ಡೆಮೊ ಪೀಸ್‌ನಲ್ಲಿಕಲರ್‌ಫುಲ್‌ ಸೋನಲ್‌, ಭರತ್‌

ಹರೀಶ್‌ ಬಸವರಾಜ್‌

ಬ್ರಹ್ಮಗಂಟು ಸೀರಿಯಲ್‌ ಮೂಲಕ ಫೇಮಸ್‌ ಆದ ಭರತ್‌ ಭೋಪಣ್ಣ ನಾಯಕರಾಗಿ ನಟಿಸಿರುವ ಡೆಮೋಪೀಸ್‌ ಎಂಬ ಸಿನಿಮಾದಲ್ಲಿಪಂಚತಂತ್ರದ ಬೆಡಗಿ ಸೋನಲ್‌ ಮಂಥೆರೋ ನಾಯಕಿಯಾಗಿದ್ದಾರೆ.

ವಿವೇಕ್‌ ನಿರ್ದೇಶನ ಮಾಡುತ್ತಿರುವ ಈ ಚಿತ್ರವನ್ನು ಸ್ಪರ್ಶ ರೇಖಾ ನಿರ್ಮಾಣ ಮಾಡಿದ್ದಾರೆ. ಸೋನಲ್‌ ಮಂಥೆರೋ ಈ ಸಿನಿಮಾದಲ್ಲಿಅವರು ವಿಭಿನ್ನ ಶೈಲಿಯ ಪಾತ್ರ ಮಾಡಿದ್ದಾರಂತೆ. ಇಡೀ ಸಿನಿಮಾ ಪೂರ್ತಿ ಸೋನಲ್‌ ಕಲರ್‌ಫುಲ್‌ ಲುಕ್‌ನಲ್ಲಿಕಾಣಿಸಿಕೊಳ್ಳುವುದು ವಿಶೇಷ. ಚಕ್ರವರ್ತಿ ಚಂದ್ರಚೂಡ್‌ ಸಹ ಒಂದು ಪಾತ್ರದಲ್ಲಿದ್ದಾರೆ.

'ಡೆಮೋಪೀಸ್‌ ನನ್ನ ನಿರ್ದೇಶನದ ಮೊದಲ ಸಿನಿಮಾ. ಬದುಕಿಗೆ ಹತ್ತಿರವಾಗುವಂಥ ಕಥೆಯನ್ನು ಈ ಸಿನಿಮಾದಲ್ಲಿಹೇಳುತ್ತಿದ್ದೇನೆ. ಜತೆಗೆ ಕಾಲೇಜ್‌ನಲ್ಲಿನಡೆಯುವ ಸ್ಟೋರಿ ಕೂಡ ಇಲ್ಲಿದೆ. ಇದೊಂದು ಪಕ್ಕಾ ಎಂಟರ್‌ಟೇನರ್‌ ಸಿನಿಮಾವಾಗಿದ್ದು, ಕುಟುಂಬ ಸಮೇತ ನೋಡುವಂಥ ಹಲವು ಅಂಶಗಳು ಸಿನಿಮಾದಲ್ಲಿವೆ ಉತ್ತಮವಾದ ಹಾಡುಗಳು, ಫೈಟ್ಸ್‌ ಎಲ್ಲವೂ ಡೆಮೋಪೀಸ್‌ನಲ್ಲಿದೆ' ಎಂದಿದ್ದಾರೆ ನಿರ್ದೇಶಕರು.

ಇನ್ನು ದರ್ಶನ್‌ ಮತ್ತು ಸುದೀಪ್‌ ಅವರ ಮೊದಲ ಸಿನಿಮಾಗಳಲ್ಲಿನಾಯಕಿಯಾಗಿ ನಟಿಸಿದ್ದ ರೇಖಾ ಈ ಸಿನಿಮಾದಿಂದ ನಿರ್ಮಾಪಕರಾಗರಾಗಿದ್ದಾರೆ. ಕಥೆ ಕೇಳಿದ ತಕ್ಷಣ ವಿವೇಕ್‌ಗೆ ಸಿನಿಮಾ ಮಾಡಿದ್ದಾರಂತೆ ಅವರು.

ಸದ್ಯದಲ್ಲೇ ಆಡಿಯೋ ಬಿಡುಗಡೆ ಮಾಡಲು ನಿರ್ದೇಶಕ ವಿವೇಕ್‌ ಪ್ಲಾನ್‌ ಮಾಡಿಕೊಂಡಿದ್ದು, ಸಿನಿಮಾವನ್ನು ಈ ವರ್ಷದ ಕೊನೆಯಲ್ಲಿರಿಲೀಸ್‌ ಮಾಡಲಿದ್ದಾರಂತೆ.