ಕ್ಲೈಮ್ಯಾಕ್ಸ್‌ನಲ್ಲಿ ಡ್ಯೂಪ್‌ ಇಲ್ಲದೇ ನಟಿಸಿದ ಧನ್ಸಿಕಾ

ಸಸ್ಪೆನ್ಸ್‌ ಥ್ರಿಲ್ಲರ್‌ ಸಿನಿಮಾಗಳ ಮೂಲಕ ದೊಡ್ಡ ಹೆಸರು ಮಾಡಿದ್ದ ಸುನೀಲ್‌ಕುಮಾರ್‌ ದೇಸಾಯಿ ಉದ್ಘರ್ಷ ಎಂಬ ಸಿನಿಮಾ ಮೂಲಕ ಮತ್ತೆ ಬಂದಿದ್ದಾರೆ. ಈ ಸಿನಿಮಾದಲ್ಲಿ ಕಬಾಲಿ ಖ್ಯಾತಿಯ ಧನ್ಸಿಕಾ ನಟಿಸುತ್ತಿದ್ದು, ಅವರು ಸಾಹಸ ದೃಶ್ಯಗಳಲ್ಲಿ ಪಾಲ್ಗೊಂಡಿದ್ದ ಆ್ಯಕ್ಷನ್‌ ಸನ್ನೀವೇಶಗಳನ್ನುಮಡಿಕೇರಿಯಲ್ಲಿ ಚಿತ್ರೀಕರಣ ಮಾಡಲಾಯಿತು

ಈಗಾಗಲೇ ವಿಭಿನ್ನ ಪೋಸ್ಟರ್‌ಗಳಿಂದ ಜನರಲ್ಲಿ ಕುತೂಹಲ ಮೂಡಿಸಿರುವ ದೇಸಾಯಿ, ಮಡಿಕೇರಿಯಲ್ಲಿ ಕ್ಲೈಮ್ಯಾಕ್ಸ್‌ ಶೂಟಿಂಗ್‌ ಮಾಡುತ್ತಿದ್ದಾರೆ. ಈ ಕ್ಲೈಮ್ಯಾಕ್ಸ್‌ನಲ್ಲಿ ಧನ್ಸಿಕಾ, ಬ್ರಿಟಿಷರ ಕಾಲದ ಬಂಗಲೆಯೊಂದರ ಕೊನೆ ಮಹಡಿಯಿಂದ ಎಸ್ಕೇಪ್‌ ಆಗ್ತೀರೋ ದೃಶ್ಯದ ಚಿತ್ರೀಕರಣ ನಡೆದಿದೆ.

ಈ ವೇಳೆ ಯಾವುದೇ ಡ್ಯೂಪ್‌ ಬಳಸದೇ ಧನ್ಸಿಕಾ ಚಿತ್ರೀಕರಣದಲ್ಲಿ ಪಾಲ್ಗೊಂಡಿದ್ದರು. ಈ ಚಿತ್ರದಲ್ಲಿ ಧನ್ಸಿಕಾ ಜತೆ ಠಾಕೂರ್‌ ಅನೂಪ್‌ ಸಿಂಗ್‌, ಕಬೀರ್‌ ದುಹಾನ್‌ ಸಿಂಗ್‌, ಪ್ರಭಾಕರ್‌, ಕಿಶೋರ್‌, ತಾನ್ಯ ಹೋಪ್‌ ಸೇರಿದಂತೆ ಬಹು ತಾರಾಗಣವೇ ಇದೆ. ಆರ್‌ ದೇವರಾಜ್‌ ಈ ಸಿನಿಮಾವನ್ನು ಡಿ ಕ್ರಿಯೇಷನ್ಸ್‌ ಬ್ಯಾನರ್‌ನಲ್ಲಿ ನಿರ್ಮಾಣ ಮಾಡಿದ್ದಾರೆ.