ಮುಗುಳುನಗೆಯಲ್ಲಿ ಭರ್ಜರಿ ಸದ್ದು ಮಾಡುತ್ತಿರುವ ಧರ್ಮಣ್ಣ ಕಡೂರು ಒಂದರ ಹಿಂದೆ ಒಂದರಂತೆ ಸಿನಿಮಾಗಳನ್ನು ಒಪ್ಪಿಕೊಳ್ಳುತ್ತಲೇ ಇದ್ದಾರೆ, ಅವರ ಅಕೌಂಟಿಗೆ ಈಗ ಲಂಬೋಧರ, ಕಾಣದಂತೆ ಮಾಯವಾದವನು ಸೇರಿಕೊಂಡಿವೆ.
ಹೌದು ರಾಮಾ ರಾಮಾ ರೇ ಯ ಸಖತ್‌ ಕಾಮಿಡಿ ಟೈಮಿಂಗ್‌ನಿಂದ ಗಮನ ಸೆಳೆದಿದ್ದ ಧರ್ಮಣ್ಣ ಅವರಿಗೆ ಈಗ ಸಾಕಷ್ಟು ಆಫರ್‌ಗಳು ಮೇಲಿಂದ ಮೇಲೆ ಬರುತ್ತಿವೆ. ಇತ್ತೀಚೆಗಷ್ಟೇ ಭೀಮ ಸೇನ ನಳ ಮಹಾರಾಜ, ಸ್ಟ್ರೈಕರ್‌ ಸೇರಿದಂತೆ ಸಾಕಷ್ಟು ಸಿನಿಮಾಗಳಲ್ಲಿ ನಟಿಸುತ್ತಿದ್ದರು. ಈಗ ಲೂಸ್‌ ಮಾದ ಯೋಗಿ ನಾಯಕರಾಗಿರುವ ಲಂಬೋಧರ ಸಿನಿಮಾದಲ್ಲಿ ಮುಖ್ಯ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.
ಬಿಡುಗಡೆಗೆ ಸಿದ್ಧವಾಗಿರುವ ಮುಗುಳುನಗೆಯಲ್ಲಿ ಗಣೇಶ್‌ ಅವರ ಸ್ನೇಹಿತರಾಗಿ ನಟಿಸಿದ್ದಾರೆ. ಪುನೀತ್‌ರಾಜ್‌ಕುಮಾರ್‌ ಜತೆ ಅಂಜನಿಪುತ್ರದಲ್ಲಿಯೂ ಅಭಿನಯಿಸಿದ್ದಾರೆ. ಇದೆಲ್ಲದರ ಜತೆಗೆ ನಿರ್ದೇಶಕ ವಿಕಾಸ್‌ ನಾಯಕರಾಗಿರುವ ಕಾಣದಂತೆ ಮಾಯಾವಾದವನು ಸಿನಿಮಾದಲ್ಲಿಯೂ ಒಂದು ಪಾತ್ರ ಧರ್ಮಣ್ಣ ಅವರಿಗೆ ಇದೆಯಂತೆ.
ಒಟ್ಟಿನಲ್ಲಿ ಬಿಡುಗಡೆಯಾಗಿರುವುದು ಒಂದೇ ಸಿನಿಮಾವಾದರೂ ಧರ್ಮಣ್ಣ ಸಾಕಷ್ಟು ದೊಡ್ಡ ದೊಡ್ಡ ಸಿನಿಮಾಗಳಲ್ಲಿ ಲೀಡ್‌ ರೋಲ್‌ನಲ್ಲಿ ಕಾಣಿಸಿಕೊಳ್ಳುತ್ತಾ, ಭರವಸೆಯ ಹಾಸ್ಯ ನಟನಾಗುವತ್ತ ಹೆಜ್ಜೆ ಇಡುತ್ತಿದ್ದಾರೆ.