಕಾಮ್ರೇಡ್'?

ವಿಜಯ್ ದೇವರಕೊಂಡ, ರಶ್ಮಿಕಾ ಮಂದಣ್ಣ ತಾರಾ ಜೋಡಿಯ ರೊಮ್ಯಾಂಟಿಕ್ ಡ್ರಾಮಾ ಡಿಯರ್ ಕಾಮ್ರೇಡ್ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ನಿರೀಕ್ಷಿತ ಮಟ್ಟದಲ್ಲಿ ಯಶಸ್ವಿಯಾಗಿಲ್ಲ ಎಂದಿವೆ ಬಾಕ್ಸ್ ಆಫೀಸ್ ಮೂಲಗಳು. ಕಥೆಯನ್ನು ಅನಗತ್ಯವಾಗಿ ಎಳೆದಿರಿವುದೇ ಇದಕ್ಕೆ ಕಾರಣ ಎನ್ನಲಾಗಿದೆ.

ಕಡೆಗೆ ಚಿತ್ರತಂಡ ರೀ ಎಡಿಟ್ ಮಾಡಿ ಚಿತ್ರವನ್ನು ಬಿಡುಗಡೆ ಮಾಡಿದ್ದರೂ ಅಷ್ಟಾಗಿ ವರ್ಕೌಟ್ ಆಗಿಲ್ಲವಂತೆ. ಬಿಡುಗಡೆಯಾದ ಮೂರು ದಿನಗಳಲ್ಲಿ ₹ 18 ಕೋಟಿ ಗಳಿಸಿದ ಡಿಯರ್ ಕಾಮ್ರೇಡ್ ವೀಕ್ ಡೇಸ್‌ನಲ್ಲಿ ಮುಗ್ಗರಿಸಿದ. ಮೊದಲ ವಾರದಲ್ಲಿ ಈ ಸಿನಿಮಾ ಕೇವಲ ₹ 21 ಕೋಟಿ ಮಾತ್ರ ಗಳಿಸಿದೆಯಂತೆ.

ಇದಾದ ಒಂದೇ ವಾರಕ್ಕೆ ಟಾಲಿವುಡ್‌ನಲ್ಲಿ ರಾಕ್ಷಸಡು, ಗುಣ 369 ಸಿನಿಮಾಗಳು ಬಿಡುಗಡೆಯಾಗಿ ಆ ಸಿನಿಮಾಗಳ ಬಗ್ಗೆ ಪಾಸಿಟೀವ್ ಟಾಕ್ ಕೇಳಿಬಂದಿದ್ದು 'ಕಾಮ್ರೇಡ್' ಕಲೆಕ್ಷನ್ ಹೊಡೆತ ಬಿದ್ದಿದೆ. ಬಿಡುಗಡೆಯಾದ ಎಲ್ಲಾ ಕಡೆಯೂ ಕಲೆಕ್ಷನ್ ಹೇಳಿಕೊಳ್ಳುವಂತಿಲ್ಲ ಎಂದಿವೆ ಮೂಲಗಳು. [ಡಬ್ಬಿಂಗ್ ಸಿನಿಮಾಗಳಿಗೆ ಸ್ಯಾಂಡಲ್‍ವುಡ್‌ನಲ್ಲಿ ನೀರಸ ಪ್ರತಿಕ್ರಿಯೆ]

ಡಿಯರ್ ಕಾಮ್ರೇಡ್ ಸಿನಿಮಾ ಸೇಫ್ ವಲಯಕ್ಕೆ ಹೋಗಬೇಕಾದರೆ ಕನಿಷ್ಠ ₹ 34 ಕೋಟಿ ಗಳಿಕೆ ಮಾಡಬೇಕಂತೆ. ಆದರೆ ಈಗಿನ ಪರಿಸ್ಥಿತಿಯಲ್ಲಿ ಅದು ಅಸಾಧ್ಯವಾದ ಮಾತಾಗಿದ್ದು, ಭಾರಿ ನಷ್ಟ ತಪ್ಪಿದ್ದಲ್ಲ ಎಂದಿದ್ದಾರೆ ಬಾಸ್ಕ್ ಆಫೀಸ್ ವಿಶ್ಲೇಷಕರು. ಸರಿಸುಮಾರು ಎಲ್ಲಾ ಏರಿಯಾಗಳಲ್ಲೂ ಡಿಯರ್ ಕಾಮ್ರೇಡ್ ಪರಿಸ್ಥಿತಿ ಇದಕ್ಕಿಂತ ಭಿನ್ನವಾಗಿಲ್ಲವಂತೆ. [ರಶ್ಮಿಕಾ ಜತೆ 'ಲಿಪ್‌ ಲಾಕ್' ಸೀನ್ ನೈಜವಾದುದಲ್ಲ: ವಿಜಯ್ ದೇವರಕೊಂಡ]