ಅಣ್ಣಾವ್ರ ಸಿನಿಮಾ ಶೀರ್ಷಿಕೆಯನ್ನು ಕೈಬಿಟ್ಟು 'ಶಿವ'ನ ಹಿಂದೆಬಿದ್ದ ನಟ ರಾಮ್‌ಕುಮಾರ್ ಪುತ್ರ

ನಟ ಧೀರೇನ್‌ ರಾಮ್‌ಕುಮಾರ್‌ ನಟನೆಯ ಚೊಚ್ಚಲ ಚಿತ್ರಕ್ಕೆ ಕೊನೆಗೂ ಹೆಸರು ಅಂತಿಮಗೊಂಡಿದೆ. ಡಾ.ರಾಜ್‌ಕುಮಾರ್‌ ನಟನೆಯ ಚಿತ್ರದ ಹೆಸರಿನ ಬದಲಾಗಿ ಈಗ ಪುತ್ರ ಶಿವರಾಜ್‌ ಕುಮಾರ್‌ ಅವರ ಹೆಸರನ್ನಿಡಲಾಗಿದೆ. ಚಿತ್ರಕ್ಕೆ 'ಶಿವ 143' ಎಂದು ಹೆಸರಿಡಲಾಗಿದೆ. ಈ ಚಿತ್ರವನ್ನು ಅನಿಲ್‌ ಕುಮಾರ್‌ ನಿರ್ದೇಶಿಸುತ್ತಿದ್ದಾರೆ.
'ಕೆಲವು ಲುಕ್‌ಗಳಲ್ಲಿ ಧೀರೇನ್‌ ಶಿವರಾಜ್‌ಕುಮಾರ್‌ ತರಹ ಕಾಣ್ತಾರೆ'
ನಟ ರಾಮ್‌ಕುಮಾರ್‌ ಪುತ್ರ ಧೀರೇನ್‌ ನಟನೆಯ ಹೊಸ ಚಿತ್ರಕ್ಕೆ ಈಗಾಗಲೇ ಚಿತ್ರೀಕರಣ ಮಾಡಲಾಗಿದೆ. ಈ ಚಿತ್ರಕ್ಕೆ ಮೊದಲು 'ದಾರಿ ತಪ್ಪಿದ ಮಗ' ಎಂದು ಹೆಸರಿಡಲಾಗಿತ್ತು. ಈ ಹೆಸರು ಬದಲಿಸುವಂತೆ ಅಣ್ಣಾವ್ರ ಅಭಿಮಾನಿಗಳು ಒತ್ತಾಯ ಮಾಡಿದ್‌ ಹಿನ್ನೆಲೆಯಲ್ಲಿಈ ಟೈಟಲ್‌ ಅನ್ನು ಬದಲಾಯಿಸುತ್ತಿರುವುದಾಗಿ ನಿರ್ದೇಶಕರು ಹೇಳಿದ್ದು ಲವಲವಿಕೆಯಲ್ಲಿವರದಿಯಾಗಿತ್ತು. ಅದರಂತೆ ಹೊಸ ಟೈಟಲ್‌ ಫೈನಲ್‌ ಆಗಿದೆ.
ರಾಜ್‌ ಮೊಮ್ಮಗನ ಚಿತ್ರಕ್ಕೆ ರ‍್ಯಾಂಬೋ ಅನಿಲ್‌
ಈ ಚಿತ್ರದಲ್ಲಿಧೀರೇನ್‌ ಪಾತ್ರದ ಹೆಸರು ಶಿವ ಎಂಬುದಾಗಿದೆ. ಹಾಗಾಗಿ ಈ ಹೆಸರು ಹೆಚ್ಚು ಸೂಕ್ತ ಎನ್ನುತ್ತಾರೆ ಧೀರೇನ್‌. 'ಚಿತ್ರದಲ್ಲಿನನ್ನ ಪಾತ್ರಕ್ಕೆ ಶಿವ ಎಂದು ಹೆಸರು. ದಾರಿ ತಪ್ಪಿದ ಮಗ ಎಂಬ ಹೆಸರಿಗಿಂತ ಈ ಟೈಟಲ್‌ ಹೆಚ್ಚು ಸೂಕ್ತವಾಗಿದೆ. ಚಿತ್ರದ ಕಥೆಗೆ ಶಿವ 143 ಎಂಬ ಟೈಟಲ್‌ ಚೆನ್ನಾಗಿ ಮ್ಯಾಚ್‌ ಆಗುತ್ತಿದೆ' ಎಂದಿದ್ದಾರೆ ಅವರು.