ಡಾಲಿಯಾಗುತ್ತಿದ್ದಾರೆ ಧನಂಜಯ

ಟಗರು ಸಿನಿಮಾದ ಡಾಲಿ ಪಾತ್ರದ ಮೂಲಕ ಸ್ಟಾರ್‌ ಪಟ್ಟಕ್ಕೇರಿದ ನಟ ಧನಂಜಯ ಮತ್ತು ಪ್ರಭು ಶ್ರೀನಿವಾಸ್‌ ಕಾಂಬಿನೇಶನ್‌ನÜ ಮುಂದಿನ ಸಿನಿಮಾ ಟೈಟಲ್‌ ಡಾಲಿ ಎಂದು ಫಿಕ್ಸ್‌ ಆಗಿದೆ.

ಈ ಹಿಂದೆ ಟಗರು ಚಿತ್ರ ರಿಲೀಸ್‌ ಆದಾಗ ಅದರಲ್ಲಿನ ಡಾಲಿ ಪಾತ್ರ ಸಿಕ್ಕಾಪಟ್ಟೆ ಫೇಮಸ್‌ ಆಗಿತ್ತು, ಟಗರು ನಂತರ ಸೂರಿಯವರೇ ಡಾಲಿ ಮಾಡುತ್ತಾರೆ ಎಂಬ ಸುದ್ದಿಗಳು ಹಬ್ಬಿತ್ತು. ಆದರೆ ಸೂರಿ ಪಾಪ್‌ ಕಾರ್ನ್‌ ಮಂಕಿ ಟೈಗರ್‌ ಎಂಬ ಸಿನಿಮಾ ಆರಂಭ ಮಾಡಿದರು. ಇಗ ಪ್ರಭು ಶ್ರೀನಿವಾಸ್‌ ಧನಂಜಯ ಅವರನ್ನಿಟ್ಟುಕೊಂಡು ರೌಡಿಸಂ ಕಥೆ ಮಾಡಿದ್ದು, ಅದಕ್ಕೆ ಡಾಲಿ ಟೈಟಲ್‌ ಸೂಟ್‌ ಆಗುತ್ತದೆ ಎಂದು, ನಿರ್ದೇಶಕರು ಸೂರಿಯವರನ್ನು ಸಂಪರ್ಕಿಸಿದಾಗ ಸೂರಿ ಟೈಟಲ್‌ನ್ನು ಕೊಟ್ಟಿದ್ದಾರಂತೆ. ಈ ಚಿತ್ರಕ್ಕೆ ಎರಡನೇ ಸಲ ಸಿನಿಮಾಗೆ ಬಂಡವಾಳ ಹೂಡಿದ್ದ ಯೋಗಿ ಡಾಲಿಗೂ ನಿರ್ಮಾಪಕರಾಗಿದ್ದಾರೆ. ಒಟ್ಟಿನಲ್ಲಿ ಡಾಲಿ ಧನಂಜಯ ಅವರನ್ನು ಬಿಟ್ಟು ಹೋಗುತ್ತಿಲ್ಲ. ಪ್ರಭು ಶ್ರೀನಿವಾಸ್‌ ಈ ಹಿಂದೆ ಗಣಪ ಸಿನಿಮಾವನ್ನು ನಿರ್ದೇಶನ ಮಾಡಿದ್ದರು.