ಇನ್‌ಸ್ಟಾಗ್ರಾಮ್‌ಗೆ ಅಡಿಯಿಟ್ಟ ಧ್ರುವ ಸರ್ಜಾ; ವೀಡಿಯೊಗೆ ಫ್ಯಾನ್ಸ್ ಫಿದಾ

ಆ್ಯಕ್ಷನ್ ಪ್ರಿನ್ಸ್ ಇದೇ ಮೊದಲ ಸಲ ಇನ್‌ಸ್ಟಾಗ್ರಾಮ್‌ಗೆ ಅಡಿಯಿಟ್ಟಿದ್ದಾರೆ. ಅಭಿಮಾನಿಗಳು ಅಷ್ಟೇ ಸಾದರದಿಂದ ಅವರನ್ನು ಬರಮಾಡಿಕೊಂಡಿದ್ದಾರೆ. ಇನ್ನು ಮುಂದೆ ಇಲ್ಲೇ ಸಕ್ರಿಯನಾಗಿರುತ್ತೇನೆ ಎಂದಿದ್ದಾರೆ ಧ್ರುವ ಸರ್ಜಾ.

ಈ ಬಗ್ಗೆ ವೀಡಿಯೊ ಹಂಚಿಕೊಂಡಿದ್ದು, "ಹಾಯ್ ಎಲ್ಲರಿಗೂ ನಮಸ್ಕಾರ. ನಾನು ನಿಮ್ಮ ಪ್ರೀತಿಯ ಧ್ರುವ ಸರ್ಜಾ. ಫೈನಲಿ ಇನ್‌ಸ್ಟಾಗ್ರಾಮ್‌ ಬರುತ್ತಿದ್ದೇನೆ. ನಾನು ಯಾವುದೇ ಸಾಮಾಜಿಕ ಮಾಧ್ಯಮದಲ್ಲೂ ಆಕ್ಟೀವ್ ಆಗಿರಲಿಲ್ಲ. ಆಕ್ಟೀವ್ ಆಗಿ ಇರಬೇಕು ಎಂದೇ ಈಗ ನಾನು ಇನ್‍ಸ್ಟಾಗ್ರಾಮ್‌ಗೆ ಬರುತ್ತಿದ್ದೇನೆ" ಎಂದಿದ್ದಾರೆ.

ನನ್ನ ಮುಂದಿನ ಸಿನಿಮಾ ಪೊಗರು. ಆ ಸಿನಿಮಾದ ಪ್ರತಿಯೊಂದು ಅಪ್‌ಡೇಟನ್ನು ಈ ಪೇಜಲ್ಲಿ ಮಾಡ್ತಾ ಇರ್ತೀನಿ. ನೀವೆಲ್ಲಾ ಫಾಲೋ ಮಾಡಿ, ಆಶೀರ್ವಾದ ಮಾಡಿ ಎಂದಿದ್ದಾರೆ. ಇದಕ್ಕೆ ಅಭಿಮಾನಿಗಳು ಖುಷಿಯಿಂದ ಕಾಮೆಂಟ್ ಮಾಡುತ್ತಿದ್ದಾರೆ. ['ಪೊಗರು' ಪೋಸ್ಟರ್ ರಿಲೀಸ್; ಸಿನಿಮಾ ಯಾವಾಗ ಬ್ರದರು ಎಂದ ಫ್ಯಾನ್ಸ್]

ಪೊಗರು ಸಿನಿಮಾದಲ್ಲಿ ರಶ್ಮಿಕಾ ಮಂದಣ್ಣ ನಾಯಕಿ. ಈ ಸಿನಿಮಾದ ಪೋಸ್ಟರ್ ಇತ್ತೀಚೆಗಷ್ಟೇ ರಿಲೀಸ್ ಆಗಿತ್ತು. ಅದ್ದೂರಿ, ಬಹದ್ದೂರ್ ಮತ್ತು ಭರ್ಜರಿ ಸಿನಿಮಾಗಳ ಮೂಲಕ ಹ್ಯಾಟ್ರಿಕ್ ಸಾಧನೆ ಮಾಡಿದವರು ಧ್ರುವ ಸರ್ಜಾ. ಇದೀಗ 'ಪೊಗರು' ತೋರಿಸಲು ಬರುತ್ತಿದ್ದಾರೆ.

ಚಿತ್ರದಲ್ಲಿ ಶಾಲಾ ಬಾಲಕನ ಪಾತ್ರ ಪೋಷಿಸಿರುವ ಧ್ರುವ ಸರ್ಜಾ ಈ ಪಾತ್ರಕ್ಕಾಗಿ 30 ಕೆಜಿ ತೂಕ ಕಡಿಮೆ ಮಾಡಿಕೊಂಡಿದ್ದಾರೆ. ವಿ ಹರಿಕೃಷ್ಣ ಸಂಗೀತ ಇರುವ ಈ ಚಿತ್ರದ ನಾಯಕಿ ರಶ್ಮಿಕಾ ಮಂದಣ್ಣ. ಖಳನಟನಾಗಿ ಧನಂಜಯ್ ಕಾಣಿಸಲಿದ್ದಾರೆ. ಪಾತ್ರವರ್ಗದಲ್ಲಿ ರವಿಶಂಕರ್, ಸಾಧು ಕೋಕಿಲ, ಚಿಕ್ಕಣ್ಣ ಮತ್ತು ಕುರಿ ಪ್ರತಾಪ್ ಇದ್ದಾರೆ.