ಬರ್ತ್‌ಡೇ ಆಚರಿಸುವ ಮೂಡ್‌ ಇಲ್ಲ: ಡಾಲಿ ಧನಂಜಯ

ಸ್ಯಾಂಡಲ್‌ವುಡ್‌ನಲ್ಲಿ ಮಿಂಚುತ್ತಿರುವ ನಟ ಡಾಲಿ ಧನಂಜಯ ಅವರ ಹುಟ್ಟು ಹಬ್ಬವಿಂದು(ಆಗಸ್ಟ್‌ 23), ಆದರೆ ನಮ್ಮ ಜನರು ಸಂಕಷ್ಟದಲ್ಲಿರುವಾಗ ನಾನು ಹುಟ್ಟುಹಬ್ಬ ಆಚರಿಸಲ್ಲ ಎಂದು ಹೇಳುವ ಮೂಲಕ ಜನರ ಕಷ್ಟಕ್ಕೆ ಮನ ಮಿಡಿದಿದ್ದಾರೆ.

'ಕೇರಳ, ಕೊಡಗಿನಲ್ಲಿ ಪ್ರವಾಹದಿಂದಾಗಿ ಜನರ ಬದುಕು ನುಚ್ಚು ಚೂರಾಗಿದೆ. ಅವರೆಲ್ಲಾ ಅಷ್ಟು ಕಷ್ಟ ಅನುಭವಿಸುತ್ತಿರುವಾಗ ಹುಟ್ಟು ಹಬ್ಬವನ್ನು ಹೇಗೆ ತಾನೆ ಸಂಭ್ರಮದಿಂದ ಆಚರಿಸಲು ಸಾಧ್ಯ?'ಎಂದು ಕೇಳಿದ್ದಾರೆ.

ಈಗಾಗಲೇ ತುಂಬಾ ಅಭಿಮಾನಿಗಳು ಅವರನ್ನು ಭೇಟಿಯಾಗಬೇಕೆಂದು ಕೇಳಿ ಕರೆ ಮಾಡಿದ್ದಾರೆ, ಅದಕ್ಕೆ ಪ್ರತಿಕ್ರಿಯಿಸಿರುವ ಡಾಲಿ ಒಂದು ವೇಳೆ ಭೇಟಿ ಮಾಡುವುದಾದರೆ ನನಗಾಗಿ ಕೇಕ್, ಹೂ ತರಬೇಡಿ, ಅದೇ ದುಡ್ಡನ್ನು ಸಂತ್ರಸ್ತರಿಗೆ ನೀಡಿ ಅರ್ಥ ಪೂರ್ಣ ಹುಟ್ಟುಹಬ್ಬ ಆಚರಿಸುವ ಎಂದಿದ್ದಾರೆ.

ಅದ್ಧೂರಿ ಹುಟ್ಟುಹಬ್ಬ ಬೇಡ, ಸಂತ್ರಸ್ತರಿಗೆ ನೆರವಾಗುವ ಎಂಬ ಅವರ ಗುಣಕ್ಕೆ ಮೆಚ್ಚುಗೆ ಸೂಚಿಸುತ್ತಾ, ವಿಜಯಕರ್ನಾಟಕ ವೆಬ್ ಅವರಿಗೆ ಸಿಂಪಲ್‌ ಆಗಿ ಹುಟ್ಟುಹಬ್ಬದ ಶುಭಾಶಯ ಕೋರುತ್ತಿದ್ದೇವೆ.