ಡೈಲಾಗ್‌ ಹೇಳೋಕೆ ಕಷ್ಟವಾಗುತ್ತೆ

ಜಾಗ್ವಾರ್‌ ಸಿನಿಮಾ ಚಿತ್ರೀಕರಣದಲ್ಲಿ ತಮಗೆ ಭಾಷೆಯ ತೊಡಕು ಎದುರಾಗುತ್ತಿದೆ ಎಂದಿದ್ದಾರೆ ನಟಿ ದೀಪ್ತಿ ಸಾಟಿ. 'ನಿಖಿಲ್‌ ಕುಮಾರ್‌ ಜೊತೆ ನಟಿಸುತ್ತಿರುವ ಜಾಗ್ವಾರ್‌ ಸಿನಿಮಾ ಕನ್ನಡ ಮತ್ತು ತೆಲುಗು ಎರಡು ಭಾಷೆಗಳಲ್ಲಿ ತಯಾರಾಗುತ್ತಿದೆ. ಈ ಎರಡೂ ಭಾಷೆಗಳು ನನಗೆ ಹೊಸತು. ಸಹಜವಾಗಿಯೇ ಶೂಟಿಂಗ್‌ನಲ್ಲಿ ಸಮಸ್ಯೆ ಎದುರಿಸುತ್ತಿದ್ದೇನೆ. ಕೆಲವೊಮ್ಮೆ ತಪ್ಪು ಮಾತನಾಡಿದಾಗ ಸೆಟ್‌ನಲ್ಲಿ ಹಾಸ್ಯದ ಹೊನಲು ಹರಿಯುತ್ತದೆ' ಎನ್ನುವ ಅವರಿಗೆ ಚಿತ್ರದಲ್ಲಿ ಬಬ್ಲಿ ಪಾತ್ರವಿದೆಯಂತೆ.

'ಚಿತ್ರದಲ್ಲಿ ನಾನು ಬಬ್ಲಿ ಕಾಲೇಜ್‌ ಯುವತಿಯಾಗಿ ನಟಿಸುತ್ತಿದ್ದೇನೆ. ನನ್ನ ಚೊಚ್ಚಲ ಮಲಯಾಳಂ ಸಿನಿಮಾ ನೀನಾದಲ್ಲಿ ಟಾಂಬಾಯ್‌ ಪಾತ್ರ ನಿರ್ವಹಿಸಿದ್ದೆ. ಇಲ್ಲಿ ಪಾತ್ರಕ್ಕೆ ಅದಕ್ಕಿಂತ ಭಿನ್ನವಾದ ಚಿತ್ರಣವಿದೆ. ನಿಖಿಲ್‌ ಜೊತೆಗಿನ ದ್ವಿಭಾಷಾ ಸಿನಿಮಾ ನನ್ನ ವೃತ್ತಿ ಬದುಕಿಗೆ ಮಹತ್ವದ ತಿರುವಾಗಲಿದೆ' ಎನ್ನುತ್ತಾರೆ ದೀಪ್ತಿ ಸಾಟಿ.